Tahimik at wala pang masyado kaguluhan sa unang gabi ng burol ng yumaong Master Rapper na si Francis Magalona sa Christ The King Church sa may Greenmeadows, Pasig City, kagabi, March 6, hanggang kaninang madaling-araw, March 7.
Pasado alas-onse ng gabi, 11:35 p.m., dumating ang funeral service car kung saan nakasakay ang kabaong at mga labi ng yumaong rapper, TV host, singer, composer at actor.
Sa isang chapel sa Christ the King grounds inilagak ang mga labi ni Francis M; in full attendance ang pamilya, kamag-anak, at mga kaibigan ng yumaong Master Rapper.
Wala pang dumating na mga tagahanga ni Francis M kaya naging maayos ang pagpasok at pagdating ng mga bisita na gustong makiramay sa Magalona family. Ngayong araw na ito, mula 6 a.m. hanggang 6 p.m., ang public viewing para sa mga fans ni Kiko.
Unang namataan ng PEP (Philippine Entertainment Portal) sa wake ni Kiko si Quezon City Vice Mayor Herbert Bautista, na nagbibigay ng instructions sa security at mga sundalo tungkol sa paglagay ng mga cordon para sa papasukan at lalabasan ng mga fans ni Francis na gustong makita ang idolo nila at makiramay sa pamilya nito sa huling pagkakataon.
Inaasahan na ngayong weekend ay dadagsa ang mga tao sa naturang lugar.
Isa-isa nang dumating ang mga bisita at ilan sa kanila ay sina Ms. Malou Choa-Fagar; Joey de Leon at ang asawa nitong si Eileen Macapagal, at mga anak na sina Jaco, Jocas, Keempee, at Cheenee; Ruby Rodriguez, kasama ang anak nitong si Toni; Tirso Cruz III, kasama ang misis na si Lyn Ynchausti at anak na si Bodie; Ogie Alcasid; Michael V.; Ramon Christopher; William Martinez; Cheska Iñigo; Katrina Halili; Jimmy Santos; Anjo Yllana with wife Jacqui Manzano; Gloc 9; Maritess Gutierrez; Direk Quark Henares; Mitch Dulce; and Gary Valenciano with wife Angeli Pangilinan-Valenciano.
Mula naman sa GMA-7 News team ay nandoon sina Jessica Soho, Vicky Morales, at Susan Enriquez.
Nagkaroon din ng blow-by-blow live coverage si Pia Guanio para sa 24 Oras sa La Funeraria Paz, Quezon City, kung saan diniretso ang mga labi ni Kiko pagkatapos itong manggaling sa Medical City Hospital.
MESSAGE FROM FRIENDS. Kagabi ay ayaw pang magbigay ng anumang pahayag ang naulilang pamilya ni Francis. Nakiusap ang maybahay ni Francis na si Pia Arroyo-Magalona na bigyan muna sila ng pagkakataon na magpahinga at pag-isipan ang lahat bago sila magbigay ng anumang statement or interviews. Gayundin ang mga anak nila na sina Maxene, Saab, Unna, Niccolo, Francis Jr., Elmo, Clara, at Arkin. Tahimik lang sila at ayaw nilang magbigay na kahit anong pahayag unless galing ito sa kanilang ina.
Nagkaroon ng pagkakataon ang PEP na makausap ang ilang malalapit na kaibigan ni Francis sa kanyang wake. Sa gitna ng kanilang magagandang pahayag kay Kiko ay may luhang namumuo sa kanilang mga mata.
Malou Choa-Fagar: "Lahat naman sila sa Eat Bulaga!, I treat them like my own children. Matutuwa ka kapag may nagagawang maganda. Malungkot ka kapag may mangyaring masama sa kanila. Kiko is very special sa aming lahat. He means so much. We will miss him."
Herbert Bautista: "Marami kaming kalokohan ni Kiko noong araw. Pero katuwaan lahat 'yon dahil mga bata pa kami noon. Never a dull moment with Kiko kaya nga nakakagulat nang magkaroon siya ng sakit. Pero kahit na matindi ang naging sakit niya, hindi mo siya nakitaan ng pagkahina. Wala akong nabalitaan na he was in pain or nagrereklamo siya sa mga gamot at procedures. Yun pa rin siya at nagagawa pa niyang pagtawanan ang sitwasyon niya. It's sad kasi we lost another great artist. Mahal ni Kiko ang trabaho niya at ang mga taong nakakatrabaho niya. Hindi nakakagulat na ma-miss siya ng marami dahil isa siyang mabait at totoong kaibigan."
Gary Valenciano: "Hinahangaan ko ang tapang ng taong ito to face whatever the Lord has designed for him. Hindi mo siya makitaan ng anumang takot at nanggaling na rin sa kanya na handa na niyang harapin ang anumang gusto ni God para sa kanya. It is such a humble thing for a man like Francis. He will never be forgotten, not just because he contributed so much in the field of music and entertainment, but he will be remembered for his courage to face life and death. I wished that we could have known him more but I guess that is what the Lord wants. May he rest in peace."
Joey de Leon: "Tawag ko diyan si Baby Face, e. Parang hindi tumatanda. Lahat kami sa Eat Bulaga! tumanda na pero si Kiko, gano'n pa rin siya. Yung mga anak nga niya, parang magkakapatid lang sila. May rason kung bakit bata pa rin si Kiko, it's because parati siyang masaya at nandoon ang child-like personality niya. Mami-miss ko kay Kiko yung mga bagong ideas na kino-contribute niya sa show at ang paraan ng pag-demonstrate niya. Masayang tao si Kiko and I'm sure even sa huling hininga niya, nakatawa 'yan. Seamless pa rin, di ba?"
Anjo Yllana: "Kami ni Pareng Kiko, 1998 pa kami magkasama niyan sa pelikula, sa TV at sa kung anu-ano pa. Hindi namin ini-expect ang ganito na mangyari. Nagulat kaming lahat. Si Kiko kasi, hindi mo malalaman kung may problema siya kasi hindi niya pinapahalata. Noong malaman naming may sakit siya, sinabi ko na kaya niya ito. Matapang 'yan, e. Pero siguro nga, ayaw na niyang magkaproblema pa ang pamilya niya. Above all kasi, ang pamilya niya ang pinaka-concern niya. Kaya saan man ngayon si Pareng Kiko, mahal ka namin at don't worry, kami bahala sa pamilya mo."
Ogie Alcasid: "I know that Kiko is in a better place now. Lagi ko siyang ipinagdarasal. Noon pa kasi kami niyang nagkakatrabaho. Nagsisimula ako at nagsisimula rin siya noon sa rap music niya. We worked in so many shows together. The Kiko that I knew then ay gano'n pa rin up to now.
"Noong malaman ko nga ang nangyari, pumunta ako agad sa Medical City. I wanted to be there and see Kiko for the last time. Niyakap ko siya and it was very painful para sa aming lahat na mangyari ito. Kiko was a good man at sa huling pag-uusap namin, sinabi pa niya na, 'Don't worry Ogie, I will still have coffee with our grandchildren'. I know that God has certain plans for all of us and we all have to accept it kahit masakit pa ito."
Ruby Rodriguez: "Since 1994, magkasama na kami ni Kiko sa Eat Bulaga!. Makulit 'yan, e, kasi marami siyang naiisip na mga bagong puwedeng gawin sa show. We've bonded so many times kaya noong sinabi nga nilang wala na si Kiko, hindi ko mapigilang umiyak sa show. Parang ayoko nang mag-host noong araw na 'yon. Masakit kasi dahil alam namin na lumalaban si Kiko.
"Pero naisip ko nga ang sinabi noon ni Kiko, 'The show must go on.' Kahit ano pa 'yan, ituloy mo ang buhay. Hindi namin makakalimutan si Kiko lalo na kapag may show kami sa ibang bansa. Hindi na kami magdadala ng kamera kasi nandiyan si Kiko para kunan kami ng mga litrato. Lahat ng ibinigay niyang mga kuha ko ay lalo kong ite-treasure.
"Kung may dasal ako kay Kiko, gusto ko lang sabihin sa kanya na huwag na siyang mag-alala sa kanyang pamilya dahil nandito kami para tingnan sila at makakaasa siya sa kanyang anak na si Maxene. Kiko is proud of her dahil napakaresponsableng bata at alam niyang kaya nitong alagaan ang kanilang mommy at mga kapatid."
Keempee de Leon: "Malaki ang naging influence sa akin ni Kuya Kiko lalo na when it came to music. Isa siya sa nag-push sa akin to develop my talent in singing. Noong una ngang lumabas ang first album ko, si Kuya Kiko ang unang nagsabi na maganda, at masaya siya because I gave it a try. Lahat ng hingin kong advice sa kanya ay sinusunod ko. Kaya nga nakakalungkot noong matanggap ko ang balita. Akala ko joke lang, pero totoo na pala. Umiyak kaming lahat dahil importanteng tao sa amin si Kuya Kiko. Wherever is he, alam naming masaya na siya at wala na siyang mararamdaman na sakit."
THE MASTER RAPPER. Sumakabilang-buhay si Francis Magalona, o mas kilala sa palayaw na Kiko sa kanyang mga kamag-anak at kaibigan, dahil sa sakit na acute myelogenous leukemia kahapon, March 6, ng alas-dose ng tanghali. He was 44 years old.
Ipinanganak bilang Francis Durango Magalona noong October 4, 1964, si Kiko ay isa sa siyam na anak ng kanyang sikat na magulang na sina Pancho Magalona at Tita Duran. Sina Pancho at Tita ay isa sa pinakasikat na screen tandems sa Sampaguita Pictures noong '40s at '50s. Ang lolo ni Kiko na si Enrique Magalona ay nanilbihan sa Philippine Senate mula 1945 hanggang 1955.
Nakapag-aral sa San Beda College si Kiko bago niya pinasok ang mundo ng showbiz during the '80s. Una siyang ipinakilala sa pelikulang Bagets 2 (1984) ng Viva Films, kung saan nakasama niya ang original cast (except for Aga Muhlach), including Ramon Christopher and the late Jonjon Hernandez.
Nasundan pa ito ng mga pelikulang Doctor, Doctor We Are Sick, Ninja Kids, Family Tree, Action Is Not Missing, Hati Tayo Sa Magdamag, Kung Aagawin Mo Ang Lahat Sa Akin, Joey Boy Munti, Gumapang Ka sa Lusak (kunsaan nakakuha siya ng Urian Best Supporting Actor nomination), Iputok Mo Dadapa Ako, Mama's Boys, Estribo Gang, Engkanto, Ano Ba 'Yan, Tong-Its, at Kamada. Huli siyang napanood sa indie films na Anak ni Brocka at Astigmatism.
Unang naging TV show ni Kiko ay ang sitcom na UFO: Urbana, Felisa, and Others ng GMA-7 kung saan bida sina Nanette Inventor at Mitch Valdes.
Si Francis din ang isa sa original members ng youth-oriented musical show na That's Entertainment.
Sa larangan naman ng musika, unang gumawa ng pangalan si Francis nang pasikatin niya ang bagong tunog, ang Pinoy rap. Kaya nga siya ang tinaguriang Master Rapper or King of Pinoy Rap.
Ipinakita niya ang kanyang husay sa pag-rap sa mga TV shows na Loveliness (kunsaan una siyang naging resident rapper), Vilma!, PST: People Staying Tuned, That's Entertainment, at sa Eat Bulaga! kung saan tumagal siya ng mahigit 15 years.
Naging phenomenal hit ang album ni Kiko na Yo! kung saan sumikat ang mga rap songs na "Mga Kababayan Ko," "Cold Summer Nights," "Gotta Le 'Cha Know," "Man From Manila." Ang Yo! Ang itinuturing na first rap album in Philippine music history. Nasundan pa ito ng iba pa niyang hit album na Rap is Francis M, kunsaan sumikat ang hits ang "Mga Praning," "Halalan," at "Tayo'y Mga Pinoy."
This was followed by the albums Meron Akong Ano and Freeman.
Dahil sa pinauso na local rap ni Kiko ay sumulpot din ang iba pang rap artists na tulad nila Michael V, Andrew E, Lady Diane, at si Gloc 9.
Si Kiko rin ang kauna-unahang Pinoy VJ ng MTV Asia. Sumunod sa kanyang yapak sila Regine Tolentino at Donita Rose. Naging host si Kiko ng MTV Asia segments na Life's A Beach at MTV Talk.
Bago sumakabilang-buhay si Francis ay in-announce nito na may collaboration siya with Ely Buendia tungkol sa isang bagong album na may titulong The Sickos Project.
Naisipan nilang gawin ito nang sabay silang magkaroon ng sakit. Balita namin ay natapos naman daw nila ang naturang album at ire-release pa rin ito in memory of Kiko.
Cremation ang gagawin sa mga labi ng Master Rapper sa Loyola Memorial Park sa Marikina City on March 10.
Click HERE to view PEP's tribute to the the Master Rapper Francis Magalona.