"I'll try to be as honest as possible," ang nakangiting bungad ni Heart Evangelista sa PEP (Philippine Entertainment Portal) at iba pang entertainment press na dumalaw sa taping ng GMA-7 primetime series na Langit Sa Piling Mo kahapon, August 14.
Ang tinutukoy ni Heart ay ang "cool-off period" nila ng kanyang boyfriend na si Ian Dy, ang kasalukuyang vice mayor ng Alicia, Isabela. (CLICK HERE to read related story.)
Ayon pa sa actress-TV host, "Hindi artista yung kabila. Yun lang ang naging point ko."
Yung kinahinatnan ng relasyon nila ni Ian, was it because of the long-distance relationship that they have? Habang nasa Manila kasi si Heart ay nasa Isabela naman madalas si Ian.
"Ang dami kasing ginagawa. Ang dami kong ginagawa. Ang dami na nasa utak niya. He's always on the phone. So, it's not just... I guess, we're not just on the same place na. So, those actually late na sa balita, we broke up like a month ago already," sabi ni Heart.
"COOL-OFF." Bakit sinasabi pang nag-cool-off muna sila?
"Hindi, hindi... Usually, kapag sinabi mong break, masakit na agad. So, sasabihin mo na lang cool-off. Para hindi ganoon kasakit. Para ganoon na lang. But for me, I decided at that time na it would be better to just, you know... but we're okay," saad ni Heart.
Kuwento pa ng aktres, last Thursday, August 12, lang ay nagkausap pa sila ng dating boyfriend. Okay naman daw sila.
"Hindi naman kami yung away-away. It's just yung parang alam naman namin na hindi kami magkasundo. Pero okey kami ng mommy niya. Magkausap kami kahapon ng mommy niya, okay naman kami."
Ironically, third time na nilang magkabalikan at third time na rin nilang mag-break. Ayon kay Heart, halos parehas lang ang rason ng nagiging breakup nila.
"Actually, yun din ang naging problema namin dati. We don't look at the world the same way. Parang we don't look at things the same way. So, parang same rin. Pero it's different kasi ang tagal din naming nagkahiwalay. Ang daming nag-change sa kanya. Ang daming nag-change sa akin. At doon ko na-realize na he's not the same guy noong time na naging kami. We grew apart, and then, alam n'yo yun, it's different."
Nang tanungin ng PEP si Heart kung sa palagay niya ay wala nang "fourth time around" sa kanila ni Ian, ito ang naging tugon niya: "Siguro kung ganoon, kasal na yun. Pero at this point, I don't know yet."
Dagdag niya, "Actually, it's been two months. Parang nakakapagod kasi yung ganoon, e. Especially for me, kahit paano, ang dami ko rin pinagdaanan. Si Jericho [Rosales], then naging boyfriend ko after. 'Tapos ito. So, for me, if it doesn't work out, it doesn't work out. You do your thing, I do my thing. You want to meet other people, I'll meet other people. Yung parang ganoon."
Ano ang naging reaction ng parents niya sa breakup nila ni Ian, lalo na't naging malapit ang mga ito sa boyfriend niya?
"Okey lang," sagot ni Heart. "Alam naman nila, e. Sabi nila, kung wala, e, alangan naman na maghintay ka hanggang kasal ka at do'n mo ma-realize na hindi kayo?"
DANIEL MATSUNAGA. Aware na rin si Heart sa isyung inuugnay siya sa co-star niya sa Langit Sa Piling Mo na si Daniel Matsunaga. Balitang ang Japanese-Brazilian model daw ang palagi niyang nakakasama ngayon at tumutulong sa kanya para makalimot. May isyu rin na baka si Daniel ang reason ng breakup nila ng boyfriend.
"I heard about that. I heard of this," nakangiti naman niyang sagot. "Okay, paano ko ba sasabihin 'to? Lumalabas kami. Of course, we're always with everybody. Wala naman akong nararamdaman na anything sa kanya. Ano naman siya, e... he may seem liberated kasi Brazilian, ganyan, but actually, parang respeto rin siya.
"Kuwidaw rin siya dahil alam din niya na kaka-break ko lang. E, siya rin naman kaka-break. Mararamdaman mo naman sa lalaki yun, di ba? Wala naman siyang anything. Parang friendship lang. Parang natutuwa lang siya sa aming lahat."
What if Daniel is willing to wait?
"E, di mag-wait siya, along with the others!" natatawang biro ni Heart.
Ipinaalala namin kay Heart na noong press conference ng Langit Sa Piling Mo, all she had then were good words for Daniel.
Sabi ni Heart, "Yes, in fairness sa kanya, noong makilala ko siya noong umpisa, siyempre, guwapo. Pero para pa siyang hindi tao noong time na yun. Ano pa siya, mannequin siya sa akin noong time na yun. It's just that recently na naka-bonding ko silang lahat and we always have to go out, he's so bait naman. At saka, hindi siya yung pakawala, okay siya. Wala naman akong nararamdaman na may something siya."
What if meron palang feelings sa kanya si Daniel?
"Well, of course, it's flattering, di ba? Pero at this point, careful din ako kasi medyo 'open-heart surgery' ako ngayon. Term yun ni Daddy ko na 'open-heart surgery' ka ngayon, open ka sa mga sakit-sakit, ganyan!" natatawang sagot ni Heart.