Kinondena ng ilang solid celebrity supporters ni presidential candidate Davao City Mayor Rodrigo Duterte ang pag-ere ng anti-Duterte political ads na binayaran ni Senator Antonio Trillanes III.
Ito ay sa kadahilanang makikita sa 30-second ad na mga menor de edad ang ginamit na talents na kumuwestiyon sa pagmumura, pambababae, at pambabastos sa isang rape victim ng alkalde.
Kalakip nito ay ang cut-to-cut video clips na kuha kay Duterte sa mga isinagawa nitong campaign rally.
Ang kontrobersiyal na 30-second political ad ay ipinalabas sa ABS-CBN kahapon, May 5, at may iba ring bersiyon na umere sa GMA Network.
BLACK PROPAGANDA AGAINST DUTERTE. Nanguna sa mga artistang tumuligsa sa anti-Duterte ad si Oyo Sotto, na naniniwalang malinaw na “black propaganda” lamang ang paninira laban kay Duterte.
Hindi lingid sa kaalaman ng publiko ang pagtuligsa ni vice-presidential candidate Trillanes kay Duterte dahil sa diumano’y maanomalyang pagtatago ng kayamanan ng alkalde.
Kasabay nito ay marami ang nagsasabing si Trillanes ay pakawala diumano ng mga kalaban ni Duterte sa pagka-pangulo sa nalalapit na May 9 elections.
Kasabay nito ay ni-repost ni Oyo ang isang quote card na kumukuwestiyon kung bakit hinayaan ng Bantay Bata at Movie and Television Review and Classification Board (MTRCB) na "gamitin sa pamumulitika" ang mga menor de edad na talents.
Ibinahagi rin ni Oyo na mismong si Karen Davila ay dismayado sa paggamit ng mga menor de edad na talents, base sa Twitter post ng TV Patrol anchorwoman.
Sa hiwalay namang Instagram post ni Robin Padilla, kinondena nito ang pamumulitika kay Duterte sa pamamagitan ng paggamit ng mga menor de edad sa isang political ad.
Sabi ni Robin, “Children should not be used in black propaganda, no matter what the situation is. Republic Act No. 7610 June 17, 1992 ...”
Maging si Mocha Uson, na madalas kasama sa campaign sorties ni Duterte ay binatikos ang “bulok” na “propaganda” mula sa kalaban ng alkalde sa pulitika.
Sabi ni Mocha sa hiwalay niyang Instagram post: “Mga BULOK niyong PROPAGANDA sing BULOK ng inyong mga KALULUWA.
“WALA NA KAYONG PAG-ASA PERO KAMI MERON PA. MAKIKITA NIYO SA MAY 7 ANG PWERSA NG MASA.”
Ang isa pang solid supporter ni Duterte na si Vivian Velez ay dismayado rin sa paggamit ng mga batang talents para siraan ang presidential candidate.
Sabi ni Vivian sa kanyang Facebook post: “Using children for political interests? I watched this anti-Duterte tv ads and it's sickening.
“Where is human decency in all of this? Shame on these people!”
MTRCB NO JURISDICTION OVER POLITICAL ADS. Samantala, naglabas na ang MTRCB ng opisyal na pahayag na nagsasabing ang Commission on Elections (COMELEC) ang may saklaw sa pag-supervise at pag-regulate ng mga political ads.
Sabi ni MTRCB Chairman Toto Villareal sa opisyal na pahayag na ipinadala nito sa PEP.ph (Philippine Entertainment Portal) ngayong araw, May 6:
“The MTRCB wishes to inform the general public that it is the COMELEC which has jurisdiction in all instances to supervise and regulate political advertisements broadcast over television, whether promoting or opposing the election of a candidate, pursuant to the Fair Elections Act (RA 9006) and its Implementing Rules and Regulations for the 09 May 2016 National and Local Elections (COMELEC Resolution No. 10049).”
Tinanong din ng PEP kung dumaan ba sa pamunuan ng MTRCB ang naturang anti-Duterte ad.
Sagot ni Atty. Villareal, “Since we have no jurisdiction over the matter, we defer to the COMELEC.
“Under the law, pol ads are not submitted to MTRCB for review.”