Inalmahan ni Enchong Dee ang balita kung saan pinatutsadahan ni Senator Bongbong Marcos ng pandaraya ang vice-presidential bet ng aktor na si Camarines Sur Third District Representative Leni Robredo.
Maiksi ngunit palaban ang pahayag ni Enchong, “Mr. Marcos please respect my VP which is a woman. #Leni is my VP.”
Mr Marcos please respect my VP which is a woman. #LeniIsMyVP pic.twitter.com/PjE7UekDyz
— Enchong Dee (@enchongdee777) April 28, 2016
Kalakip nito ang screen grab ng ulat sa Manila Bulletin, kung saan inalmahan ni Leni ang pagkuwestiyon ni Bongbong sa huling SWS pre-election survey para sa vice-presidential candidates.
Sabi ni Leni, “Ang pagtawag sa atin na mandaraya ay pambabastos sa lahat ng mga tumutulong at nagtitiwala sa atin.
“Now that I am number one, our rivals and their supporters are now hurling all kinds of propaganda against me.”
Narito ang isang bahagi ng pahayag ni Bongbong: “We are quite surprised by the new survey because all other surveys show otherwise. I hope this is not a pattern for cheating.”
Base sa huling SWS survey, makikitang stastically tied sina Leni at Bongbong.
Nakakuha ng 26 percent votes si Leni habang si Bongbong ay may 25 percent votes sa SWS survey na isinagawa mula April 18 hanggang April 20.
Sinagutan ito ng 4,000 respondents at may margin of error na ±2.
Samantala, noong Marso pormal na inendorso ni Enchong si Robredo bilang kanyang vice-presidential bet.
Ito ay sa kadahilanang subok na raw ang galing sa pamumuno at malasakit sa tao ni Robredo, base sa serbisyo nito sa lalawigan ng Naga, kung saan ipinanganak at lumaki ang aktor.
Read: Enchong Dee endorses VP candidate Leni Robredo for free