Nagbabalik-telebisyon si Maricel Morales via the GMA-7 afternoon drama series Trudis Liit na kinatatampukan ng bagong child wonder na si Jillian Ward.
Maricel came from a busy schedule nitong nagdaang summer kung saan naging abala siya sa pangangampanya for her second term as councilor of Angeles City, Pampanga.
"Sinuwerte naman ako manalo ulit," sabi ni Maricel sa PEP (Philippine Entertainment Portal). "Itong elections na ito was stressful talaga. But after that, I made sure na maging sulit naman ang bakasyon ng mga anak ko. Kasi nung time ng elections, talagang kawawa sila. Wala silang bakasyon this year. After the elections, dinala ko sila sa Pagsanjan Falls."
Maricel is the mother of two boys with estranged husband Ace Espinosa.
Very hands-on mom si Maricel kung tungkol sa mga anak niya.
"Siyempre I have to do everything for them after ng elections. Ako ang nag-enroll, bumili ng mga things nila... I make sure talaga na ako lahat sa mga humahawak sa kailangan nila. I want to make sure na alam ko yung nangyayari. Kawawa naman at wala nang tatay," sabi ng dating Mutya beauty.
Back to school din daw si Maricel sa Angeles University Foundation where she will take up Law.
Excited niya pang sinabi, "Doon talaga ako nag-aral dati sa school na iyon [AUF] ng Nursing before. Konting load lang ang kukunin ko muna. I wanted na mag-full load pero hindi kakayanin with my work. Maraming masa-sacrifice. I don't mind naman na konti lang. Step-by-step, unti-unti.
"Ang Law, medyo demanding," patuloy niya. "Ang daming kailangan basahin. Ayoko din mapabayaan ang aking political career kasi nakakahiya din sa mga tao dahil elected ako. I have to deliver sa expectations nila."
Para kay Maricel, naging mahirap ang unang term niya bilang councilor.
"I was in the opposition then. 'Tapos, we were in the minority. It was a tough battle na medyo pinahirapn din kami. Ang hirap kasi may mga gusto kaming gawin na projects pero since we were not allies of the mayor talagang fund-wise, naging mahirap. Talagang I had to be resourceful kung ano yung puwede kong gawin on my own," banggit niya.
"Pero luckily, in this elections, nanalo ang mayor at vice mayor na dala namin. Plus nanalo five councilors from our camp. So, medyo may laban. Mas nakikita ko na yung mga projects na iniisip ko since 2007 ay magagawa ko na ngayon.
"'Saka ako lang ang mag-isang babae sa council. Even noong 2007, ako lang yung babae. Siyempre, yung mga kababaihan, iba din yung expectations nila sa akin."
Malaking tulong din para sa kanya na isa siyang artista nitong pagtakbo niya.
"Advantage din sa akin kasi ako yung muse ng grupo namin!" tawa niya. "Ang dali akong tandaan para sa tao. Ang laking advantage na in terms of name recall. Tapos, ang sinasabi ko sa kampanya, 'Ako yung pinakamagandang konsehala dito,' kasi wala kang sinasagasaan na iba. Tuwang-tuwa naman yung mga tao sa akin. Click naman. Win naman sa mga tao kapag sinasabi ko na ganyan."
BACK TO ACTING ALSO. Nanay ni Jillian Ward ang ginagampanan ni Maricel sa Trudis Liit, na nagsisilbingcomeback vehicle din niya.
"Actually, acting is still my passion," sabi niya. "From time to time naman, even after 2007 nung nag-run ako for the first term, lumalabas-labas na din naman ako. Like sa La Vendetta at sa Bakekang.
"Medyo ngayon, nabigyan ako ng malaking break. Nakaka-miss din yung ganito. Nagagawa ko yung passion for acting. Tapos, nandiyan din yung sa political life ko. In a way, reliever para sa akin itong showbiz. Masarap din to be back working on TV."
Natutuwa rin si Maricel dahil may alaga pa siyang isang "anak" dito sa Trudis Liit. Kitang-kita during the presscon of Trudis Liit last June 17 kung paano niya bantayan si Jillian habang ini-interview.
"Actually, nami-miss ko yung mga anak ko kapag kasama ko si Jillian. The good thing is I have two boys at siya naman ay girl. Kapag nakikita nila yung pictures with Jillian, sinasabi sa akin ng boys ko na tigilan ko na daw ito at huwag tapusin ang project kasi nagseselos sila. Alam nila that I've always wanted a baby girl. Parang noong nakita nila, naging threat si Trudis para sa kanila!
"Siguro, dahil na din for the most part, kami yung magkakasama. Yung buhay namin, maybe we've become attached to each other. Ngayon, medyo natatakot sila. Kasi noong three days straight na nagsu-shooting kami, they were calling me at umiiyak. 'Mom, hindi namin kaya mabuhay nang walang nanay,'" sabi ni Maricel sa boys niya na edad 10 at 7 years old.
Maricel makes sure that she always goes home to her kids.
"No matter how busy I am, I go home and sleep with them. Kasi sama-sama kami," sabi niya.