Sobra ang kaligayahan ng magkaibigan at co-stars sa 2011 Metro Manila Film Festivalo entry na Yesterday, Today, Tomorrow na Carla Abellana at Lovi Poe dahil nabigyan na sila ng sarili nilang star sa Walk Of Fame.
Ito ang proyekto ni German "Kuya Germs" Moreno sa Eastwood City Garden sa Libis, Quezon City, na ang 6th edition ay ginanap nuong Disyembre 1.
LOVI POE. Sabi ni Lovi, pareho na sila ng kanyang yumaong amang si Fernando Poe, Jr., na natural lamang ay mayroon nang star sa Walk of Fame.
Proud daw siya na hanggang sa lugar na iyon ay magkasama sila ng kanyang ama.
"Before kasi, kapag pumupunta ako rito, tinitingnan ko parati ang star ni dad.
"I always wish na magkaroon din ako para pareho na kami.
"I never realized na this early ay mabibigyan ako.
"Kaya salamat, Kuya Germs, for making one of my dreams come true."
CARLA ABELLANA. Para naman kay Carla Abellana, resulta raw ito ng kanyang sipag sa pagtatrabaho.
Siya ang gumanap ng lead role sa TV series na Rosalinda sa GMA-7.
Apo si Carla ng veteran actress na si Delia Razon, na may star din sa Walk of Fame.
"Ang saya-saya ko!
"Akala ko binibiro lang ako na may star ako dito sa Walk of Fame.
"Totoo na pala ito!" masayang kuwento ni Carla.
"My lola is so happy and so is my mom [Rea Reyes] and my dad [Rey 'PJ' Abellana].
"I am humbled by this gift.
"Yung pagpasok ko sa showbiz, kahit na may mga intriga every now and then, is worth it.
"I will forever cherish this moment."
SAM MILBY. Kakarating lang ni Sam Milby mula sa ibang bansa at kaagad siyang dumiretso sa Eastwood City para makasama ang mga celebrities na makikita ang kanilang star for the very first time.
Kitang-kita sa mukha ni Sam Milby ang sobrang kasayihan nang matunghayan niya ang star at ang kanyang pangalan sa Walk of Fame.
"I feel that I don't deserve this.
"This is something that you give to people who have achieved so much in their lifetime.
"Like the veteran stars that I see with me in this event.
"I am so thankful because this only proves that I am doing something right in my career.
"Kaya thank you, Kuya Germs, for being so supportive sa careers naming lahat."
ON KC AND PIOLO.Hiningan naman ng PEP.ph (Philippine Entertainment Portal) ng komento si Sam tungkol sa nangyaring hiwalayan ng mga kaibigang sina Piolo Pascual at KC Concepcion.
"I am sad about what I've heard and I am praying for both of them.
"I cannot comment on anything because I don't know the whole story.
"I only pray that they continue to ask God for guidance," sabi ni Sam.
IZA CALZADO. Si Iza Calzado naman ay masaya na may halong lungkot, dahil sumakabilang-buhay kamakailan lang ang kanyang ama, ang dancer-choreographer-TV director na si Lito Calzado.
Hindi na nito nakita ang pangalan ng kanyang anak sa Walk of Fame.
"Isa nga si daddy sa unang natuwa when he learned na magkakaroon na ako ng star sa Walk of Fame," sabi niya.
"If I can just turn back time at ma-extend pa ang buhay ni daddy, gagawin ko para lang makita niya kung gaano ako kasaya at meron na akong ganitong recognition.
"I owe this all to my late dad who really guided me, protected me, and gave me good advice sa aking personal at professional na buhay.
"I know, wherever he is, dad is smiling and saying 'Job well done, anak!'"
Hindi nakarating si Marvin Agustin dahil meron itong business meeting.
Si Rhian Ramos naman ay may out-of-town commitment.
Si Ai-Ai delas Alas ay nasa ospital dahil sa overfatigue.
Si Heart Evangelista naman ay nasa U.S. kasama si Senator Miriam Defensor-Santiago.