Sa unang pagkakataon ay inamin ni Pangulong Noynoy Aquino na nagde-date sila ng kanyang stylist na si Liz Uy.
Ayon sa SunStar, ginawa ni PNoy ang pag-amin sa harap ng media na nagku-cover ng Asia Pacific Economic Cooperation (APEC) summit sa Yokohama, Japan.
Pero mas naging bukas si PNoy ng kanyang nararamdaman para sa 28-year-old stylist sa panayam sa kanya ng TV5 news anchor na si Jove Francisco kahapon, November 13.
Ayon sa 50-year-old bachelor president, na-realize niya ang kanyang nararamdaman para kay Liz bago ang kanyang state visit sa U.S. noong September.
"Noong kampanya, wala pa," paglilinaw ni PNoy.
"I was in a relationship. I was focused on the campaign. I was focused on trying to make that relationship work also."
Ang tinutukoy na "relationship" ni PNoy noong nasa U.S. siya ay ang sa kanila ng ex-girlfriend niyang si Shalani Soledad, kasalukuyang konsehala sa Valenzuela City at kasalukuyan ding co-host ni Willie Revillame sa Willing Willie.
Tungkol kay Liz, ito ang naging pahayag ng Pangulo: "We had a conversation and I discovered how beautiful a person she was. I am impressed how she could engage in a conversation."
Inamin din ni PNoy na hindi nawawala ang komunikasyon nila ni Liz.
Ang huli raw nilang pag-uusap ay bago siya lumipad patungong Japan. Nagte-text din daw sila sa isa't isa habang nandoon siya.
Si Liz ay dating girlfriend ng sikat na aktor na si John Lloyd Cruz.