John Lloyd Cruz and Sarah Geronimo crowned Box-Office King & Queen for 2008

John Lloyd Cruz and Sarah Geronimo were named Box-Office King & Queen by the Guillermo Mendoza Memorial Scholarship Foundation, Inc. at the 40th Box-Office Entertainment Awards. The event was held last Sunday, June 21.


Ginanap ang 40th Box-Office Entertainment Awards noong Linggo ng gabi, June 21, sa Carlos P. Romulo Auditorium sa 4th floor ng RCBC Plaza. Ang naturang awards ay taunang ipinamamahagi ng Guillermo Mendoza Memorial Scholarship Foundation, Inc. (GMMSFI)

Nagsilbing hosts ng awards night sina Bianca Gonzalez at Tirso Cruz III. Nag-perform sa opening bilang Hall of Famer as Most Popular Dance Groups ang SexBomb Dancers, Streetboys, at VIP Dancers.

Ilan pa sa mga nag-perform ay sina Gary Valenciano at ang You've Got Male (Gian Magdangal, Jan Nieto, Harry Santos, at Bryan Termulo), at ang Box-Office Queen na si Sarah Geronimo. Kinanta ni Sarah ang theme song ng box-office hit movie nila ni John Lloyd Cruz na A Very Special Love.

Napag-alaman ng PEP (Philippine Entertainment Portal) na noong April pa sana ginawa ang awards night ng GMMSFI, pero na-move ito nang na-move dahil sa hindi pagkakatugma ng schedules ng awardees, na karamihan ay may mga engagement abroad.

Pero kahit naurong na ito ay hindi pa rin nakarating ang ilang malalaking artista na pinarangalan: Dolphy, Vic Sotto, Sharon Cuneta, Martin Nievera, KC Concepcion, Richard Gutierrez, at Arnel Pineda.

Si Aljur Abrenica ay hindi rin personal na natanggap ang kanyang trophy bilang Most Promising Actor dahil na-late siya ng dating. Kitang-kita namin sa mukha ni Aljur ang panghihinayang na hindi niya personal na natanggap ang award.

Si Charice Pempengco ang isa sa mga binigyan ng award, along with Arnel Pineda for their international achievements. Marami naman ang nag-abang kung magpi-perform siya dahil balitang-balita ang iba't ibang international shows and events na nakantahan na ng magaling na singer. Pero ayon sa napagtanungan ng PEP, wala naman daw talagang imbitasyon upang kumanta si Charice, at marami rin daw excuses ang handler nito kung kaya't hindi naganap ang kanyang pag-awit.

Nagkaroon naman ng standing ovation nang bigyan ng posthumous award ang namayapang rapper na si Francis Magalona. Umakyat sa stage, na naka-black lahat, ang buong pamilya ni Francis sa pangunguna ng kanyang asawang si Pia Magalona.

ADVERTISEMENT - CONTINUE READING BELOW

Maganda rin tingnan nang magkatabi-tabi sa upuan ang dalawang loveteams from ABS-CBN and GMA-7 na pinarangalan: sina Kim Chiu at Gerald Anderson ng ABS-CBN at Dingdong Dantes at Marian Rivera ng GMA-7.

Ilan sa mga naging presenters ay sina Wendy Valdez, German Moreno, Boots Anson Roa, Angelu de Leon, Emilio Garcia, Alessandra de Rossi, Yayo Aguila, Ricardo Cepeda, Roxanne Guinoo, at Tim Yap.

Narito ang kumpletong listahan ng mga pinarangalan ng GMMSFI, based on the ticket sales of their movies, shows, and concerts:

Box Office King & Queen - John Lloyd Cruz and Sarah Geronimo (A Very Special Love)

Film Actor of the Year - Christopher de Leon (Magkaibigan)

Film Actress of the Year - Sharon Cuneta (Caregiver)

Prince & Princess of Philippine Movies & TV - Richard Gutierrez & KC Concepcion (For The First Time)

Male Concert Performer of the Year - Gary Valenciano (Gary Live@25)

Female Concert Performer of the Year - Sarah Geronimo (The Next One)

Male Recording Artist of the Year - Martin Nievera (Milestone)

Female Recording Artist of the Year - Sarah Geronimo (The Next One)

Most Popular Recording Group - Spongecola

Most Popular Novelty Singer - Moymoy Palaboy

Most Popular Loveteam of Movies & TV - Gerald Anderson & Kim Chiu

Most Promising Male Star of Movies & TV - Aljur Abrenica

Most Promising Female Star of Movies & TV - KC Concepcion

New Male Recording Artist of the Year (Most Promising Singer) - Bugoy Drilon (Paano Na Kaya?)

New Female Recording Artist of the Year (Promising Singer) - KC Concepcion (A.K.A. Cassandra)

Most Promising Performing Group - You've Got Male (Gian Magdangal, Jan Nieto, Harry Santos, and Bryan Termulo)

Most Popular Dance Group - EB Babes of Eat Bulaga!

Most Popular Child Actor, Movies & TV - Robert "Buboy" Villar

Most Popular Child Actress, Movies & TV - Sharlene San Pedro

ADVERTISEMENT - CONTINUE READING BELOW

Most Popular Film Producer - Star Cinema

Most Popular Film Director - Cathy Garcia-Molina (A Very Special Love)

Most Popular Screenwriter - Raz Sobida dela Torre (A Very Special Love)

Most Popular Television Program - Dyesebel (GMA -7)

Most Popular TV Director - Bb. Joyce Bernal (Dyesebel)

Ang mga sumusunod naman ang special awards or milestone awards:

Bert Marcelo Award (for Comedians) - Eugene Domingo

Comedy Box-Office King/s - Vic Sotto & Dolphy (Dobol Trobol)

Comedy Box-Office Queen - Ai-Ai delas Alas (Tanging Ina Nyong Lahat)

Valentine Box-Office King & Queen - Richard Gutierrez & Marian Rivera (My Best Friend's Girlfriend)

Outstanding Global Achievement by a Filipino Artist - Arnel Pineda & Charice Pempengco

Most Phenomenal Loveteam - Dingdong Dantes & Marian Rivera

Outstanding/Special Merit Award for Music (posthumous award) - Francis Magalona

Ang 40th Box-Office Entertainment Awards ay mapapanood sa Linggo, June 28 sa ABS-CBN.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN