Apat na araw matapos boluntaryong iwan ni Geneva Cruz ang isla, nagpasya ang magkaibigang Jackie Forster at Angelicopter na mag-quit sa Survivor Philippines Celebrity Doubles Showdown.
Napuno ng tensyon ang Tribal Council dahil sa kabi-kabilang reklamo ng grupong kinabibilangan ng dalawa, ang Tala Tribe.
In the end, nagpasya sina Jackie at Angelicopter to leave the game.
Naging emosyonal naman si Jackie habang idinedepensa ang kanilang naging desisyon.
"Twenty years na ako sa industriya, hindi ako quitter! I'm quitting because it doesn't feel fair, it doesn't feel fair," ayon kay Jackie sa isang episode ng Survivor.
Sa mga social networking sites, umani ng sari-saring batikos ang ginawa ng dalawa.
Panghihinayan sa puwestong sana'y nailaan sa ibang celebrities ang isa sa kritisismong ibinabato sa mga ito.
At kahapon sa Startalk TX, live na nag-guest ang radio jock na si Angelicopter (Angelika Schmeing-Cruz sa totoong buhay), habang naka-phone patch naman mula sa Singapore si Jackie, ang mga sinasabing castaways-turned-outcasts.
Hindi ba sila nagsisisi na nag-quit sila, losing the chance of winning the three million pesos cash prize?
"No regrets sa decision namin," ang sabi ni Jackie.
"Yung three million pesos, nakakapanghinayan yung three million pesos, pero hindi iyon yung dahilan kung bakit kami sumali.
"Kanya-kanya kami ng dahilan e, ng rason kung bakit kami nandun.
"I wasn't there for the money.
"I was there to show the people who I am, who I really am.
"Because alam naman natin yung nakaraan ko, medyo makulay, di ba?
"And ano talaga ako e, hindi naman pala-away pero hindi ako nagpapa-apak, ayoko ng ganun.
"I realized that the more that I defend myself, the more people have something bad to say against me.
"So parang naisip ko na, okay. Ipakita ko naman sa mga tao kung sino talaga ako.
"Lalo na ngayon na apat na taon na akong nananahimik, iba na yung buhay ko ngayon, iba na, iba na yung Jackie na makikita nila, na iniisip nila dun sa mga bali-balita," ang mahabang pahayag ni Jackie over the phone.
NOT FOR THE MONEY. Ayon naman kay Angelicopter nang tanungin kung nagsisisi siya...
"For the three million [pesos], hindi. I mean siyempre madaming tao na sinasabi na saan mo pupulutin [yun] in one day?
"Just like what Jackie said, hindi kasi kami sumali for the money...
"Huwag naman masamain ng ibang tao, hindi naman namin sinasabing mayaman kami, na ayaw namin ng pera.
"Pero we really want to play the game and we wanna show kung paano puwedeng laruin yung game na hindi mo kailangan na maging masamang tao," ang sabi ni Angelicopter.
Quitters ang tawag sa kanila at maraming galit sa kanila sa Internet.
"Yeah kung iyon ang tingin sa amin ng tao, kasi iyon naman ang ginawa namin, that's fine," says Jackie.
"Pero there's a reason why people do what they do, and I stood for something.
"So you know sometimes, sometimes it's okay to say goodbye.
"If it's not the right thing for you...it's okay kasi hindi naman puwedeng paninindigan mo dahil lang sa prize, di ba? Dahil lang sa pera.
"Parang ano e, parang ginagawa mo, binebenta mo yung pagkatao mo kung labag na sa kalooban mo yung mga ginagawa mo," ani Jackie.
Sabi naman ni Angelicopter...
"Kung yung values mo and prinsipyo mo, hindi tugma dun sa ginagawa mo, bakit mo pa siya gagawin?
"So huwag mo na siyang ituloy and respect each other's decision na lang.
"Gusto naming ipakita kung paano puwedeng laruin yung game [in a] way na maayos, na hindi mo kailangang manapak ng ibang tao.
"Iyon tayong mga Pilipino e, iyon ang values natin na we truly love and imbibe. For me, at that point in time, that's the decision I had to make.
"Kasi kung magtatagal pa ako dun, baka mamaya mahawa ako dun sa masasamang damo, ayoko yun!" ani Angelicopter.
RESPECT, NOT FRIENDSHIP. Ano ba ang unresolved issues nilang dalawa sa ibang castaways?
"For me hindi ko naman pinapatulan or pinapansin kasi sanay na ako niyan," ang sagot ni Angelicopter.
"In radio, madami kaming nakukuha na critiques or batikos but directly dun sa mga castaways na natira.
"...Magrespetuhan tayo bilang tao sa tao, hindi bilang castaway sa castaway.
"Hindi naman natin kailangan na maging magkakaibigan sa huli.
"Bottomline, pumasok naman tayo dun hindi naman tayo lahat magkakaibigan, pero if you gain friends, that's a bonus," seryosong pahayag ni Angelicopter.
Parang they gained enemies dahil umano sa patutsada ng kabilang tribe.
"I honestly don't know," ayon kay Jackie.
"For me what's important is who my friends are...
"And I've been getting an outpour of support on Twitter sa mga taong hindi ko kilala, na bilib sila sa akin, na may pinaninidigan daw ako... so nakakataba ng puso.
"I don't...I mean iilan lang naman yung mga taong nagsasabi ng masama tungkol sa akin and that for me is enough.
"Even just one person who supports me, who is there for me, is already...you know.
"I've already defeated the bad people, the people who are saying bad things against me," sabi ni Jackie.
ON ALI PEEK. Natanong naman si Angelicopter tungkol kay Ali Peek dahil magkasama ang dalawa nung nabaril ang basketbolista. Nagkaroon ba sila ng relasyon?
"You mean romantic relationship? No. Wala talaga," ang sagot ni Angelicopter.
"Hindi talaga. Friends talaga."
How is Ali now?
"Ah, I heard he's better.
"Ang nalaman ko sa bandang huli—kasi I've been away from PBA courtside kasi naging busy ako the whole week—he's been able to watch the games na and hindi ko lang alam kung kailan siya maglalaro ulit."
MESSAGE TO FANS. Jackie's message to her critics and the Survivor viewers...
"Sa mga Survivor fans, I respect their opinions...[which are] based on the character that GMA has portrayed us to be.
"I respect their respect for the game and I respect the game.
"...Sinasabi ninyo sa amin na walang personalan, pero kayo yung namemersonal pag nagtu-tweet kayo sa amin.
"Medyo below the belt yung mga sinasabi ninyo na hindi na rin kasama sa laro.
"So sa akin sana, just sit back, you know, watch the show with an open heart and an open mind.
"When you watch the show, put yourselves in the castaways' position," ang sabi ni Jackie.
"Na yung ilang araw na walang kain, walang tulog, tsaka isipin ninyo kung ano yung mga hindi pinapakita.
"Maraming hindi pinapakita kasi, di ba?
"Parang ilang minuto lang [ang] pinapakita nila sa loob ng beinte kuwatro oras so hindi...they don't know what really goes on.
"Iyon, yun lang and have fun watching it because it is a fun game, it is a fun show."
Ang mensahe naman ni Angelicopter...
"Please continue supporting Survivor. Abangan ninyo, madami pang twists.
"Hindi ninyo alam baka mamaya bumalik pala kami ni Jackie di ba?" ang natatawa nitong sinabi.
"You'll never know.
"To the critics, sa mga nagtu-tweet, salamat sa lahat ng suporta na, you know, binibigay ninyo sa amin ni Jackie.
"Na you're saying na you understand our side, our principles and our values.
"And dun sa mga bumabatikos, okay lang. Naiintindihan naman namin kayo, we cannot please everybody."