"Shock" ang dulot sa mga malalapit na kaibigan sa showbiz ni Tyron Perez sa biglaan niyang pagkamatay.
Si Tyron ay 26 years old.
Isa sa mga unang nag-react sa social networking site na Twitter ay si Nadine Samonte, na naging screen partner ng aktor noong nagsisimula pa lamang ang mga ito sa showbiz.
Ang post ni Nadine: "rip tyrone perez nakakashock naman... Anung daw nangyari?"
Inalala din ni Nadine, na isa na ngayong Kapatid star, ang iba pang batchmates nila ni Tyron sa Kapuso channel—ang Starstruck alumna na sina Sheena Halili, Jade Lopez, Christian Esteban, at Mark Herras.
Clueless talaga si Nadine sa mga nangyari base sa kanyang tweet kay Jade: "wala pa eh magtatanong ako balitaan tayo..."
Sunud-sunod din ang posts ni Cristine Reyes, na nasa set ng Reputasyon noong nakarating sa kanya ang balita.
"nang-iwan ka na naman sa ere bro! Andito kame! May plano pa tayo diba? Bakit??"
"RIP kapatid. Ang saya saya lang natin sa baha mo nila @jadehanzel at @chrisesteban24 sana tinawagan mo na lang kami kapatid :-("
Si Jade naman, nag-post ng "last dinner" picture nila nina Cristine at Christian, kasama si Tyron. Ang caption: "Miss ur laugh nd smile."
Aniya pa, "Bakit kapatid? @tyronperez ... hayyy. May plano pa tayo nila@yourqueenAAsays & @chrisesteban24 di ba? :-("
Heto naman ang mga tweets ni Christian:
"@yourqueenAAsays @tyronperez @jadehanzel. if I only knew brother. Thank you for making my heart smile evertime I saw you. Tears.."
"@yourqueenAAsays @tyronperez @jadehanzel. Love you brother. I will miss your "Yea man"
"@mysheenahalili @tyronperez @nadinesamonte@yourqueenAAsays @jadehanzel @MarkTheHerras wil alwys remember hm snging 'Like a rose'"
Ang mensahe naman ni Sheena Halili para sa kaibigan ay "i will miss you" at "sabi mo magrereunion tayo!"
Isa pang grupo ng celebrities ang nagpaabot ng kanilang pagkagulat at pakikiramay.
Sila ang nakasama ng 26-year-old actor sa Vigan, Ilocos Sur, kung saan naganap ang Traverse Ilocos Sur Challenge noong December 17.
Dapat sana ay magkikita-kita sila noong December 28, pero hindi raw sumipot si Tyron.
Ayon sa mga tweets ni Joseph "Bekimon" Persia, "Nagriring pa phone ni Tyron. Huhuhu Kaninang 2:11am [December 29], out of the blue, nagtxt sya sa akin sabi nya "Moveyahbody" then wala na sya reply"
"Moveyahbadey" ang pangalan ng grupong nakasama sa challenge. Kabilang dito sina Tyron, Jommy Teotico, Mickey Perz, Manuel Chua, Kiko Rustia, Cara Eriguel, Cai Cortez, Jef Gaitan, Jade Lopez, Lou Muñoz, Gee Ann Abraham, Jovic Susim, JC Cuadrado, at Bekimon na siyang nanalo sa challenge. (Makikita sila rito sa PEP Gallery coverage ng Ilocos Sur Adventure Zone.)
Inilarawan siya ni Jef sa Twitter bilang "sweet, quiet, and yet fun person to be with."
Ayon naman sa El Ultimo Particpante na si Jommy—na teammate ng nasawing aktor—ka-text pa raw niya ito nang madaling araw. Ang kanyang tweet: "2:11am sa akin sabi nya enjoy lang bro habang pwede pa"
Sa inisyal na imbestigasyon ng pulisya, mag-a-alas diyes daw nakita ang isang itim na Toyota Altis sa service road ng North Luzon Expressway, pero gabi na raw nung madiskubre na lulan nito ang wala nang buhay na si Tyron.