Marian Rivera begins shooting for Panday 2 with Senator Bong Revilla

"Malaki ang pasasalamat ko na tinanggap ito ni Marian dahil tingin namin, hindi ito kumpleto kung wala siya. Siya lang ang nababagay sa role na ibinigay sa kanya sa Panday," says Senator Bong Revilla about his new leading lady, Marian Rivera.


Nagsimula na ngayong araw, March 30, si Marian Rivera ng shooting niya sa Panday (Ikalawang Aklat). Mainit ang naging pagtanggap sa kanya ng co-star niyang si Senator Bong Revilla.

"Napakainit ng pagtanggap sa akin dito. Hindi rin ako makapaniwala na magagawa ko ito dahil sa dami ng schedule ko," bulalas ni Marian sa panayam sa kanya ng PEP (Philippine Entertainment Portal).

Masaya naman si Senator Bong na siya mismo ang nag-welcome kay Marian nang dumating ang aktres sa set ng pelikula sa Baras, Rizal.

Sabi ng actor-politician, "Malaki ang pasasalamat ko na tinanggap ito ni Marian dahil tingin namin, hindi ito kumpleto kung wala siya. Siya lang ang nababagay sa role na ibinigay sa kanya sa Panday."

Gagampanan ni Marian ang papel ng isang dragon na isinumpa bilang tao.

Nilinaw ni Marian na wala na sa kanya yung napabalitang tampuhan nila ni Senator Bong noon. May haka-haka kasing nag-aalangan itong tanggapin ang Panday 2.

"Wala na yun. Dito na nga ako, e. Tapos na yun," sabi niya.

"Na-touch lang ako kay Kuya Bong. Nung nagkita kami ni Ate Lani [Mercado, Bong's wife], ipinakita ni Ate Lani sa akin ang text niya [Bong] na tanggapin ko na raw ito dahil hindi daw niya ako pababayaan dito. Heto nga, alagang-alaga ako dito," kuwento pa ni Marian.

Ang isa pang ikinatuwa ng aktres, halos mga kasamahan din daw niya sa Amaya ang nakakasama niya sa Panday. Ang Amaya ang upcoming epicserye ni Marian sa GMA-7.


"Nandito si Sheena [Halili], dito rin si Kuya Mon [Confiado], at pati mga crew—sila rin. Kasi si Direk Mac [Alejandre] din ang direktor namin kaya kampante na ako dito," saad niya.

DINGDONG-KRIS MOVIE. Ikinuwento rin ni Marian sa PEP na natuloy na ang meeting ng kanyang boyfriend na si Dingdong Dantes kay Kris Aquino. Mukhang matutuloy na raw ang project na pagsasamahan ng dalawa at iku-co-produce nila.

ADVERTISEMENT - CONTINUE READING BELOW

Hindi pa raw alam ni Marian kung kailan ito sisimulan, pero sana matuloy na raw ito dahil matagal na raw itong pinaplano nina Dingdong at Kris.

Maaaring entry rin ang pelikula nina Dingdong at Kris sa 2011 Metro Manila Film Festival (MMFF). Okay lang ba kay Marian na magtapat sila ni Dingdong sa darating na filmfest?

"Ay, okay lang yun. Mas masaya pa yun!" sagot ni Marian.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN