Arkin del Rosario of XLR8 to shoot international indie film, Mohammad at Abdulla

Is Arkin del Rosario leaving XLR8? The young singer-actor will not confirm or deny: "Meron nga po akong naririnig at nababasa sa mga dyaryo at Internet sites na iiwan ko raw ang XLR8. Dahil siguro sa mga solo projects na naka-line up sa akin...Sa ganyang mga bagay po, manager ko po ang bahalang magdesisyon diyan or Viva."


Si Arkin del Rosario ay miyembro ng grupong XLR8, isang sing and dance boy group na regular na napapanuod sa Party Pilipinas at sa Master Showman ni German Moreno sa GMA-7.

Nagkaroon ng pagkakataon na makapanayam si Arkin ng PEP.ph (Philippine Entertainment Portal) sa pamamagitan ng Facebook.

May kumakalat na balita na iiwan mo na raw ang grupong XLR8?

"Meron nga po akong naririnig at nababasa sa mga dyaryo at Internet sites na iiwan ko raw ang XLR8. Dahil siguro sa mga solo projects na naka-line up sa akin.

"Nag-start po yata nung nag-guest ako sa Untold Stories sa TV5, tapos sunod-sunod na po ang solo projects [ko].

"Sa ganyang mga bagay po, manager ko po ang bahalang magdesisyon dyan or Viva," sagot ni Arkin.

"Siyempre sila po ang may hawak ng career ko po at susunod lang po ako bilang artist kung ano man siguro yung ikabubuti ko.

"Sa mga blog sites sa Internet at newspapers, lumabas yung issue na iyon. Hindi ko po alam kung saan nila nakuha yung idea na iiwan ko yung grupo ko.

FANS. "Mahal ko [ang] XLR8 at alam po ng mga fans yan. [Merong] nalungkot nung narinig yung balita.

"Meron din [na] okay lang po. Mas gusto nila na solo raw ako.

"Pero hindi naman po nila ako bibigyan ng solo kung di pa po ako handa e."


Tinanong namin kung sino ang mga crush ni Arkin sa showbiz...

"Si Ms. Angel Locsin. Ultimate crush ko po siya," sagot ni Arkin.

"Nakasama ko na siya before sa Lobo. Sana magkita kami ulit ...dream come true kung magkakasama kami sa isang project di ba?

"Sa mga ka-age ko gusto ko rin si Louise Delos Reyes.

"Yung tungkol naman kay Kim Komatsu... sa amin na lang muna yun...

"So far, wala pa po akong dinedate na showbiz person. Siguro kung lalabas, grupo kaming lumalabas na magkakaibigan, para wala din pong isyu."

ADVERTISEMENT - CONTINUE READING BELOW

INDIE. May balitang gagawa raw siya ng indie film?

"Yes, may gagawin po akong indie film na ipapalabas din sa Indonesia. Mohammad at Abdulla po ang title.

"Makakasama ko po dito si TeeJay Marquez ng Tween Hearts bilang si Mohammad at gagampanan ko naman po ang role na Abdulla.

"Istorya po ito ng dalawang magkababata na mag-best friend," kwento ni Arkin.

"Lumaki sila nang sabay at karamay ang isa’t-isa sa lahat ng bagay. Basta maganda ang twist ng istorya nito saka may mapupulot na aral ang mga manonood.

"Kakaiba siya for me at challenging yung role ko dito.

"Kaya nagpapasalamat po ako sa tiwalang binigay sa akin ng producer namin...at ni Kuya Germs dahil isa po ako sa napili nilang gumanap dito sa project na ito."

Ayon kay Arkin ang mga hinahangaan niya sa industriya ay sina Dingdong Dantes, Dennis Trillo at Piolo Pascual.

"Kasi sobrang husay nila sa larangan ng pag-arte," aniya.

"Yun yung goal ko dito sa industry—maging mahusay na aktor at maging inspirasyon sa mga ibang tao."


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN