Kasama ang Kapamilya star na si Albie Casiño sa cast ng indie film na The Animals, isa sa mga entries sa 8th Cinemalaya na gaganapin mula July 20 hanggang 29.
Dito’y gaganap siya bilang si Jake. Makakasama niya rito ang dating Pinoy Big Brother:Teen Clash of 2010 housemate na si Patrick Sugui, na gaganap bilang si Alex, at ang model-actress na si Dawn Balagot na gaganap bilang si Trina.
Tinatalakay ng pelikula ang tipikal na buhay at pinagdadaanan ng mga kabataang nasa high school.
Nakapanayam ng PEP.ph (Philippine Entertainment Portal) at ilang entertainment press si Albie sa presscon ng Cinemalaya kaninang tanghali, June 28, sa Cultural Center of the Philippines sa Roxas Blvd., Pasay City.
Ikinuwento ng Star Magic talent sa PEP.ph ang karakter niya at ng dalawa pang bida ng pelikula.
“I will play the character of Jake... well, there are three major characters here—myself, Dawn Balagot, and Patrick Sugui.
“The movie is about the typical high school groups, I play the popular kid, the jock, ‘yong siga sa school.
“Patrick plays the role of a person who wants to be accepted. ‘Tapos si Dawn naman, she’s just looking for more in life.”
(CLICK HERE to read all about the entries in the 8th edition of Cinemalaya)
WILD PHASE. Base sa napanood na trailer ng indie film, makikitang medyo wild ang mga eksenang ginawa nila dito.
Si Albie ba ay dumaan din sa "wild" phase na ito?
"To an extent, yes," pag-amin ni Albie.
Ayon sa binata, pinagdaanan niya din ang mga ganitong pangyayari sa buhay.
“I think lahat naman sa high school dinaanan ‘yon, di ba?” natatawang sagot ng Kapamilya young actor.
“Going to parties, trying to be accepted, wanting more from life—lahat naman tayo pinagdaanan ‘yon, e.”
At ang natutunan niya mula sa mga pinagdaanan niyang ‘yon?
“I’m still learning now, I’m not that far [from that experience]. I just came from there, so ‘yon.”
NOT LEAVING SHOWBIZ. Hindi kaila sa lahat na matapos ang mga kontrobersiyang pinagdaanan ni Albie ay hindi na siya gaanong ka-visible sa telebisyon at pelikula.
Ang huling proyekto niya sa ABS-CBN ay ang Mara Clara (2010), habang sa pelikula naman ay ang Regal Entertainment film na Aswang (2011).
Gayunman, hindi naman tuluyang namaalam sa showbiz si Albie.
Abala lang daw siya sa kanyang unang taon sa pag-aaral ng kursong Export Management sa College of Saint Benilde.
“Hindi naman,” pagtanggi ni Albie nang tanungin kung na-discourage na ba siyang mag-artista.
“I wouldn’t get discouraged.
“It can happen, so it happened. I just learned from it, but it really does make you stronger.”
BRAWL AT A BAR. Samantala, kinumusta rin ng PEP kay Albie ang kanyang kalagayan matapos ang insidenteng naganap sa Fiamma Bar sa Jupiter St., Makati City.
Matatandaan na noong May 5, hindi naging maganda ang muling pagkikita ni Albie at ex-girlfriend niyang si Andi Eiganmann sa naturang bar.
Bukod kasi sa umano'y pananampal ng aktres sa kanya ay nabugbog din si Albie at may humampas ng bote sa kanyang ulo.
(CLICK HERE for related article.)
Ayon kay Albie, walang namang permanent damage na nangyari sa kanya dahil sa brawl na naganap sa naturang bar.
"I'm fine, nothing major... just a bunch of scratches."
Nang tanungin si Albie na magbigay ng update tungkol sa naturang insidente, sabi ng aktor na "no comment" na lang siya dahil pinagbawalan siya ng mga lawyers na magsalita tungkol dito.
Ayaw rin niyang magkomento tungkol sa plano nila noon na magsampa ng complaint tungkol sa nangyari.
Pero unti-unti ay pinatatawad na raw niya ang mga nanakit sa kanya.
“Almost, getting there, I’m trying to [forgive them].
“[I’m] not really galit, I don’t want to be angry with anyone.”
Gayunman, aminado ang Kapamilya actor na malaki ang naging epekto ng mga kontrobersiyang ito sa kanyang career.
Aniya, “Of course naman, imposible namang hindi.
“Wala naman [akong pinagsisisihan].
“What happened made me who I am today, so I’m happy naman.”
Nakatanggap ba siya ng apology mula sa mga tao na nambugbog sa kanya?
"Hindi, wala."
ON ANDI. Ayaw rin magkomento ni Albie sa anumang katanungan na may koneksiyon sa dating kasintahan na si Andi.
Ano ang plano niya tungkol kay Adrianna Gabrielle, ang sinasabing anak niya kay Andi?
"I can't talk about that," ani Albie.
Ayon sa batang aktor, wala na siyang communication kay Andi at sa kanyang pamilya.
May posibilidad ba na tumanggap siya ng proyekto kasama ang kanyang ex-girlfriend?
"It would be better if 'wag na lang," sagot niya.
Masaya naman daw si Albie na tahimik na ang lahat matapos ang ilang maiinit na palitan ng pahayag mula sa magkabilang kampo.
Pagkatapos dumaan sa maraming kontrobersiya sa kanyang murang edad, marami raw natutunan si Albie.
Nangunguna na doon ang “listen to your parents.”
Dagdag niya, “They’re just being typical parents, ‘tas ako naman ‘yong typical teenager na hindi nakikinig.”
Pero kahit pa sinabi ni Albie na hindi siya nakikinig noong mga panahon na iyon sa kanyang mga magulang, hindi naman siya hinayaan ng kanyang ina na harapin ang lahat ng iyon nang mag-isa.
Katunayan, sinasabi pa ng iba na tila hindi na tama ang paraan ng pagpoprotekta ng kanyang ina, dahil ito na ang halos humarap sa media imbes na si Albie.
Dinepensahan naman ng Kapamilya actor ang pamumunang iyon ng ilan.
Aniya, “She’s my mom, of course, she’s gonna protect me.
“If it’s up to me, I’d rather not say anything.
“But she’s my mom, she will not accept naman na walang nagbabantay sa akin, no one’s defending me.
"I guess she did it lang.”
TRAUMATIZED BY LOVE? Matapos ang naging paghihiwalay nila ni Andi ay naging tahimik din ang buhay pag-ibig ni Albie.
“Kalma lang” ang paglalarawan niya sa kanyang lovelife sa ngayon.
Wala rin naman daw kasi siyang dine-date sa ngayon at nakatuon ang atensiyon niya sa pag-aaral.
Pero nang tanungin kung nagka-trauma ba siya sa pag-ibig, “semi!” ang natatawang sagot ng binata.
(CLICK HERE to watch the video of Albie Casiño's interview.)