Debate about stars posing with a cigarette continues: PMA wants public apology; YES! editor-in-chief asks PMA to "respect freedom of expression"

"Hindi ako nag-a-apologize para sa konseptong ito. Hindi ako nag-a-apologize para sa cover na ito, sa shoot na ito. Dahil sa tingin ko, hindi ito nilaro. Hindi ito sinadya. Ito’y nangyari lamang because I wanted, as the editor-in-chief of a magazine, to capture the essence of our subject cover, and that’s it," says Jo-Ann Maglipon about the cover of the October 2011 issue of YES! magazine.


Isa sa pinag-uusapang isyu ngayon, sa loob at labas ng showbiz, ay ang cover pictorial ng Superstar na si Nora Aunor para sa October 2011 issue ng YES! magazine.

Sa nasabing pictorial ay may hawak na sigarilyo ang nagbabalik na aktres.

Umani ng batikos at puna ang naturang cover pictorial ni Nora mula sa ilang sektor.

Nasundan pa ito ng cover pictorial ni Anne Curtis para sa Rogue magazine kung saan may hawak ding sigarilyo ang Kapamilya at Viva actress.

Isa sa bumatikos sa pagpu-pose na ito nina Nora at Anne ay ang Philippine Medical Association (PMA).

Ayon sa website nito, ito ang vision ng PMA: "to have a fellowship of physicians united in the common goal of acquiring the highest levels of medical knowledge and skills through continuing education and research, and to promote the healing ministrations of the physicians in the delivery of health care to patients."

Samantalang ito naman ang mission ng PMA: "A dynamic responsive and unified PMA committed to serve its members thru increased benefits, enhanced professional development, and the promotion and defense of the rights and privileges of the Medical Profession.

"These efforts, in partnership with other organizations and the Government, shall contribute to excellent healthcare delivery to its patients and the community at large."

Ayon sa PMA, posible raw magdulot ng hindi magandang impluwensiya sa publiko ang pagpu-pose nina Nora at Anne na may hawak na sigarilyo.

FREEDOM OF EXPRESSION. Sa gitna ng mga pagbabatikos na ito, nanindigan ang editor-in-chief ng YES! na si Jo-Ann Maglipon sa pagkakapili nito ng naturang litrato ni Nora para maging cover.

Sa panayam sa kanya ng The Buzz, sinabi ni Jo-Ann, "Itong liratong ito ay pinili ko dahil ito ang pinakanakaka-capture kay Nora sa essence niya sa ngayon.

"Ito si Nora. Matapang. Mas nagsasalita. Palaban. Mas malayang magbigay ng ideya.

ADVERTISEMENT - CONTINUE READING BELOW

"That’s the only reason why we chose this photograph.

"Pero, ang tanging nakikita ng mga bumabatikos sa picture na ito ay yung sigarilyong yun.

"Yung sigarilyo, para sa akin, is very incidental to the shot. It simply happened that it’s part and parcel of what she is today.

"Nagmumuni-muni, naninigarilyo, nag-iisip. Ganoon..."

Sinabi rin ng editor-in-chief ng YES! na wala silang masamang intensiyon sa kanilang magazine cover kaya wala silang balak mag-apologize, gaya ng hinihingi ng PMA.

"Hindi ako nag-a-apologize para sa konseptong ito. Hindi ako nag-a-apologize para sa cover na ito, sa shoot na ito.

"Dahil sa tingin ko, hindi ito nilaro. Hindi ito sinadya.

"Ito’y nangyari lamang because I wanted, as the editor-in-chief of a magazine, to capture the essence of our subject cover, and that’s it.

"And if you have any sense of art, creativity, if you are in any way connected to this thing, you will know what I am talking about."

Ayon pa kay Jo-Ann, maaari rin silang makipagtulungan sa PMA kung advocacy rin lang ang pag-uusapan.

"Sa tingin ko, we can work together," sambit niya.

"There will be good projects that I can help with, given my experience in media and this publication [YES!] that I handle, and the website that I also handle, which is PEP.ph.

"Kaya naming tumulong. Magtulungan.

"Pero hindi talaga ako papayag that they push me in the corner and make me apologize, make me withdraw the magazine, and call me irresponsible simply because I don’t kowtow to their demands.

"I will do the cover my way.

"I do not promise them it won’t happen again.

"All I’m saying is, please, respect freedom of expression."

PHILIPPINE MEDICAL ASSOCIATION REACTS. Sa kabila ng mga naging pahayag at paliwanag ni Jo-Ann, nananatiling matigas ang PMA na hindi raw tama ang pagkakalathala ng naturang magazine covers ni Nora at maging ng kay Anne.

ADVERTISEMENT - CONTINUE READING BELOW

Ayon sa representative ng PMA na si Atty. Leo Olarte, "Malaki ang naging epekto. Malaki ang naging masamang epekto.

"Malaki ang naging pinsala na ito’y nagdudulot sa mga tao, sa tumitingin, sa dalawang artistang ito bilang celebrities na kung ano ang gagawin nila, yun ay sinusunod kahit tama o mali.

"Ito ay makakabigay ng malaking mensahe sa madla na puwede palang manigarilyo."

Dagdag pa niya, may batas daw na nilabag ang mga nabanggit na magazines dahil sa paglalabas nila ng mga naturang larawan.

Aniya, "Kasi, meron tayong batas na nagbabawal sa pagpapalabas dito sa isang celebrity na magpapakita ng mensahe na visual or audible message, which is disseminated to the public ng tobacco product.

"Kahit hindi mo ito mismo sinisipsip or inaamoy, ini-inhale, pero hinahawakan mo, under sa batas na ito, ang Tobacco Regulation Act of 2003, ito ay mahigpit na ipinagbabawal.

"At ito ay may pagka-parusa na pagkabilanggo at fine na P100,000 at imprisonment of one year.

"Kaya ito, this is to be considered as a criminal offense," diin pa niya.

PUBLIC APOLOGY DEMANDED. Inirerekomenda rin ng PMA na mag-public apology ang mga bumubuo ng mga naturang magazine dahil sa paglalathala ng mga larawang ito.

Ayon kay Atty. Olarte, "Ang akin lang na masasabi or abiso sa kanila, magpalabas lang sila ng apology na hindi nila uulitin ang paglabag na ito sa batas...

"Ito ang kailangan natin para tayo ay magkakaroon ng magandang kalusugan."

THE BUZZ HOSTS SPEAK UP. Pagkatapos maipalabas ang segment na ito ay nagbigay rin ng kani-kanilang opinyon ang hosts ng The Buzz na sina Boy Abunda, Toni Gonzaga, KC Concepcion, at Charlene Gonzalez-Muhlach.

"Interesting," pambungad na reaksiyon ni Charlene.

Sambit naman ni Boy, "Very interesting."

Saad naman ni Toni, "No, there’s two perspective, Tito Boy. Yung panig ng mga artista na involved sa isyu and also the people behind the magazines. And the people against doon sa nangyari nga na magazine cover, di ba?"

ADVERTISEMENT - CONTINUE READING BELOW

Sabi ni Boy kay Toni, "Ibig mong sabihin, as artista, ginagawa lang niya ang kanyang trabaho as directed by the owners or managers of the magazine dahil ang konsepto na nakikita po natin sa mga covers ng magazine, tool lamang ang artista do’n sa cover?

"But it is not the call... and correct me if I’m wrong, hindi call ng artista kung anong props ang gagamitin, kung anong kasuotan ang gagamitin.

"Of course, you have to agree to them."

Singit naman ni Toni, "Pero, ’di ba, Tito Boy, at the end of the day, mukha pa rin naming mga artista yun?"

Sagot ni Boy, "Yeah, you have the say whether you have the right to hold the cigarette or not."

Ayon naman kay Charlene, "So, what you are saying, dapat may responsibilidad tayo as an artist because we have the power to influence people."

Paliwanag ni Boy, "No, you have the power to say no. ’I don’t wanna hold the sigarilyo.’ Okay, I don’t get it..."

Sabi naman ni Toni, "Kami namang mga artista, hindi lang naman kami basta sumusunod.

"Meron din kaming mga kanya-kanya naming paniniwala. Kung ano yung mga paniniwala namin at kung ano ang mga paninindigan namin.

"Nasa sa amin yun kung papayag kami sa isang bagay na ipapagawa sa amin.

"Whereas, sa mga nakita natin, siyempre, ginawa nila yun, may consent ng artista.

"I don’t think na gagawin nila yun, ’Ayokong gawin ’to, pero...’"

Tanong naman ni Boy kay Toni, sa mga narinig niyang ekplanasyon ni Jo-Ann ng YES! at ni Atty. Olarte ng PMA, papayag ba siya or it is wrong na mag-pose na may hawak na sigarilyo?

Sagot ni Toni, "No, tama yung sabi ni Ate Charlene, bilang mga artista, we should be responsible sa image na pinu-project natin sa mga tao dahil yung impluwensiya natin, hindi lamang sa mga nanonood sa atin, sa mga fans natin, but sa mga kabataan."

ADVERTISEMENT - CONTINUE READING BELOW

Diniretso na ni Boy si Toni kung ang ibig ba niyang sabihin ay mali ang paghawak ng sigarilyo sa isang cover ng magazine?

Ayon kay Toni, "Maraming kabataan ang mag-iisip na, ’A, kung kaya nilang gawin, kaya ko rin.’"

Dugtong naman ni Charlene, "Alam n’yo, kaya nagiging debate ito, there’s two sides that are affected here.

"One, of course, the freedom of speech as an artist, like, katulad ng sinabi ni Jo-Ann, na freedom of expression. It is also her right.

"At the same time, katulad ng sinabi mo Toni that, also an artist, we also have our own personal responsibility sa audience natin, sa fans natin.

"Doon nagsisimula ang conflict niyan."

Tanong muli ni Boy, "So, yung pag-deliver ng mensahe, kapag nakahawak ka ng sigarilyo, okay lang? Is that what you are saying?"

Tumango lamang si Charlene.

Pero muli siyang tinanong ni Boy kung nasaang panig siya.

"Oh, my gosh!" sambit ni Charlene.

Dugtong niya, "Ang hirap naman. Siguro, in between. Because there’s certain thing... it’s not black and white para sa akin. There are things that I will do and there are things I will not."

Para naman kay KC, na hindi makasingit kaya nagsabi itong "May I speak?": "I think this is a gray area because hindi siya advertisement. Hindi siya commercial. Hindi siya photograph na magpo-promote ng isang brand ng sigarilyo.

"So, yung tobacco regulation or Tobacco Act is really targetted sa tobacco industry, sa mga nagpo-promote ng smoking at nagpo-promote ng brand ng cigarette.

"So, in terms of personal choices ng mga artista, katulad ng mga nalalagay sa mga magazines, it can be seen as an artistic expression dahil nga katulad ng mga fashion icons...

"Katulad nina Chanel, tao si Chanel... Si Coco Chanel, became very known bilang personality niya to be a smoker, and it’s part of her image na talagang very strong na woman, may sariling paninindigan, may sariling independence. Mahilig mag-isip. Mahilig mag-create kaya siya nakagawa ng fashion line katulad ng Chanel.

ADVERTISEMENT - CONTINUE READING BELOW

"Pero in terms of cigarette smoking na nalalagay sa mga cover ng magazines, it’s a gray area also.

"Kasi ang cover, yung magazine, kapag nakahilera na ’yan sa mga newsstand, makikita kahit ng mga bata.

"Unlike ang artistic expression, siya, puwede mo siyang ilagay sa loob ng libro at kapag bumili ka ng libro, alam mong artistic expression ng mga taong gumagawa.

"It’s your choice to open this book and be exposed to these things."

Tanong ni Toni, saang panig si KC?

Sagot ni KC, "Ang side ko, personally, I’m not a smoker so I wouldn’t endorse a cigarette brand. I will declare that now.

"I wouldn’t pose on the cover of a magazine, but I’ll probably have my picture taken for a look or for a theme or for a concept.

"But I’ll be very, very careful kung saan siya ilalabas."

Nang si Boy na ang nagsalita, ito ang sinabi ng veteran host: "These are personal choices, mga kaibigan. Pero ikonteksto natin nang konti.

"Ang nagde-debate rito ay yung mga magazines at Philippine Medical Association.

"Una, I am not a smoker. I quit smoking in 2000. I used to be a chain smoker. I am encouraging people not to smoke.

"Ang pinag-uusapan po natin dito ay yung mga covers.

"Pero, ilalabas ko po ang aking pagiging Noranian and because I also love Anne Curtis, baka mahaluan doon sa aking paggiging isang tagahanga.

"First of all, yung apology... Sabi kasi ng Philippine Medical Association, all these magazines have to do is to issue an apology.

"Sino ba ang offended party rito? Okay, sino ba ang offended party rito?

"Sa aking palagay, hindi lamang ang organisasyon na Philippine Medical Association. Kung sinuman ang na-offend, dapat ay lumabas at magreklamo nang pormal kung meron man na na-offend.

ADVERTISEMENT - CONTINUE READING BELOW

"Pangalawa, ano ba ang sinasabi ng batas kung meron man? I’m not familiar with the law of the Tobacco Act. Kung ano ang sinasabi ng batas, sundin natin because we are law-abiding citizens."

Dugtong ni Boy, "Noong makita ko po ang YES! cover, sorry po, hindi ko napansin ang sigarilyo.

