Magbe-birthday ang kambal nina Eddie Gutierrez at Annabelle Rama na sina Richard at Raymond Gutiererz ngayong January 21. For the first time in recent years, wala silang party for friends. Nasa Coron, Palawan kasi sa araw na yun si Richard, magsu-shooting ng Valentine movie nila ni KC Concepcion for GMA Films and Regal Entertainment—When I Met U directed by Joel Lamangan.
Hindi alam ni Richard kung makakasama si Raymond sa shooting dahil baka may plano na raw ang kakambal niya. Pero mas maganda raw sana kung kahit wala silang joint party ay magkasama pa rin sila.
Sa parte ni Richard, baka magbigay na lang siya ng dinner for the cast and crew that day.
Noong Linggo (January 4) sa Showbiz Central, bilang post-New Year episode at para pasimulan ang makabagong machine na ginagamit sa "Don't Lie To Me" segment ni John "Sweet" Lapus at digital na ito, ang limang hosts ng Sunday showbiz talk show ng GMA-7 ang sumalang sa lie-detector test; isang tanong sa bawat host.
Si Mo Twister ang nagtanong kay Raymond kung nai-insecure daw ba siya sa success ng kakambal niyang si Richard.
"No" ang naging sagot ni Raymond at "Truth" ang resulta sa lie-detector machine. Paliwanag ni Raymond, from the start, alam niyang magiging magkaiba ang landas nilang mag-kambal; acting si Richard at hosting siya dahil ito lang ang gusto niya.
Sa follow-up question na mas malaki ang suweldo ni Richard kesa kay Raymond, dinipensahan pa ng huli ang kakambal niya.
"Of course he is entitled to his rate. I see Richard working every day, so dapat lang mas malaki ang suweldo niya. Ako, isang beses isang araw lang magtrabaho, the rest vacation na. What I should say is that I'm proud of his achievement," sabi ng award-winning host.
Ito ang ikinuwento ng PEP (Philippine Entertainment Portal) kay Richard nang bumisita naman kami sa set ng When I Met U kahapon, January 5, somewhere in San Juan.
Sabi ni Richard, proud din siya sa accomplishments ni Raymond at walang insecurity sa kanilang dalawa pagdating sa trabaho dahil ginusto nila pareho ang pinasok nilang trabaho sa industriya.
"Mas masarap nga ang trabaho ni Raymond sa akin, puro siya bakasyon," sabi ni Richard. "Ito talaga ang gusto niya, ang magbakasyon at mag-travel. Siya ang representative ng mga Gutierrez when it comes to travel.
"Basta may pasalubong lang siya sa akin pagbalik niya!" dagdag na natatawang si Richard.
Hindi raw kasi kailanman umalis si Raymond nang hindi bumabalik na walang pasalubong sa kanya. Tinanong namin kung ano-ano ang mga pasalubong ng kakambal niya. "Little things" lang naman daw dahil it's the thought naman daw that counts.