Tila big deal for Showbiz Central ang pagi-guest ni Maui Taylor sa show kahapon, August 17. Napapayag din ito na maupo sa "Hot Seat" ng Central Jury at sa bandang huli ay kailangan ni Maui na mamili between Killer Question or Killer Task.
Dahil wala pa si Rufa Mae Quinto sa bansa, si Pia Guanio muna ang nag-interview kay Maui. Mo Twister, who is one of the segment hosts of Central Jury was not yet in the scene; alam ng lahat na may conflict kina Maui at Mo. The two used to work together in DJ Mo's radio show.
Unang tanong nga ni Pia kay Maui, how does she feel now that she's in Mo's territory?
Natatawa naman si Maui nang sumagot. Aniya, "Actually, to tell you honestly, I've been so nervous coming here. They've been telling me to come here live, pero, sabi ko, parang ayoko yata. Kasi, I'm not sure kung okey na kami ni Mo.
"And this is the first time actually that we're seeing each other after one year...as in, after one year," pagbibigay-diin niya.
Pia asked Maui kung ano ba talaga ang pinag-ugatan ng pag-aaway nila ni Mo na nauwi sa pagre-resign niya from the radio show?
"Actually kasi, during that time when I was in radio, I was busy campaigning. So, siyempre dumarating ako ng late. Naiinis siya when it comes to attendance. He was being rude. He was being rude in radio. Pero wala na yun, okey na yun..."
Pero totoo raw ba na may sinabi si Mo na talagang ikinapikon niya?
"Sabi niya, ‘Resign now! I don't care!' Ha-ha-ha! So, I did at hindi na ‘ko pumasok since then."
MEETING MO. Sinagot naman ni Maui si Pia na ready as ever na raw siyang harapin si Mo. Sa puntong yun, tinawag na nga ni Pia si Mo na may dalang bulaklak para kay Maui at pabirong lumuhod pa ito sa harapan ni Maui at nag-sorry habang may ilang segundo rin silang nagyakapan.
Ayon kay Pia, the thing that people do not know about Mo is that, he is actually a sweet person naman, at sinang-ayunan din naman ni Maui.
"Yes, he's sweet, he's just tough about his work."
Sabi ni Mo, na-miss daw niya si Maui, "But you know...you're saying about work ethics ko...pero I have to give credit kay Maui because, hindi talaga ako magiging host dito sa Showbiz Central or as controversial or yung radio show namin hindi magiging ganoon ka-successful because you know, Maui, siya ang unang guest namin sa ‘Forbidden Questions' which is the popular segment. Siya rin ang tumutulong na kumuha ng mga artista na mag-guest sa show. A lot of the success na nangyari sa show, really involves Maui."
BREAKUP WITH BRIAN. After that, Mo asked the first question to Maui as Central Jury host. Ano ba talaga ang reason ng breakup nila ni Brian Revilla? May sinasabi rin kasi na ayaw sa kanya diumano ng Revilla family. Totoo ba ito?
"No, it's not true. Even up to now, kami ni Tita Lani [Mercado], we text each other. And there's a surprise party for our common friend and she was even calling me. Asking me, ‘Where are you na? We will pick her up na...' So, we're really okay."
So, what's the real reason of their breakup?
"Naku, buksan pa ba? May third party kasi...sa kanya. Hindi ako."
Tinanong naman ni Pia kung sinauli na raw ba ni Maui ang ring na ibinigay ni Brian sa kanya nang mag-break sila?
"Actually hindi...kasi, ayaw niya. Sabi niya sa akin, ibinigay ko ‘yan sa ‘yo, so, that's yours. Hindi kailangang ibalik."
Mo insisted on the question, sino ba ang third party?
"Huwag na...huwag na...sarado na ang isyu, e. It's a model. At saka, nakita ko, e. I came from Anilao, Batangas, I went diving. ‘Tapos, pagdating ko sa BF [Paranaque], sa may Starbucks, hayun na! ‘Tapos bigla silang umalis."
MOMMIES' CATFIGHT. How true naman daw that her mom and Angelica Jones's mom were involved in a catfight recently dahil sa alahas at pera?
"Actually, alam n'yo, wala ako noon, e. Hindi siya catfight. Naikuwento lang sa akin ng mom ko. With regards to kung anuman ang isyu meron sila, I don't think the kids should be involved. Especially with Angelica and I, I don't think na kailangan naming mag-away just because our parents are fighting."
Nagkausap na ba sila ni Angelica?
"No, hindi pa...the last time we saw each other, yung guesting namin sa Kung Ako Ikaw and since then, hindi pa kami nagkikita. But I'm not expecting anything. As I've said, I don't want to be involved. At saka, wala talaga akong alam sa isyu ng pera at alahas," natatawa niyang sabi.
MAUI'S KILLER TASK. Nang dumating na sa oras ng pamimili ni Maui between "Killer Question" or "Killer Task," Maui chose the "Killer Task." At ang "Killer Task" nga ay ang live niyang kausapin si Wilma Doesnt, ang isa sa mga nakaalitan niya raw dahil din sa radio show ni Mo nang sabihan siya nitong pinakaayaw at artistang pinaka-plastic para sa kanya.
Via phone-patch, nagsalita nga si Wilma. Aniya ng pabiro, "Alam n'yo, si Mo rin ang may dahilan kung bakit kami nag-away ni Maui, ‘no! Nagkaroon ako ng maraming kaaway dahil kay DJ Mo, Ha-ha-ha!"
Ipinaliwanag nga ni Wilma ang insidenteng nasabi niyang plastic si Maui. "Meron talagang nangyari sa amin, sa isang stage play yun nangyari. Siguro, sa sobrang pressured, pagod, nagkapalitan ng mga words...hindi ko rin naman mabi-blame si Maui. Siyempre, kung pagod ka at naudyukan ka ng ibang tao, magagalit ka talaga.
"On my end, hindi rin naman ako naglakas ng loob to talk about it. Up to now, hindi pa rin kami nag-uusap."
Pia asked Wilma kung bakit naman daw niya nasabing plastic nga si Maui?
"Eh kasi, yun ang question ni DJ Mo, so, feeling ko, siya yun! Ha-ha-ha! Naku, baka awayin na naman ako ni Maui!"
"BATANG MAY BOOBS." Then Pia told Wilma na nandoon na nga raw si Maui to tell her something.
Sey ni Maui, "Hi, Wilma, actually nagkita kami sa Touch Mobile. Actually, no'ng time naman, nagkaaway-away ang lahat sa stage play. When Wilma said sorry...tulad nga ng sinasabi ko sa interview—uy, hindi ako nagiging plastic, ha—when she said sorry, okey na sa akin yun. Tinanggap ko ng buung-buo yun.
"So, kapag may maririnig ako na sinasabi ng press na, ‘O, sabi ni Wilma, batang may boobs ka, plastic ka!' Tinatawanan ko na lang kasi, for me, tapos na yung play, nag-sorry na siya. Tinanggap ko na wholeheartedly yung sorry niya."
Nang tanungin si Wilma kung naniniwala ba siya sa sinabi ni Maui...
"Kapag nag-guest na lang siya sa Sweet Life! Ha-ha-ha!"
Tinanggap naman ni Maui ang alok na yun ni Wilma, kahit kinabukasan nga raw agad ay magge-guest siya sa show nina Wilma at Lucy Torres.
Sa huli, Pia asked Maui kung willing pa raw ba siya to work with Mo?
"Oo naman...why not!"
With that, Maui said she felt great with her guesting dahil dalawa sa mga dating hindi niya kakibuan at nakaaway ang nakaayos na niya.