Claire dela Fuente preserved 24 pink roses she got from Michael Bolton

Claire dela Fuente says Grammy award-winner and composer Michael Bolton was impressed by her voice. She and Michael recorded a duet for her Christmas album, Claire dela Fuente: The Christmas Album.


Sa panayam kamakailan ng PEP (Philippine Entertainment Portal) sa '70s singing idol na si Claire dela Fuente, inihayag niya ang kaibahan ng dalawang international music icons na nakatrabaho niya—sina Richard Carpenter (kalahati ng legendary singing duo na The Carpenters) at singer-composer Michael Bolton.

"Ganito po yun, e, yun pong kay Richard Carpenter, masarap ang feeling, yun pong fact na ang lahat ng tao tinatawag akong 'Karen Carpenter of the Philippines,' di ba?

"So yun po ang maganda dun. Na alam ng lahat ng tao na si Mr. Richard Carpenter, e, masyadong metikuloso pagdating sa boses. Marami pong nagpapadala sa kanya, thousands of CDs every day, merong dumarating sa kanya. At ang sinasabi lang po sa kanya, e, pakinggan lang po yung CD, pero hindi niya pinapakinggan yung iba, tinatapun-tapon lang niya.

"Nung nabigyan ako ng tsansa na madinig niya, nun humanga siya sa akin, dun... Ako yung parang..."

Noong seventies, binansagan ngang "Karen Carpenter of the Philippines" si Claire dahil kaboses niya ang yumaong American singer na gumawa ng mga hits tulad ng "(They Long To Be) Close To You," "We've Only Just Began," at "Merry Christmas, Darling." Namatay si Karen dahil sa heart failure na resulta ng sakit niyang anorexia nervosa, isang psychiatric illness kaakibat ng kakaibang eating disorder.

Nang si Michael Bolton naman ang nakilala niya, sobrang naiyak daw siya sa paghangang ibinigay ng kilalang American singer-songwriter sa kanya.

"Naiyak ako kasi hindi ako makapaniwala na puwede ko palang ma-impress yung mga ganung klase ng [pop] icons, di ba? E, ang tenga ni Richard Carpenter is perfect, e!"

24 ROSES FROM MICHAEL. Kinilig daw si Claire kay Michael.

"Kasi po, kaya may kilig yun, si Michael Bolton po, binata kasi siya, e. Dalaga ako. 'Tapos po yung kilig dun, e, hindi ko akalain na... Unang-una kasi idol ko siya, e.

ADVERTISEMENT - CONTINUE READING BELOW

"Pangalawa, siyempre, coming from a girl's perspective, that a guy na nagbigay sa 'yo ng 24 pink roses sa umpisang-umpisa ng pagkikita ninyo at naririnig mo sa kanya na parang sabi niya, 'I read some of the publicities about you.'

"Meaning nag-Google siya! Ginoogel niya ako, yun ang dating sa akin, na pinag-aralan niya ako. So ang feeling ko, 'Wow!' from an icon ito, ha?" sabi pa ni Claire tungkol sa Grammy at AMA (American Music Awards) awards-winner na si Michael. Sa Peninsula Hotel sa Beverly Hills, California, USA, sila nag-meet para sa duet nila sa Christmas album ni Claire.

"Parang ang dating sa akin bago pa kami nag-meet kilala na niya ako, 'tsaka nabasa ko rin sa kanyang isang e-mail na kailangan din daw akong magpadala ng biography ko, so, nagpadala ako ng biography ko.

"Aside from that nagbasa pa yata siya ng iba at mukhang nanood pa siya sa YouTube.

"Actually sabi niya na-impress siya, his first words nang nalaman niya ang tungkol sa akin is I'm 'terrific' daw, na I sound terrific daw. Iyon ang first adjective na ginamit niya."

Tamang-tama, hiwalay na ang "How Am I Supposed To Live Without You" singer-composer sa dati nitong girlfriend, ang Desperate Housewives star na si Nicolette Sheridan. At okey lang naman kay Claire if ever iibig siya sa isang foreigner.

"Why not? Bakit meron bang ano na bawal magkagusto sa foreigner? Wala po akong discrimination, kahit po sino basta sa tingin ko dun ako liligaya, e, di okey lang po."

Okey lang daw kung ligawan siya ni Michael, wala namang magagalit sa side niya. E, sa side kaya ni Michael?

"Wala rin po. Ha-ha-ha!" bulanghit ng tawa ng singer na nagpasikat ng kantang "Sayang" noong late seventies.

Sa Claire dela Fuente: The Christmas Album ng Viva Records mapapakinggan ang mga classic Christmas songs na tulad ng "O Come All Ye Faithful," "White Christmas," "O Holy Night," "I'll Be Home For Christmas," "Mary's Boy Child," "Have Yourself A Merry Little Christmas," "Winter Wonderland," "You're All I Want For Christmas," "Silent Night," at ang mga Tagalog na awiting pamasko na tulad ng "Sa Pagdating Ng Pasko," "Kahit Ilang Pasko," at "Sana Sa Paskong Ito."

ADVERTISEMENT - CONTINUE READING BELOW

Laman rin nito ang "The Christmas Song" na duet nga nina Claire at Michael.

Bakit naman isang kanta lang ang duet nila?

"Kasi po trial lang yun, e, trial lang yun. Kasi siyempre kung mag-duet kayo hindi mo naman alam kung magteterno ang boses ninyo, kung hindi magiging annoying, di ba? E, nung narinig niya, sabi niya, maganda raw.

"'Pag maririnig mo yung mga ano niya, andami niyang sinasabi na ang ganda raw ng boses ko, na ano daw, 'You know for a fact na you are somebody who loves to sing and just enjoys it.'

"At sabi pa niyang ganun, 'And it's really coming from the heart!' sabi niya, coming from inside daw. Ganun pa ang salita niya."

Nasaan na ang mga roses?

"Nasa bahay po, pina-preserve ko. Tanong mo kung sino ang nagsabi sa akin na i-preserve ko.

"Tinawagan ko kasi si Boss Vic [del Rosario, Viva big boss], sabi ko, 'Naku, Boss Vic, binigyan ako ng 24 pink roses!' Sabi ni Boss Vic, 'Iuwi mo, iuwi mo! I-preserve mo.'

"Kaya pina-preserve ko."

"SAYANG" REVIVALS. Tinanong naman si Claire ng PEP kung ano ang reaksiyon niya sa pagre-revive ng male singer na si Myrus ng classic hit niyang "Sayang."

"I love it! Si Myrus? Lagi akong tinatawagan nun, e! Friend ko siya sa Facebook and he's very, very nice. A very naïve guy, nineteen years old and very nice."

Gustung-gusto ni Claire ang version ni Myrus.

"I mean, you know, it's so simple. Maraming nag-revive ng 'Sayang' but they were not able to impress people. Why? Because binago nila nang husto yung kanta.

"People love 'Sayang' the way it is—the classic version of 'Sayang.' E, binago nung iba, so, hindi nagustuhan ng iba."

Sino ba yung ibang nag-revive?

"Hindi ko alam, e, I really don't know. I think there are two or three. This is the fourth, I think. Pero sabi nila parang kinanta lang ni Myrus na male version 'tapos nilagyan niya ng konting R&B beat pero ganun na ganun ang pagkakagawa ng 'Sayang.'

ADVERTISEMENT - CONTINUE READING BELOW

"So I think the simpler it is, the better. The closer it is to the original, the better."

NEW GENERATION OF SINGERS. Tinanong din ng PEP kung sino sa mga young generation of singers ang nakikita niyang malayung-malayo ang mararating at magtatagal.

"Sa recording? Recording for male, si Mark Bautista. For female, hindi ko alam sa recording pero sa performance, yung talagang performing, si Rachelle Ann Go.

"I love her voice, she knows exactly her capacity as a singer and she reinvents herself. Nakikita ko, e, na lagi niyang binabago ang sarili niya. And she has the flair, and one day she's gonna be a diva because of the way she carries herself."


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN