Kinuha ng PEP (Philippine Entertainment Portal) ang reaksiyon ni Krista Ranillo tungkol sa "halikan" nilang dalawa ng singer na si Mocha.
Ayon kay Mocha, tinanong niya si Krista kung hindi pa siya nakipaghalikan sa kapwa-babae. Agad naman daw sumagot si Krista na hindi pa siya nakatikim ng labi ng kapwa babae. Pagkatapos nito ay humingi ng permiso si Mocha kung puwede niyang mahalikan ang aktres kahit nasa harap sila ng maraming tao. Pumayag naman daw si Krista. (Click here to read related article.)
Inamin naman ni Krista sa PEP na totoong nangyari ang naturang eksena. Kaya tinanong namin siya kung bakit siya pumayag na makipaghalikan kay Mocha, na umaming isa siyang bisexual.
"Kasi nga, akala ko, first, parang joke o game lang. And then, tinotoo pala. Na-shock talaga ako! Wala naman akong naramdaman doon, kasi in front of everyone, parang nagdyu-joke lang kami.
"Kung gagawin namin sa isang kuwarto at kami lang ang nandoon, hindi, hindi... Parang siguro, it was the first and the last. Okey na yun, for fun lang at hindi ko hahanapin. So far, hindi pa naman!" natatawang sabi ni Krista.
Ano ang nararamdman niya sa una niyang halik sa kapwa-babae?
"Funny, kasi parang casual lang," sagot niya. "Kasi akala ko, parang beso lang, parang ganyan. Akala ko kasi, hindi ganun. Pero hindi naman matagal, actually. Siyempre, maraming people, tapos nandoon pa yung staff. Nandoon kami talaga sa office ng ABS-CBN, so parang... Hindi ko ini-expect na real kiss or anything, akala ko, joke. Kaya sabi, okay. Pero sa akin naman, no big deal kasi parang it was for fun naman. So, hindi ko naman sineseryoso, e."
Matatandaang sumama ang loob noon ng ama ni Krista na si Mat Ranillo III dahil sa nagpaka-daring siya sa pelikulang Paupahan. Matagal ding naging isyu ang hindi nila pag-uusap na mag-ama. Ito raw ang dahilan kaya ikinuwento agad ni Krista sa ama ang "halikan" nila ni Mocha.
"Right after na nangyari 'yon, ikinuwento ko na agad sa kanya para hindi siya magulat. Sabi ko nga sa kanya, pag-uwi ko, ilalagay ko pa sa Facebook status ko na sabi ko, yung song na, 'I kissed a girl and I liked it.' Yun ang inilagay ko. Sabi ni Dad, huwag ko na lang gagawin uli. Yun ang statement niya," kuwento ni Krista.