Tuluyan na raw na naka-move on si Roxanne Guinoo pagkatapos ng breakup nila ng dati niyang boyfriend na si Jake Cuenca.
Sa press conference ng Shake, Rattle and Roll X noong Martes, December 9, na ginanap sa Imperial Palace Suites sa T. Morato Ave., Quezon City, ay halatang ayaw nang pag-usapan pa ni Roxanne ang anuman tungkol sa dating karelasyon.
"Ayoko nang mag-comment tungkol dun kay Jake. Basta kung ano man 'yong naging problema namin, eventually kami rin ang makaka-settle niyan. So ayaw na naming pag-usapan," saad ni Roxanne sa entertainment press matapos ang presscon proper.
Masyado na raw kasing lumaki ang issue between her and Jake, to the point na madami na ang nadamay, bukod pa sa ilang mga intriga na naglabasan.
Katuwiran ni Roxanne, "Ayoko na lang din po pag-usapan kasi masyado nang napag-usapan, e. And kung anuman ‘yong naging issue namin, talagang kami lang makaka-settle niyan, hindi ibang tao. Maraming makikihalo diyan, kahit pami-pamilya namin. Kasi ako, hindi ko hinahayaang pakialaman ng pamilya ko. Naniniwala ako, kaming dalawa din mag-aayos nito hindi man ngayon pero darating yong time."
WORKING WITH JAKE. Aminado si Roxanne na dinamdam niya ang paghihiwalay nila ni Jake noong umpisa. Subalit time heals all wounds 'ika nga at hindi nagtagal ay natanggap na rin ng dalaga ang lahat ng nangyari.
"Napagdaanan ko na ‘yong sakit, e, bumongga na po sa sakit and ang dami nang realizations na nangyari. Okay na ako ngayon," paniniguro nito sa mga kausap.
Wala naman daw problema kung makasama niya sa isang project ulit si Jake. Puwede naman daw ihiwalay ang trabaho sa personal na problema. Kumpiyansa naman ang dalaga na hindi siya magpapaapekto, sakali ngang makaeksena niya ang dating kasintahan.
"Ako naman po ‘pag trabaho, kahit naman makatrabaho kahit sino, wala pong problema sa ‘kin yon. Kaya kong gampanan ‘yong character na ibibigay sa akin o ‘yong role. Pero siyempre, kung anuman ‘yong mga personal issues, sa aming dalawa na lang ‘yon. 'Tsaka ayoko na po talaga pag-usapan," muling pag-iwas ng young actress.
Sa ngayon ay hindi raw priority ni Roxanne ang lovelife at mas gusto na lang muna niyang mag-focus sa career.
"Huwag tayo masyadong baliw," nangingiting payo ni Roxanne. "Mabaliw tayo sa trabaho, kasi kung wala tayong trabaho, wala tayong income."
Feeling ba ni Roxanne ay nabaliw siya sa pag-ibig noon kay Jake?
"Tanong mo siya kung nabaliw din siya!" pilyang balik ni Roxanne, bago muling nakiusap: "Huwag na nating pag-usapan si Jake."