Suot-suot ni Ruffa Gutierrez last Sunday sa The Buzz ang pinabili niya kay KC Concepcion sa States. Givenchy Gladiator Booties ang tatak ng dark maroon na European shoes ni Ruffa. Ibinilin niya ito noong pumunta si KC sa international screenings ng For The First Time.
"She [KC] was in the States kasi for the premiere ng movie nila ni Chard [Richard Gutierrez, Ruffa's brother], nagpabili lang ako sa kanya. So sweet naman niya dahil binitbit pa niya talaga yung shoes from the Sates. Hindi ko alam kung magkano yung shoes kasi hindi ko pa natitingnan yung resibo kasi tsinarge ko lang sa card ko," kuwento ni Ruffa sa PEP (Philippine Entertainment Portal).
Excited din na ibinalita sa PEP ni Ruffa na magsisimula na siyang mag-shooting para sa Part 2 ng Desperadas, na isa rin sa official entries sa 2008 Metro Manila Film Festival. Makakasama niya ulit dito sina Rufa Mae Quinto, Iza Calzado, at Marian Rivera.
"I'm so excited dahil finally, mukhang maghihirap na ang role ko [sa Desperadas]. Ayoko nang maging mayaman, for a change. Kasi si Daniella [her character in I Love Betty La Fea], masyadong mataas. Maghihirap ako, pero hindi naman as in maghahanap ako sa basura. Hindi naman ganun. Basta magiging isang magandang working girl naman ako," lahad ni Ruffa tungkol sa role niya sa Desperadas.
MOVIE WITH BONG. Matutuloy na ba ang nababalitang movie na pagsasamahan ulit nila ni Senator Bong Revilla sa Star Cinema?
"Well, there's an offer, pero hindi pa kami... Hindi pa sure kung ano ang kalalabasan nun kasi hindi pa ulit nag-uusap ang mommy ko [Annabelle Rama, who is also Ruffa's manager] at ang Star Cinema. But if there's an offer, yes.
"If I have reservations working with Bong? Hindi, wala naman akong reservations working with him. I don't mind working with him. Why not? I think it will be fun and it would be an honor for me to do a movie, especially with Star Cinema. Excited ako dahil magagaling silang lahat at dekalidad lahat ng pelikulang ginagawa nila, whether it's drama or comedy. So if I were to be given that chance, I will be so grateful," saad ni Ruffa.
Hindi ba siya natatakot na mabuhay ulit ang tsismis sa kanila ni Bong?
"Bakit mabubuhay? Ano ang isyu? May isyu ba?" tanong niya.
Single ulit si Ruffa at kilala naman si Bong sa pagiging habulin ng mga babae.
"Well, I'm single and he's married. Hindi kami talo," mariing sabi ni Ruffa.
Totoo bang si Ruffa ang isa sa mga iniyakang babae ni Lani Mercado na natsimsis sa kanyang mister na si Bong?
"Hello, ‘no!" ang tanging nasagot ni Ruffa.
Tiyak daw na makakalkal ulit ang isyu sa kanila ni Bong kapag nagsama ulit sila sa pelikula.
"Well, first of all, I made a promise to my parents na if ever na gumawa kami ng movie together, they shouldn't be worried kasi even if na ma-link kami, it will be purely business and just for the promo of the movie."
Sure na sure ba siya roon?
"Of course!" mabilis niyang sagot. "I have two kids now and, you know, kung may ipapalit ako kay Yilmaz [Bektas, her husband], I'll make sure na mas higit pa sa kanya."
So, hindi nakakahigit si Bong kay Yilmaz?
"Hindi," sagot ni Ruffa.
E, kung pursigido talaga sa kanya si Bong?
"Mahiya naman siya, ha, dyusko! Magkasing-edad na lang kami ng mga anak niya, di ba?" natatawang sabi ni Ruffa.
Warning ba ‘yan kay Sen. Bong?
"Hindi naman," sabi niya. "I heard from sources that he's changed. Sana tuluy-tuloy na nga. ‘Tsaka ayaw naman siguro niyang maeskandalo ni Annabelle Rama. Magkaibigan lang talaga ang mga pamilya namin. So, okey lang, biru-biro as long as harmless biro. Huwag naman yung totohanan."
ON RIZA SANTOS. Gaano naman katotoo na hindi pa rin sila nag-uusap ng nakaalitan niyang beauty queen na si Riza Santos sa set ng I Love Betty La Fea?
"No, I think we're okay. Understood naman na okay kami. We were never given the chance na maging magkaeksena ulit. So, hindi talaga kami nag-uusap kasi hindi kami nagkikita sa set, you know.
"If ever nagkikita kami 'hi' and 'hello' lang. Kasi siyempre lahat ng tao, busy din sa pagme-memorize ng lines. So, okay naman. Wala namang problema doon ‘tsaka nag-apologize sa akin and kung may problema man, naayos na ‘yon and she said sorry."