Pinoy pop group Down To Mars on their Korean exposure: “It was a very overwhelming experience."

Kasama ang bandang Down To Mars sa delegasyon ng Pilipinas sa International Exposition Yeosu Korea 2012. Isang "karangalan" daw ang mag-represent sa Pilipinas. Sabi ni Jeongwon, isang half-Pinoy/half-Korean DTM member: “At first, may kutob na ako na tatanggapin kami kahit papaano ng mga Koreans kasi alam ko na yung culture nila when it comes to foreign artists.”


Itinuturing ng Down To Mars, o DTM, na isang malaking oportunidad ang pagkakapili sa kanila na mag-perform sa International Exposition Yeosu Korea 2012.

Ang Down To Mars ay isa sa mga talents na ipinadala ng Department of Tourism para mag-perform sa cultural night ng festival.

Kasama ng DTM ang Ballet Philippines, University of Cebu Dance Company, at ang solo performers na sina Gian Magdangal at Kyla.

Nakilala ang bandang Down to Mars pagkatapos ng mahigit isang taon sa showbiz at makapag-release ng kauna-unahang album mula sa Polyeast Records.

Ang DTM ay regular na napapanood sa Party Pilipinas at iba pang shows ng GMA-7.

Sa isang palabas sa Cultural Center of the Philippines (CCP) noong July 20, nakita ng PEP.ph (Philippine Entertainment Portal) ang performance na gagawin ng Pinoy group sa Korea.

HOW IT WAS. Sa pamamagitan ng email ay nakausap ng PEP ang Down To Mars, at dito ay ikinuwento nila ang mga naging karanasan sa Korea.

Ang DTM ay binubuo nina Daisuke Hagihara, Kenji Chua, Yheen Valero, Sky Young, Jang Seung, Kiro Rivera, and Jeong Won.

Paumpisa ni Daisuke, “Sobrang saya ko dahil first time ko makapunta ng ibang bansa, at sa Korea pa.

“Isa sa pangarap ng banda namin yun na natupad.

“Sulit yung pinaghirapan namin na two months sa rehearsal dahil maganda yung naging outcome ng performance namin, at nagustuhan din kami ng mga Korean.

“Isang malaking karangalan sa amin na i-represent ang Pilipinas at hindi kami magsasawa na gawin yun para sa bansa na minahal at kinalakihan namin.”

Ang half-Filipino/half-Korean na si Jeongwon ang masasabing lumaki at nag-aral talaga sa bansang Korea.

Sabi ni Jeongwon, “It was a very overwhelming experience.

“I never thought in a million years that I, we, would be representing our country in a big event like the World Expo.

“At first, may kutob na ako na tatanggapin kami kahit papaano ng mga Koreans kasi alam ko na yung culture nila when it comes to foreign artists.

ADVERTISEMENT - CONTINUE READING BELOW

“Since 70 percent of the audience are Koreans and 30 percent are Filipinos...but it exceeded my expectations.

“Never kong malilimutan itong experience na ‘to. Lalo na yung pagiging game ng audience when I started speaking in their native tongue…

“And yung pakiki-party nila sa amin while [we were] performing—sobrang sarap ng feeling.”

NEW EXPERIENCES. Si Kiro naman, natatawa niyang sabi na lahat daw ng na-experience nila sa Korea ay bago.

“Pero I love the expo event. Maraming nadagdag sa kaalaman ko. I love the people of Korea and the food.

“Grabe. I love it kahit sobrang maanghang,” kuwento ni Kiro.

Isang dahilan din kung bakit napili ng Department of Tourism ang grupong Down To Mars ay ang kakaibang style nila bilang isang sing-and-dance group.

Ang datíng ng DTM ay P-Pop o Pinoy Pop, kaya’t ikinukumpara nila ang sarili sa K-Pop ng Korea at J-Pop ng Japan.

PINOY GROUP EXPOSED. Ano ang naging reception sa kanila doon?

Ayon kay Kenji, “Nagulat po kami. Kasi, hindi po namin ine-expect na ganoon po yung magiging reception sa buong Philippine delegation…

“And, of course, lalo na din po sa aming Down To Mars.

“Nakakatuwa how people cheered for us. Naririnig po talaga namin yung sigawan. Nakaka-overwhelm. Hindi ko po talaga ma-explain.”

Ang pinakabagong DTM na si Sky ang nagkuwento na inakala raw silang Korean citizens.

“Before and after the event, kapag naglalakad po kaming pito…

“Tinitingnan po kami ng mga tao especially ng mga Korean, then magpapa-picture po sila.

“Masaya nga po si Tita Geleen [Eugenio, DTM’s manager], e. Kasi, nare-recognize kami in a way.

“And buti nandiyan si Jeongwon para mai-translate yung mga sinasabi nila.

“Example po… Yung mga sinabi ng mga Korean girls na nag-uusap habang nagpapa-picture.

“Siyempre, clueless kami kung ano ang pinag-uusapan nila, e. Naintindihan ni Jeongwon yung sinabi.

ADVERTISEMENT - CONTINUE READING BELOW

“Then, ang sabi nila, ‘I think they came from an Idol group.’

“Usually po kasi, ang mga Super Junior, Big Bang ang tinatawag na Idol group.

“Nagulat po kami kasi with that. Nakita po talaga namin na may appeal din po ang grupo outside the Philippines.”

MEMORABLE BONDING. Isang araw lang halos ang naging free day nila para mamasyal at makapag-shopping.

Kuwento naman ni Jang, hindi nila makakalimutan ang pagpunta ng DTM, kasama ang manager na si Geleen, sa Namsan Tower o ang tinatawag na Seoul Tower.

Sabi ni Jang, “Aside from the performance, ang hindi ko malilimutan ay noong pumunta kami sa Namsan Tower.

“Tapos, may mga lockers lane doon wherein ila-lock mo yung something, like promises, doon sa place na yun.

“It’s below the Tower. So, kaming pito, kasama si Tita Geleen, we bought a lock with a key.

“Tapos merong heart na sinulatan namin, pinirmahan. Nakalagay—‘Down To Mars forever!’

"Nakapirma kami lahat doon, kasama si Tita Geleen. Tanda ng promise namin sa isa’t- isa na ni-lock namin sa locker’s lane.

“Tinapon namin yung susi para forever na naka-lock. Nakakatuwa kasi iisa kami ng mithiin at saksi ang Namsan Tower sa magiging future namin.

“May video yun at photos na ipo-post namin sa malapit na naming i-launch na Down to Mars website.”

UNFORGETABLE. Para naman kay Yheen, ang mai-represent ang bansa ang pinaka-hindi niya makakalimutan sa buong trip.

“Sa akin naman, yung mag-represent ng Philippines. Iba yun, e… iba talaga. Yun lang po.

“Sabi nga po ng staff from CCP, na talagang sa kanila kami sobrang thankful, pagkalapag namin ng Incheon Airport: ’Down To Mars, you are no longer Down to Mars, you are now in the Philippines.’”

Dalawang show ang ginawa ng Pinoy delegation sa cultural presentation—isa sa umaga o ang protocular show at isang gala performance sa gabi.

ADVERTISEMENT - CONTINUE READING BELOW

Ang original song na “Oh! Oh! Here We Are” ang kinanta ng DTM bilang simbolo raw na nandoon na nga ang Pilipinas.

Kinanta rin nila ang “My Everything” at “2012.”

Sa huli, nagsama-sama ang buong Pinoy delegation na nakasuot ng kamisa-de-chino at naka-bakya para sa finale.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN