Sa "Star Patrol" segment ng TV Patrol kanina, in-announce ni KC Concepcion ang nilulutong proyekto ng ABS-CBN, kung saan katambal niya ang isang leading man na di pa sinasabi kung sino.
"Merong pinaplano ang ABS-CBN for us, so, I'm very thankful for that," pagbabalita ni KC. Pero sinabi ng dalaga na hindi pa rin niya alam kung ano ang espesyal na proyektong pagsasamahan nila ni Surprise Leading Man.
Sa gitna naman ng pinag-uusapang tampuhan ng ina ni KC na si Sharon Cuneta at kabiyak nitong si Sen. Francis "Kiko" Pangilinan, inihayag ni KC ang nakatakdang pagbabakasyon ng pamilya nila sa Latin America sa darating na Linggo.
"Yes, Caribbean cruise. It's gonna be a nice vacation for my parents and for me and my sisters na rin."
Nagpahayag na rin si KC tungkol sa isyu: "Whatever happens between them, kung ano ang isyu nila, sa kanila naman yun. So, I'm just here to support my parents, and to love them and kung ano yung magpapasaya sa kanila, kung to stay together or in the future if anything happens...I am always supportive.
"But wala namang nangyayaring ganun [hiwalayan], right now. I don't know kung sino yung gustong manira sa kanila o kung bakit," pagtatapos ni KC.