Dongyanatics.org donates P1.2 million to Dingdong Dantes's YES Foundation

Sarah Lara (right), representative of the international chapter of dongyanatics.org, turns over to Dingdong Dantes (left) cheques worth P1.2 million for the actor's YES Foundation.


Sa TV special Dantes Peak ni Dingdong Dantes na ipinalabas kagabi, August 30 sa GMA-7, pormal nang ni-launch ang YES Pinoy Foundation, na itinatag ng aktor kasama ang ilang mga kaibigan. Ang naturang foundation ay naglalayong tulungan ang mga anak ng marines—lalo na yung mga namatay sa pakikipaglaban para sa bayan—sa pamamagitan ng pagbibigay ng edukasyon sa kanila. Ang ibig sabihin ng YES ay Youth, Education, at Service.

Pero bago pa man ang launching ng YES Foundation ay nag-abot na ng kanilang tulong ang international chapter ng Dongyanatics Fans Club—isang grupo ng fans nina Dingdong at Marian Rivera. Ito ay naganap sa press conference para sa bookazine ni Dingdong noong August 25. Dumating ang dalawang representative ng dongyanatics.org upang personal na iabot ang kanilang post-birthday gift sa aktor, na nagdiwang ng kanyang 29th birthday noong August 2.

Ito ang mensahe ni Sarah Lara mula sa U.S. para sa aktor: "Dong, in behalf of dongyanatics.org, we're giving you, YES Pinoy Foundation, 1.2 million pesos cash and cheques. And our birthday gift to you..." sabay abot ng isang box.

Nasorpresa talaga si Dingdong sa ipinagkaloob ng kanilang fans ni Marian at may ilang segundo rin siyang hindi nakapagsalita. Ang ginawa ng aktor ay binasa muna niya ang nakalagay sa certificate na kalakip ng 1.2 million pesos na donation sa kanya at saka siya nagbigay ng mensahe.

"From dongyanatics.org, global chapter," banggit ni Dingdong. "Si Sarah kasi, nagkakilala kami dati pa sa Amerika, nang mag-concert kami [ni Marian] sa Los Angeles. Magmula noon, constant na ang communication, kasi in touch talaga kami sa international chapter.

"At noong malaman nga nila that there's this kind of foundation, 'eto, meron na. Like what I said, unang-unang donation na nanggaling sa dongyanatics.org. Thank you very much at sigurado akong maraming buhay ng kabataang Filipino ang mabibigyan ng pag-asa. Maraming panaginip nila ang matutupad dahil sa donation ninyong ito. In behalf of YES Pinoy Foundation, thank you very much sa donation ninyong ito."

ADVERTISEMENT - CONTINUE READING BELOW

Ayon kay Sarah, ang 1.2 million pesos na naging donation nila for Dingdong's foundation ay ambag-ambag ng iba't ibang members ng dongyanatics.org.

"Nag-ambag-ambag kami para sa birthday niya. Kasi, narinig namin na he's launching his first charity. I have a friend who's wealthy, so siya yung talagang nagbigay. And then, kaming ibang members, nag-contribute din kami," saad ni Sarah.

Ang ibang members daw ng dongyanatics.org ay galing pa sa U.S.A., Middle East, Europe, at iba pang panig ng mundo.

Nang tanungin ng PEP (Philippine Entertainment Portal) si Dingdong kung ano ang reaksiyon niya sa donasyon na ibinigay ng kanilang mga tagahanga, sinabi niyang kahit paano ay may idea siya na may intensiyon ding tumulong sa kanya ang fans. Hindi nga lang niya inaasahan na ganoon agad kalaki ang nalikom nila sa lahat ng members.

"Nalaman ko naman dati na may intention to help at alam ko na magkakaroon ng... hindi naman exactly donation kundi contribution. Nakakagulat because this is a good way to start it. At talagang mas gaganahan ang mga tao behind YES Pinoy na magbigay ng education sa karapat-dapat. At magiging open book naman lahat. Everything that is given will be posted. Lahat makikita naman nila, updated sila. Especially sa mga nagbigay, ipapakita namin yung mismong development," sabi ni Dingdong.

Pinabuksan din namin kay Dingdong ang box na naglalaman ng regalo ng Dongyanatics para sa kanya. Ito ay isang expensive Rolex watch. Alam daw kasi ng mga fans niya na isa sa mga weakness niya ay magagandang relo.

"Makikita n'yo na palagi ko itong isusuot, lalo na sa Stairway to Heaven," nakangiting sabi ni Dingdong, na ang tinutukoy ay ang kanyang upcoming drama series sa GMA-7, katambal si Rhian Ramos.

Dugtong niya, "Like I always say, it's not the material gift but it's... yung value niya, mas nagiging meaningful like, yun nga, galing pa sa iba't ibang bansa and it was handed to me kaya mas nagiging meaningful pa sa akin."

ADVERTISEMENT - CONTINUE READING BELOW

In behalf of the dongyanatics, hiningan din ng mensahe ang representative ng club na si Sarah para sa kanilang idolo at kaibigan na si Dingdong.

"Ang message namin, patuloy siyang tumulong sa mas mga nangangailangan na mga tao. Kasi, mas yun ang pinakamagandang maibibigay niya at maibabahagi niya, kasi nasa peak na siya ng kanyang career. Yung makatulong sa mga nangangailangan na mga kabataan," pahayag ni Sarah.

Sa suportang ibinibigay ng mga fans nila, masasabi ba ni Dingdong na mahirap talagang bitawan ang team-up nila ni Marian?

"Ay, hindi talaga, never, never... for life 'yan, for life," sambit ni Dingdong." At saka may dahilan kung bakit nabuo 'yang group na 'yan. It's because they show something. As long as naniniwala sila sa amin at nandoon pa rin ang respect namin sa isa't isa, at ang magandang pakikitungo namin sa organization at support din namin sa organization, I know that it will go places."


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN