(UPDATED) FIRST READ ON PEP: Did John Lloyd Cruz get a Mercedes Benz for Angelica Panganiban?

Si John Lloyd Cruz nga ba ang nagbigay kay Angelica Panganiban ng Mercedes Benz SLK na nasa kanyang Instagram? Kapansin-pansin na brand new ang sasakyang ito dahil sa 60.6 km odometer reading. Isa namang reliable source ang nagsabi sa PEP na kamakailan ay bumili ng ganito ring sasakyan si John Lloyd at dineliver ito sa kanyang tirahan noong nakaraang linggo. Iisa lang kayang Mercedes ang pinag-uusapan?


Noong August 28, nag-post si Angelica Panganiban ng isang photo collage sa kanyang Instagram account.

Makikita ang tatlong litrato: ang aktres habang nakaupo sa animo’y driver’s seat ng isang kotse, ang logo ng Mercedez Benz na nakaukit sa manibela, at ang digital instrument panel sa dashboard ng sasakyan.

Ayon sa ilang followers ni Angelica sa Instagram, isang Mercedes Benz SLK daw ang kotseng ito.

Kapansin-pansin din na bago pa lamang ang sasakyan dahil kita rin sa Instagram na 60.6 kilometers pa lang ang reading ng odometer nito.

Ayon sa comment ng Instagram user na si phoebeornotobe, "Galante ni JLC 5 mil benz delivered last week," na nangangahulugang regalo umano ito ng aktor na si John Lloyd Cruz kay Angelica.

Sinegundahan din ito ng isa pang Instagram user na si mitchblithe: "with matching chocolates and flowers inside the benz car.. sweet papa JL.."

Nakita rin kasi sa Instagram collage ni Angelica ang tatlong pulang rosas na nakalatag sa pulang wrapper.

A GIFT FROM JOHN LLOYD? Ayon sa isang anonymous at reliable source na nag-tip sa PEP (Philippine Entertainment Portal), tama ang konklusyon ng mga Instagram fans ni Angelica at John Lloyd.

Sinabi ng PEP source na ang white Mercedes Benz SLK350 ay regalo nga kay Angelica ng kanyang rumored suitor na si John Lloyd.

Sa nakalap pang impormasyon ng PEP, ilang buwan na raw ang nakararaan mula nang in-order ni John Lloyd ang sasakyan sa Mercedez Benz EDSA showroom.

Binayaran daw ng Kapamilya actor ang halaga nitong P5.1 million in cash.

Two Sundays ago raw nang mai-deliver kay John Lloyd ang biniling Mercedes Benz.

Ayon pa sa PEP source, ni-request daw ng aktor na idaan muna sa tahanan niya sa Valle Verde ang biniling sasakyan bago ipahatid sa bahay ni Angelica.

Si John Lloyd din daw mismo ang nag-inspect sa kotse at naglagay ng bulaklak at chocolates.

ADVERTISEMENT - CONTINUE READING BELOW

Sinubukang alamin ng PEP mula kina John Lloyd at Angelica, sa pamamagitan ng kani-kanilang handlers sa Star Magic, kung totoo ang balitang ito.

Sa ngayon ay hinihintay pa ang sagot mula sa kanila.

SOLD MINI COOPER. Samantala, matatandaang niregaluhan din noon ni Derek Ramsay ng kotse si Angelica—isang Mini Cooper, na pinangalanan nilang “Baby James Cooper.”

Matapos kumpirmahin ni Derek sa publiko na naghiwalay na sila ni Angelica nitong Mayo, nakumpirma naman ng PEP mula sa isang mapagkakatiwalaan source na ibinenta na ni Angelica ang Mini Cooper sa mas mababang halaga.

(Lumabas ito sa PEP Alerts noong Agosto.)

Si Derek ay naging nobyo ni Angelica sa loob ng anim na taon.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN