Hindi gaanong nalalagay sa kontrobersiya si Chris Cayzer, pero nang ang dating Kapuso'y lumipat sa TV5, naging usap-usapan din ito.
"It's not that I wasn't happy with GMA-7," sabi niya. "But I have been in the business for how many years na rin. When an offer like that came, it was something I wasn't able to refuse. Guaranteed contract siya, and has more of a focus on my being a musical artist, which is what I like."
Hindi totoong negative ang tingin ng GMA-7 sa paglipat niya. Maayos ang pagpapaalam ni Chris sa Kapuso family niya.
"Igine-guest pa rin nila ako, like sa Unang Hirit," sabi ni Chris. "There's no problem naman. I am in a new home lang siguro, which gives me better hope. It's for the better, I believe."
Pati sa ABS-CBN ay welcome ang bagong Kapatid. Kaibigan ni Chris si Anne Curtis at dinamayan niya ito noong kumalat sa Internet ang "swimsuit malfunction" ng aktres. Aksidenteng nahubaran ng bra si Anne habang sumasayaw sa opening number ng summer special ng ASAP XV sa Boracay noong March 21.
"I went to ABS-CBN for Anne, just like her other friends," ani Chris. "She's a very good friend."
FOCUS ON SINGING. Masaya na si Chris sa dalawang shows na ibinigay agad ng TV5 sa kanya. Dapat ay nasa Lokomoko U din siya pero tinanggihan na niya.
"Mostly gag show kasi yun, and it's gonna bend a lot more from what I want, to be established more as a singer. I am not an Ogie Alcasid who has been known as a comedian and a songwriter at the same time to be included in a gag show. I have other plans for my singing career.
"I will be part of BF/GF (Boyfriend/Girlfriend) and PO5. So far, those are the shows approved by my manager [Leo Dominguez]. Okey lang ang sitcom, where I have a role na pa-cute, simple lang. Pero yung super-comedy, just like a gag show, I think it's too early for that, that's why I will not be a part of Lokomoko U," sabi ni Chris.
Kailangan lang daw, sabi ng iba, mas paghusayin pa ni Chris ang pagta-Tagalog para mas lumago ang career ng singer-TV host na pinanganak at lumaki sa Australia.