Ipinagmalaki ni United Nationalist Alliance (UNA) standard-bearer Vice President Jejomar Binay na nanguna siya sa pagboto ng maaga kumpara sa kanyang mga kalaban sa pagka-pangulo.
Base ito sa status ni VP Binay sa kanyang official Twitter account ngayong Lunes ng umaga, May 9.
Sa simula pa lang eh UNA na tayo sa lahat. Ngayung umaga, Una pa rin tayong bumoto. Una po lagi. Ingat po sa pagboto.
— Jejomar C. Binay (@VPJojoBinay) May 9, 2016
Ayon sa live tweets ng @Inquirerdotnet, si Binay ang ikalimang botante na bumoto sa precinct 189 ng San Antonio High School sa Makati City.
Alas-sais pa lang ng umaga ay nakapila na si Binay sa kanyang election precinct.
Bandang 6:05 A.M. nagsimulang markahan ni Binay ang kanyang balota ng mga napiling kandidato at natapos sa loob lamang ng walong minuto.
Kasama ni VP Binay na bumoto ang kanyang anak na si dating Makati City Mayor Junjun Binay.
TIMELINE: UNA standard-bearer Vice President Jejomar #Binay 5th to vote at Precinct 189, San Antonio HS pic.twitter.com/T4V6ih0ngB | @TarraINQ
— Inquirerdotnet (@inquirerdotnet) May 9, 2016