Magsusumite ng Motion for Reconsideration ang kampo ni GMA-7 executive Wilma Galvante kaugnay ng pagkakabaligtad ng Department of Justice (DOJ) sa naunang desisyon ng Office of the Quezon City Prosecutor sa reklamong slander na isinampa laban sa kanya ng talent manager na si Annabelle Rama. (CLICK HERE to read related article.)
Ito ang naging pahayag ng abogado ni Galvante na si Atty. Alfred Villamor sa PEP (Philippine Entertainment Portal) sa pamamagitan ng phone interview kaninang hapon, June 11.
"We will be filing our Motion for Reconsideration. Over the decision, we strongly believe that there must be a case of disappropriation of the facts and evidence. So, the action of the DOJ [is] to take the case and look at the case, and to reconsider to take into account the arguments of the case," saad ni Atty. Villamor.
Nang tanungin naman kung ano ang naging reaksiyon ng kanyang kliyente sa Resolution ng DOJ, ito ang naging pahayag ng abogado ni Galvante: "She believes naman na dapat talagang ma-dismiss ang kaso. That's why nga, we decided to file a Motion for Reconsideration."
Umaasa rin si Atty. Villamor na mababaligtad ang naging desisyon ng DOJ, "kasi malinaw naman talaga on their mind na wala naman talagang slander," paliwanag niya.
Dagdag pa niya, "If you look at the Resolution of the Quezon City Prosecutor's Office, it was more extensive than the decision or Resolution of the DOJ. To our mind, the decision of the Quezon City Prosecutor's Office is more into keeping the facts and evidence of the case."
Bukod sa pag-reverse ng naunang desisyon ng Quezon City Prosecutor's Office, pinagbigyan din ng DOJ ang Petition for Review ni Rama. Inatasan ng acting DOJ Secretary Alberto Agra ang nasabing tanggapan na mag-file ng Information of Slander laban kay Galvante.
Matatandaan na bago inilabas ang desisyong ito ng DOJ, ibinasura ng Quezon City Prosecutor's Office ang slander complaint na isinampa ni Rama laban kay Galvante noong April 14, 2009 dahil sa "lack of probable cause." (CLICK HERE to read related article.)
Ang kaso ay bunga diumano ng mga mapanirang pahayag ni Galvante laban kay Rama noong nakausap ng TV executive ang talent ng huli na si JC de Vera sa kanyang opisina noong February 16, 2009. (CLICK HERE to read related article.)
"MARAMI PANG ARTISTA ANG LALABAS." Sa kabilang banda, nagpapasalamat naman si Rama sa naging desisyon ng DOJ.
Sa isang phone interview kaninang hapon, June 11, sa pamamagitan ng PEP contributor na si Jojo Gabinete, sinabi ni Rama, "Masayang-masaya ako dahil dininig uli ng Diyos ang aking mga dasal."
Ipinaalam din ng PEP sa talent manager ang balak ng kampo ni Galvante na magsumite ng Motion for Reconsideration sa DOJ.
"Okey lang sa akin na mag-file sila ng Motion [for Reconsideration] dahil normal 'yon. Ganun din ang ginawa ko nang matalo ako ni Wilma sa Quezon City Prosecutor's Office. Nag-file ako sa DOJ dahil naniniwala ako na mas may hustisya doon," saad ni Rama.
Kinuha na rin ni Rama ang pagkakataon upang pabulaanan ang haka-haka na mayroon siyang koneksiyon sa DOJ kaya nabaligtad ang desisyon sa kanyang kaso.
Aniya, "Hindi totoong may kakilala ako at lalong hindi totoo na malakas ako sa DOJ. Ang duda ko, nakita nila [DOJ] na totoo ang mga sinabi ni DJ Mo [Twister] sa Paparazzi na sinigaw-sigawan din siya ni Wilma sa loob ng kuwarto. Marami pang mga artista ang lalabas at magsasalita na sinigaw-sigawan din sila ni Wilma sa loob ng kuwarto."
Si Mo ay dating contract star ng GMA-7, na kamakailan ay nagsampa ng reklamong "Breach of Contract" laban sa host, na ngayon ay nasa TV5 na.
GALVANTE'S STATEMENT. Sinubukan din ng PEP na hingan ng pahayag ang lady boss ng GMA-7 tungkol sa naging desisyon ng DOJ, heto ang text message na ipinadala niya sa managing editor na si Karen A. Pagsolingan:
"If you were able to talk to Atty. Villamor, then his update on the matter should suffice. As usual, I will ignore Rama's senseless comments. Regarding DJ Mo, GMA Network has filed a case against him, and I understand a court hearing has already been scheduled. Let's leave it at that."