Dahil sa pagkawala ng Brazilian beauty na si Daiana Menezes sa gag show ng TV5 na Ogags, kung anu-anong issue na ang nagsanga-sanga tungkol dito. Si Daiana ang tinaguriang Brazilian singing sensation ng Eat Bulaga!.
Una, umalis daw si Daiana dahil diumano sa madalas nila pag-aaway ni Ariana Barouk, ang Brazilian din na co-host niya sa Ogags.
Base sa nakalap na impormasyon ng PEP (Philippine Entertainment Portal), totoong nag-resign si Daiana sa Ogags. Nagdesisyon ang taong namamahala sa career nila ni Ariana na panahon na para magkaroon ng kani-kanilang identities ang dalawang foreign newcomers.
Initially, ang contract ni Daiana para sa Ogags ay for 13 episodes na renewable. But she opted not to renew it. Tinapos niya lang ang Season 1 at ang huling appearance ni Daina ay noong October 29.
Isa pang dahilan ay para mas makapag-concentrate daw si Daiana sa mga shows ng GMA-7, at si Ariana naman ay sa mga shows ng TV5. Sobrang busy na raw kasi ni Daiana kaya hindi na kaya ng schedule nito na magtrabaho para sa dalawang TV networks.
Tungkol naman sa magkaaway raw sina Daiana at Ariana, wala itong katotohanan. In fact, very good friends ang dalawa, lalo pa nga't pareho silang Brazilian.
Sa ngayon, regular na napapanood si Daiana sa Eat Bulaga!, kung saan siya nagho-host at kumakanta sa kuwelang-kuwelang baluktot niyang pananagalog.