Ilang araw pagkatapos humingi ng apology ni Dra. Vicki Belo kay Boy Abunda through a text message forwarded by both Boy and Dra. Belo's common friend, nadawit na rin sa isyu ang partner niya na si Bong Quintana. Si Bong ang business partner ni Boy at namamahala sa kanilang talent agency, ang Backroom, Inc.
Ayon sa mga usap-usapan, may pinanggalingan daw talaga ang pagkakagalit nina Boy at Dra. Belo. Matagal na raw may sama ng loob si Boy sa beauty surgeon, at may kinalaman ito kay Bong.
Diumano, sumama ang loob ni Boy kay Dra. Belo noong ipinakuha ulit ng TV host sa beauty surgeon ang tickets para sa isang concert na ibinigay ni Bong.
"Hindi ko nabasa, pero sasabihin ko. Una muna, tapos na talaga ito, ha. Tapos na. This will be the last time I'm gonna talk about this. Parang huling official [statement] ito. Totoo 'yan. Kasi nag-apologize na si Vicki. Tinatanggap ko naman ang kanyang apology. So, let's all move on. Yun lang ang akin.
"Pero dito kasi, kasali na si Bong. E, ayoko namang si Bong kasali, di ba? Dahil... Ako na lang. Pero dahil sa naisali, ikukuwento ko ang totoo. Okey, ganito 'yan...
"Novemebr of 2006...no, but prior to 2006, I was handling Vicki. Handling, meaning officially and unofficially, I was helping. Kahit ano lang. She'd call me for help, whatever, and I was thanking her on air.
"Kasi di ba sinabi ko nga sa SNN [Showbiz News Ngayon]? Long before all these celebrities came in Vicki's life, I was there. I was there both as a friend and an endorser.
"Okey, naaalala ninyo ba yung malaki [na billboard] sa Guadalupe na sina Piolo [Pascual]... I was supposed to be in that billboard. Hindi lang ako pumuwede sa pictorial. Basta, may nangyari. I was supposed to be there to endorse Vicki's [clinic]... So, we have that good relationship.
"And then, they will have special events. 'Tsaka kasi si Bong may relasyon din sa kanila. Special events for the clinic na ang gagawa, sina Bong. So, si Bong also had a personal relationship with Vicki and Joey [Santos, dating kasosyo ni Dra. Belo sa Flawless]. Si Bong would organize the...alam mo, halimbawa, once upon a time may convention, the clients of Vicki na in-stage nina Bong. So, outside of my relationship with Vicki...Vicki and sina Bong are friends, okay?
"Ang version ni Bong, for two years, sinasabi ni Vicki, 'Bong, magpa-liposuction ka na sa clinic. Para 'yan na lang ang gift ko sa 'yo. Ba-blah-blah-blah.' It took two years before Bong went for a liposuction. Okey, and then, nagpa-Thermage [skin treatment] din si Bong. 'Tapos nagpa-facial. Pero nagpa-facial kami niyan...ah, kay Chen...si Chen-Chen. Totoo 'yan libre naman yung services kasi kadalasan nga ako yung hindi naman ako gumagamit.
"Si Bong dahil meron din siyang relasyon—but he would pay for the anaesthesiologist—pero the rest libre. Bong is very grateful for that, okay. Pero hindi namin ugali talaga ang magpalibre. Hindi ako talaga kumportable. It took a while before Bong really went for a liposuction.
"Anyway, November 2006-tsinek namin yung dates. Kasi akala ko 2007, nag-produce kasi sa opisina may mga...meron silang mga in-house productions. Si Frenchie Dy ito. Yun, mga Zirkoh [shows]. Si Bong was in-charge ng mga production. Nagpadala ito kay Vangie Kua, who was then the Girl Friday of Vicki and PR of Vicki, ng P10,000 worth of tickets. It was Bong and Vangie who were talking, okay?
"One day, sometime in 2006, hindi ko na maintindihan, we all got a text message from Vicki, saying that Vangie was not connected anymore with Belo kasi nga may problema. At medyo kasali pa nga ako doon kasi that has something to do with my clothes. Parang ganun. So, si Bong sabi, 'Ay, wala na pala si Vangie.' He called Vicki. Sabi niya, 'Naku, Vicki. Nagpadala pa naman ako ng tiket.' At sabi ni Vicki...But I understand! Because during that time she's going through difficult times, naintindihan ko yun.
"Si Bong naman out of ano, walang..." natatawang patuloy ni Boy. "'Vicki, paano yun? P10,000 worth of tickets! Saan yung tickets ko?' 'Ano'ng tickets?' sabi ni Vicki, in fairness to Vicki.
"'Yung kay Frenchie Dy.'
"'Sinong Frenchie Dy? Banda ba 'yan?'
"Sabi ni Bong, 'Hindi, yung nanalo 'yan sa Star In A Million.'
"'Saan ang concert?' sabi ni Vicki.
"'Sa Zirkoh.'
"'Saan 'yan?' sabi ni Vicki. You know you don't expect Vicki to know all these places.
"Sabi ni Bong, 'Sa Timog 'yan,' whatever...
"Doon binitawan ni Vicki yung salita na sabi niya 'You get free services na nga from the clinic binebentahan mo pa ako ng tickets?' Tumahimik si Bong. Ginawa ni Bong...he said, it's not true na there was a check, ha. Na nagbayad 'tapos isinoli.
"It's not true na dinala sa bahay yung payment. That's not true, okay? There was no payment made. Ang nangyari nun, kasi si Bong, kilala niya ako mag-react. Pinapagalitan ko siya. Pinakuha sa messenger—ang pangalan nung messenger, Amar—ang tickets sa Morato [Belo Clinic]. Ipinakuha, na-pull-out ang tickets. Nung na-pull out ang tickets, doon lang sinabi ni Bong sa akin, okay? Doon lang sinabi ni Bong sa akin.
"Eto, tatanggapin ko ito. Nagalit ako kay Vicki. Nagalit ako. But we're close. We were very close. We're very good friends. Sabi ko nga, nag-umpisa kami na magkaibigan na sobrang close. Nagalit ako. Tinawagan ko siya. 'Let's talk,' sabi ko.
"I mean, 'There was a thing that we have to resolve.' So, I don't know kung ako ang tumawag o si Bettina [Aspilaga, his personal assistant] but it was arranged. Kasi naman, di ba? Pag close friends, kapag meron tayong pinagkakagalitan, harap-harapan. Hindi yung sasabihin ko sa 'yo, sa kanya pala ako galit.
"In fairness to Vicki, she arrived. Sugi Restaurant, hindi ko lang maalala yung exact date. Sa Makati, in attendance was Vicki, Hayden [Kho] was there, kasama niya, ako at si Bettina. Sumunod si Kris [Aquino]. Lima kami. Doon nag-confrontation kami ni Vicki.
"Wala doon si Bong. No, kasi the issue now is between me and Vicki, kasi nasaktan ako. Kasi ang feeling ko, 'Vicki, kung meron kang...kung ayaw mo, sabihin mo na lang pass na muna. Pero huwag kang magsasalita ng salitang nakakasakit. Kasi naging personal ako doon. I'll be very honest, naging personal ako doon. Yung, alam mo yung galit na magkaibigan? Tayong dalawa ang mag-usap, huwag iba.
"Ah, marami pa. Marami pa akong binitawang salita. Pero ang importante, in 2006, today is 2009, nagtapos ang dinner na yun tapos ang kuwento. Nagkaayos kami, nag-usap kami. Niregaluhan pa niya ako ng mga sapatos right after that meeting. We were okay."
Pero lumabas sa ilang reports na dahil sa nangyari hindi na kinausap uli ni Boy si Dra. Belo.
"Hindi totoo 'yan and we were okay. Her memory is short. Dito lang talaga. We were okay, nag-usap kami. Nag-end kami nang mabuti. Nilabas ko ang sama ng loob ko at nagpaliwanag siya. And she said, 'You know, I didn't understand how important Bong is to you.'
"Sabi ko sa kanya, 'Ano ka ba naman? Baba-blah-blah. Maliit na halaga, et cetera.' Pero the point is in 2006 okey kaming nagtapos. I'll be very honest kasi this is the last time I want to talk para lang maklaro.
"And then the Kris Aquino controversy happened. The Kris Aquino thing happened. Wala kaming away ni Vicki. Hindi kami nag-usap. Tumahimik lang ako. Kasi ayokong maipit sa gitna. I decided not to talk to her also in deference to Kris who I work with everyday. Kaya sinasabi ko parati, wala naman kaming pinag-awayan ni Vicki, e. Assuming na kinu-consider niya na away namin yung kay Bong, hindi naman ako yun.
"Nung si Kris, ako, pumagitna lang and I never said anything. I didn't say anything bad, anything to her publicly or privately. Why am I talking about this? 2006 ito. Huwag sabihin na ito ang dahilan kung bakit nagpa-interbyu siya sa kabila at sinabi niya ang kanyang sinabi. Walang relasyon yun. You know in 2006 iba yun. At dapat hindi lumabas, amin lang yung magkakaibigan.
"Kinaklaro ko lang ito. As a matter of fact, I am doing this for Bong kasi tapos na naman ang istorya. Pero gusto ko lang i-prove na yung nangyari kay Bong had nothing to do with this.
"Ayos kami na nagtapos. Kaming dalawa ang nagharap. Kaharap sina Kris, Hayden, at Bettina. Pero inamin ko, pikon ako bago nag-umpisa ang meeting.
"Meron din akong naririnig na kesyo...I don't like the word...na kesyo ina-'underground' ko siya," pagtatapos na ni Boy.