Rory Quintos veers away from drama in romantic comedy Only You

Pagkatapos gawin ang Star Cinema film na Love Me Again (Land Down Under), nagbabalik si Direk Rory Quintos sa pagdidirehe ng mga soap operas sa telebisyon. Siya ang director sa remake ng Koreanovelang Only You na mapapanood na sa ABS-CBN Primetime Bida simula sa Lunes, April 27.

Sa press conference ng Only You, nagpahayag si Direk Rory ng sobrang kasiyahan na finally ay pinagbigyan na ang matagal na niyang hiling sa kanyang mother studio.

"Actually itong project na ito, ito yung matagal ko na hinihingi sa Star Cinema at sa ABS-CBN because medyo na-ano na ako sa heavy drama since I did Anak in 2000 at sunud-sunod na heavy drama na ang ginawa ko. Actually in my career, I did projects that were light but after Anak, talagang nalinya na ako sa heavy drama and I've been asking for the past two years to please assign me to a light project kasi ayoko munang mag-heavy. Parang gusto ko munang mag-break kasi akala ng tao pang heavy drama lang ako."

Kagagaling lamang nina Direk Rory sa Korea at kinuwento niya ang happy experiences nila while shooting the scenes in Korea.

"We were in Korea for three weeks. Ito yung mapapnood nila for the first week of Only You. Enjoy na enjoy kami, malamig yung weather, everybody was in the happy mood, food was great. Yung mga staff nila since sana na sa paggawa ang Koreanovela, since mga production people sila, di kami masyadong nahirapan."

Maraming pagbabago raw ang ginawa nina Direk Rory sa Philippine version ng Only You. Ito ay mga bagay na tinutulan noong una ng FBF na siyang producer ng Only You pero dala ng mahusay na pag-uusap ay pinabigyan din naman ang mga pagbabagong ginawa ng buong production.

"Marami sa mga istorya ang binago like maraming cultural differences na ginawa naming more Filipino. Yung mga characters na supoorts lang in the original Only You, ginawa naming full-blown story lines.

"Nung una may kaunti talagang struggle because FBF want us to retain the original storyline, we tried to explain to them that the are cultural differences na di matatanggap ng Filipino viewers and actors and actress so pumayag din sila."

Kinunan din sa Korea ang love scene nila Angel Locsin at Sam Milby. Ayon kay Direk Rory, mas nailang pa nga raw ang actor na gawin ang nasabing eksena kaysa kay Angel.

"Tawa lang kami ng tawa, isang gabi yun ng puro tawanan. Sam is more awkward than Angel, sabi ko nga laro lang ito, it's on television and not on film na puwedeng maghubad ang mga artista. It's really more on implying what happened to the artistas.

All praises din si Direk Rory kila Sam, Angel and Diether Ocampo sa husay at professionalism na pinapakita ng tatlo.

"Si Angel, matagal na kaming bonding because of Love Me Again, it's really nice working with her again, she's very professional, very magaan.

"It's my first time that I worked with Sam because sa Maging Sino Ka Man, I was in the other unit, I didn't really get the chance to handle him but nung nagkasama kami dito, he's nice, has a lot of depth and napakagaang ding kasama. Same thing with Diet, I directed him early years of his career and I can say ang laki ng improvement niya."