Hindi kakaiba ang inaasahang pagdiriwang ng Pasko ni Alex Gonzaga.
"Masayang-masaya ang Pasko ko [this year] dahil masaya kami dito sa TV5!" bungad ni Alex sa PEP.ph (Philippine Entertainment Portal) noong tanghali ng December 7, bago magsimula ang taping niya at mga kasamang co-hosts ng programang Juicy!
Bukod dito, sabi rin ng young actress, "Masaya naman po ang pamilya. Wala naman pong maysakit. All is well. So, masaya tayo."
Paano nagse-celebrate si Alex at ang pamilya nila ng Christmas, bilang non-Catholic Christians?
"Methodist [kami], oo. Maganda rin ang Pasko namin," sabi niya.
"Magsisimba muna, tapos sa bahay magse-celebrate.
"Lagi, ini-invite namin yung both sides ng father and mother, sa bahay kami.
"Same pa rin po."
Bukas sa lahat ang tahanan ng mga Gonzaga sa Cainta, Rizal.
At natutuwa pang kuwento ni Alex, "Naku, sa bahay, mero'n kaming talking Santa Claus!
"Nagpabili ang mommy [Pinty] ko sa States! Oo, sumasayaw-sayaw siya!"
ON KEAN CIPRIANO. Kasalukuyang abala si Alex sa primetime drama series na P.S. I Love You, na isinasahimpapawid ng TV5 on weeknights pagkatapos ng Glamorosa.
"Hanggang next year pa po yun. For one season, three months," banggit niya.
Ang kapareha niya sa serye ay ang rocker/actor na si Kean Cipriano.
Bagamat na-link sila ni Kean, nilinaw ni Alex na wala silang relasyon ni Kean.
"Hindi, work lang talaga," paniniyak ng TV host-actress.
And how's working with the young actor?
"So far, so good naman.
"Hindi na lang kami gano'ng ka-close, pero ngayon, okay naman.
"Hindi kami nagkaroon ng relasyon, naging mas close lang kami.
"Tapos, dahil nga nagkaroon din kami ng misunderstanding before, so ngayon, parang bumabawi... gano'n.
"Alam mo naman..." at nangiti ang masayahing aktres.
PLANS? Isa si Alex sa stars na alagang-alaga ngayon ng Kapatid network.
Ano nga ba ang mga plano ng TV5 para sa kanya ngayong 2012?
"Hindi pa natin alam, pero so far, maganda naman yung ipinapakita sa akin," sabi ni Alex.
This year, naging tampok nga ang actress-TV host sa malalaking drama series, bilang pangunahing tauhan, tulad ng Babaeng Hampaslupa at P.S. I Love You.
Kaya maituturing siyang isa sa fast-rising young dramatic actreses sa kasalukuyang panahon.
"Wow! Salamat po!" natutuwang sambit ni Alex.
As to her contract with TV5, "Actually, wala po akong idea sa contract ko.
"Mommy ko po [ang may alam]. Pero may pinirmahan po akong contract. Pero hindi ko po talaga alam.
"As to TV5's plans... siyempre, wish ko na sana matuloy na yung movie.
"Although, kasi ngayon, dahil last month na ng year, medyo maghihintay na tayo sa susunod uli.
"And then, sana marami pang maging Kapatid na sumuporta, o dumagdag na Kapatid natin, di ba?
"Ang ganda-ganda ng station ID namin, di ba? Very star-studded!" pansin pa ni Alex.
"Lahat ng big stars, nando'n!"
Mula sa Superstar na si Nora Aunor, mga dramatic greats like Lorna Tolentino, Alice Dixson, Dina Bonnevie, hanggang sa Megastar na si Sharon Cuneta, na pinakabagong addition sa Kapatid station.
Nandun din si Willie Revillame, Aga Muhlach, at ang Comedy King na si Dolphy.
THE BOYFRIEND PROJECT? Sa kanyang showbiz career ay hinahayaan lang ni Alex na ang kanyang mommy ang dumiskarte.
Pero sa kanyang lovelife, may plano si Alex na tila tiyak na niya para sa sarili.
Hindi nagbibiro si Alex when she said these words:
"Plano na 'yan. Plano na 'yan," pag-ulit niya.
Wala pa naman daw siyang boyfriend ngayong darating na Pasko, pero may posibilidad na this holiday season at hanggang next year, may mababalita nang karelasyon si Alex.
"Wala, pero mero'n lang akong dini-date. Non-showbiz.
"Advice 'yan ng kapatid ko [Toni Gonzaga].
"Yes, target na natin 'yan, for next year!" masayang sambit ni Alex.