Na-miss ni Ogie Alcasid ang mga naging drama sa press conference ng Desperadas 2 kahapon, December 15, sa Imperial Palace Suites. Maaga kasi siyang umalis dahil may lakad pa raw siya kaya hindi niya tuloy nasaksihan ang pag-iyak ng co-star niyang si Marian Rivera. (Click here to read related story.)
Nagulat si Ogie dahil ang saya-saya pa naman daw ng umpisa ng kanilang presscon at pine-playtime pa naman niya ang "leading man" niya sa movie na si Carlo Guevara. Yun pala ay mauuwi ito sa iyakan.
"I feel sad kasi bakit naman gano'n? Ang saya-saya nating lahat tapos biglang may iiyak?" sabi ni Ogie nang makapanyam siya ng PEP (Philippine Entertainment Portal). "Sa panahon ngayon, let's all be friends. Huwag tayong manakit ng damdamin ng ibang tao. It's Christmas kaya let's all get along. Hindi maganda yung may napapaiyak tayong tao."
MOTHER LILY APOLOGIZES TO OGIE. Na-touch naman daw si Ogie sa sinabi ni Mother Lily Monteverde sa kanya sa presscon. Nag-sorry si Mother Lily kay Ogie dahil hindi napunta sa singer-comedian ang role bilang ZsaZsa Zaturnnah two years ago. Kay Rustom Padilla ito napunta after ma-press release na si Ogie ang gaganap sa title role.
Sa pagkakasabi ni Mother Lily, she's very sorry dahil alam niyang nasaktan niya si Ogie. Pero dahil sa magandang role na napunta rito sa Desperadas 2, sana raw ay wala nang sama ng loob si Ogie sa Regal matriarch.
"Ako pa ba magtatanim ng galit? Hindi naman ako ganyan," ngiti ni Ogie. "Sa totoo lang naman, nakalimutan ko na nga yang ZsaZsa Zaturnnah. That was like two years ago ba?
"Okey lang naman, kasi naniniwala ako na kung hindi para sa iyo, hindi para sa ‘yo. I guess it was meant for Rustom talaga. Kita n'yo naman at nanalo pa siya ng Best Actor award [sa Urian Awards] for that. So, it's for him talaga."
Hindi inaasahan ni Ogie na magsu-sorry si Mother Lily sa kanya sa harap ng maraming entertainment press.
"I'm touched sa ginawa ni Mother Lily, kasi she doesn't need to do that, na mag-sorry siya sa akin sa harap ng maraming tao. I know how open her heart is and I love Mother Lily. My first movie was with Regal Films [Feel Na Feel with Manilyn Reynes and Janno Gibbs]. And I did a few comedies pa [Michael & Madonna, Small But Terrible, Shake, Rattle & Roll] with Regal. So, paano ako magagalit kay Mother Lily?
"I truly appreciate her kind gesture and to be part of Desperadas 2 is already a great thing for me. Kasi nga, pinahirapan nila ako dito talaga bilang si Luga Luda. I have to endure so many feminine pains during the shoot! Pakiramdam ko girl na talaga ako! Ang hirap palang maging babae!" sabay tawa ni Ogie.
Dagdag niya, "Bottom line is, wala akong sama ng loob kay
Mother Lily. I love her and what she is doing to the film industry. Sana we can
all be like her na gusto magkakasundo lahat despite the many differences
ngayon."