"I’m really sorry kasi hindi ko napansin ang sigarilyo.

"It is a mood. Prop yung sagirilyo.

"It is the Superstar, whose movie Himala was chosen by CNN as one of the best movies of the decade.

"It’s part of the mood, it’s part of the story. It’s really a story. Even yung kay Anne Curtis.

"What I’m saying is, hindi ko nakuha yung point na dahil may dalang sigarilyo si Anne... Remember, Anne posed in Paris..."

Singit naman ni KC, "But Tito Boy, even in Paris, where I lived for five years, noong nag-aaral ako do’n, during that time na nag-aaral ako sa Paris, pinagbawalan nila or dineclare nila yung smoking ban sa public.

"So, I remember, for three years, walang smoking ban nung nakatira ako do’n.

"In my last two and half years there, biglang nahihirapan ang mga tao, may outrage yung mga Parisian na talagang nahirapan kasi kultura naman sa kanila yun, Tito Boy.

"So, naging national issue siya. Kumbaga, para mong tinanggal sa atin yung lechon, or tinanggal mo sa atin yung, ano ba... lambanog.

"So, Anne Curtis and her Paris cover, I don’t know if that’s an issue. But in terms of smoking ban, sa Paris nagsimula ’yan also, sa aking knowledge of smoking ban."

Sa pagpapatuloy ni Boy, nilinaw nito, "Ako, ang sinasabi ko lang po, I don’t see any problem with the magazine cover.

"Patawad po kayo, pero sa akin, hindi gray area ito."

ADVERTISEMENT - CONTINUE READING BELOW

Tanong naman ni KC kay Boy, "Hindi ba siya parang billboard kasi nakikita ng mga bata when they go to the magazine?"

Sagot naman ni Boy, "Yes, that’s why you need parents to guide children.

"Ang sinasabi ko lang, kung ano ang sinasabi ng batas, sundin natin.

"Pero yung magazine, I agree with Jo-Ann Maglipon, it’s a creative call.

"From the bottom of my heart, when I saw the photo, ’Wow! Nora Aunor is back!’

"When I saw Anne Curtis, dahil po, hindi naman yung sigarilyo ang point of argument doon, it’s the story.

"Isang kuwento po yung mga covers na yun. At bahagi lamang ng kuwentong yun ay yung sigarilyong yun.

"Now, okay, I’ll give you an example. A movie star promoting a movie, nakitang may dalang baril. It’s perspective."

Sabi naman ni Charlene, "So, ibig sabihin hindi porke’t nagpo-portray ka ng role, ganoon din sila?"

"A, hindi," sagot ni Boy.

Dugtong pa ni Boy, "Alam n’yo po, ang nakaganda pa nito, patuloy nating pinag-uusapan ang mga bagay na ito, so that you teach your children.

"Kinakausap natin ang ating mga anak kung ano ang tama at mali. Kung ano ang paninigarilyo. Ano ang masama at hindi masama.

"Well, ako talaga, I believe that smoking is bad.

"But to bring it to the level of a cover of a magazine and to say na ang intent ng cover na ’yan ay parang humihikayat or makahikayat with the intention or without intention—to me, is a bit pushing it too much."

Tila bigla namang nagbago ang pananaw ni Toni na nagsabing, "Ako, Tito Boy, naniniwala ako na matalino na ang mga tao ngayon.

"Hindi dahil nakakita lang sila ng cover ng magazine na may sigarilyo, magsisigarilyo silang lahat.

"Choice nating lahat yun kung ano gusto natin sa baga natin."

ADVERTISEMENT - CONTINUE READING BELOW

Sabi naman ni Boy, "Pero alam mo, Kristina [KC], kung batas ang pinag-uusapan natin, habulin natin... Halimbawa, kung ang inyong pananaw, masama ito."

Ayon naman kay KC, "It was a legal opinion at huwag nating kalimutan na ang MMDA ay nagkaroon ng smoking ban sa buong Metro Manila.

"Kung ano ang inyong personal freedom of expression, meron din naman tayong freedom of expression dito sa Pilipinas."

Dugtong ni Boy, "Napakaganda po ng cover ni Ate Guy sa YES! magazine at si Anne Curtis po sa Rogue magazine.

"At tingnan n’yo po, ang sarap pag-usapan. Nagiging aware ang tao dito sa ating bansa. Intelligence and inspired choices are being made."

Ayon naman kay Charlene, "It’s a wake-up call also for parents.

"Magulang din ako, so, it’s a wake-up call also for me to make my children more aware sa ganitong sitwasyon. To teach them more and make them more aware and help them with their own choices."


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN