Heart Evangelista's family home in Cavite razed by fire

The family home of the Ongpaucos in Carmona, Cavite was razed by fire last Saturday, March 19. Actress Heart Evangelista was in Davao for a mall show when the incident happened.


Naging emosyonal si Heart Evangelista nang malaman niyang nasunog ang family home nila sa Carmona, Cavite noong Sabado, March 19.

Kasalukuyang nasa Bacolod si Heart para sa mall show ng cast ng Dwarfina nang matanggap niya ang balitang nasunog ang kanilang bahay sa Cavite.

Bagamat naging emosyonal siya sa backstage ay hindi niya ito pinahalata nang tumuntong na siya sa stage.

Sa airport pabalik ng Maynila, hindi na naitago ni Heart ang kanyang pagkabalisa.

Sinubukan ng Showbiz Central na kunin ang panig ni Heart subalit pinili niya munang huwag magsalita tungkol sa insidente.

May official statement naman na ipinahatid ang ina at manager ni Heart na si Mrs. Cecilia Ongpauco sa Showbiz Central.

Narito ang nilalaman nito:

"Thanks to all the loyal fans of Heart for their unfailing support in these trying times. We are proud that Heart was able to show how, despite what happened, she could still be professional enough to finish her work while our home was on fire."

Sa pamamagitan naman ng Twitter ay pinuri niya ang kanyang ama dahil sa pagliligtas nito sa kanilang mga aso.

Aniya, "My father has the biggest heart. He saved all 12 dogs instead of getting his things. We may not have it all, but together we will have it all."

Samantala, tuloy na si Heart bilang isa sa cast members ng remake ng Temptation Island, taliwas sa nabalitang tuluyan na siyang nag-backout sa pelikula. Siya ang gaganap sa role noon ni Dina Bonnevie.

Makakasama niya rito sina Marian Rivera (sa role ni Azenith Briones), Lovi Poe (sa role ni Jennifer Cortez), Solenn Heussaff (sa role ni Bambi Arambulo), at Rufa Mae Quinto (sa papel noon ni Deborah Sun). Kasama rin sa cast si John "Sweet" Lapus.

(Ed's Note: Sa naunang artikulo ay naiulat na ang bahay na ito ng mga Ongpauco sa Carmona, Cavite ay ang kanilang rest house. Ngunit ang katotohanan ay ito ang kanilang family home.)

ADVERTISEMENT - CONTINUE READING BELOW


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN