Sa presscon ng Desperadas 2 noong December 15, hindi nagawang magsalita ni Iza Calzado tungkol sa breakup nila ng boyfriend niyang si Jerry Garcia.
Sa Showbiz Central kahapon, December 21, live na nakapanayam ni Mo Twister si Iza. Sinubukan ni Mo na mag-open up si Iza tungkol sa totoong estado ng kanyang lovelife.
Napabalita kailan lang, sa Showbiz Central din, na binili ni Iza ang bahay ni Rufa Mae Quinto, in preparation for having a family of her own. Pero kailan lang din, napabalita ang breakup ni Iza with her longtime non-showbiz boyfriend na si Jerry Garcia.
Break na nga ba sila?
"Sorry ha, idadaan ko na lang sa pangiti-ngiti," biro ni Iza. "Siguro you'll assume na lang on what is on my face. Sa ngayon siguro, I don't wanna give a concrete answer. We're taking... We're giving each other a lot of space. That's it! That's what we are now—we're giving each other a lot of space."
May chance pa ba na magkabalikan sila
"Yeah, I think so. It's a good way of saying it," sagot ng aktres.
So, break na sila, pero open for reconciliation?
"Yeah, of course," pagsang-ayon ni Iza. "Life's like that. You don't know what God's plans are for you and you can't say ever, ever, never! You can't say that."
Ayon sa ama ni Iza na si Lito Calzado, a choreographer, hindi raw ito maniniwala hangga't hindi mismong galing kay Iza ang kumpirmasyon. How open is she with her dad tungkol sa mga relationship?
"I'm actually very open with my dad," sagot ni Iza. "But at that time, when I kept on saying, ‘Can we not talk about it yet it's because I'm not yet ready?' Actually, I'm still in the process of really, thinking things through.
"And you know what, siguro mas masasagot ko ito nang maayos after ng Holidays. Right now, like what I said, I hope that people will just give me time and enough respect to really think things through and think about the things that we want."
Ano ang naging reaction ng daddy niya nang malaman nitong break na sila ni Jerry?
"My dad is like, ‘You're old enough to know what you want. Just think things through.' Alam mo yun? Huwag padalus-dalos. So, yun lang. And he was like, ‘Seek spiritual counseling.' And thanks to my cousin and my friend Karylle, doon niya ako nili-lead sa direction na yun. So, kinikilala ko pa ang sarili ko lalo," saad ni Iza.
Kilala na ba niya ang sarili niya para masabing open na siya for a new relationship?
"Ay, hindi pa! Hindi ko pa yata ganoon kakilala ang sarili ko," sagot niya.
Dugtong niya, "Pero ang hirap, e. Baka when I say, the minute I give this na, ‘O, one year,' the next thing, somebody will pop up. So, I don't wanna say anything about that. Just live life."
Would Iza say na ang long-distance relationship nila ni Jerry ang isa sa reason ng breakup nila?
"I guess, the long-distance setup is finally taking its toll. It's hard but, you know, I guess Jerry and I will say, we did well. Four years... So, thank you to Jerry for being the kind of guy that sticks with me. But we both need space.
"And a friend told me, every breakup is a breakthrough. And you know, if you look at it at a perspective na this may be good for you for now, then yun ang mangyayari talaga," pahayag ni Iza.
It sounds na friends pa rin sila ni Jerry. Are the actually friends?
"Yes. He's one of my best friends," sabi ni Iza.
Kailan sila huling nag-usap?
"Kanina, magkausap pa nga kayo, di ba?" natatawang pambubuko ni Mo kay Iza.