Bea Binene and Jake Vargas topbill GMA-7’s new morning drama series Angelina del Cielo

Kasama si Bea Binene sa hinirang bilang Philippine ambassadors ng Plan International para sa “Because I Am A Girl” campaign. Ayon sa Kapuso tween star, “Karamihan po kasi ng inaabuso at hindi nabibigyan ng karapatan in society ay ang mga babae. Gusto naming labanan ang mga pinagdaraanan nilang physical and social abuse, human-trafficking, child labour at early pregnancy. Kami ni Barbie ang magiging role models nila.


Matutuloy na ang balik-tambalan nina Bea Binene at Jake Vargas.

Sila ang bida sa bubuksang morning drama series ng GMA-7 na pinamagatang Angelina del Cielo.

Ito ay pagkatapos maitambal si Bea kay Kristoffer Martin sa ikalawang yugto ng primetime series na Luna Blanca.

Huling nagsama sina Bea at Jake sa GMA telefantasya na Alice Bungisngis and Her Wonder Walis.


Ano ang masasabi ni Bea sa muli nilang pagsasama ni Jake sa isang proyekto?

Aniya, “Siyempre po, very happy ako na muli kaming magkakasama ni Jake—buo na naman po ang JaBea loveteam namin.

“Nasabi na po nila ang project sa amin kaya excited na kaming dalawa na magsimulang mag-taping.

“Magkakaroon pa muna kami ng story conference para malaman namin kung sino ang makakasama namin sa show.”

Nakapanayam ng PEP.ph (Philippine Entertainment Portal) si Bea sa press launch ng Plan International last September 6 sa Sulo Hotel.

Sa panayam, sinabi ni Bea na hindi naman totally nawala ang JaBea tandem.

Nagkakasama pa rin naman daw sila tuwing Sunday sa Party Pilipinas.

Saad ni Bea, “Noong Luna Blanca lang naman kami nagkahiwalay ni Jake.

“Paminsan-minsan naman ay magkasama pa rin kami sa mga regional shows ng GMA-7.

“Kelan lang nga ay nagkasama kami sa Maynila.

“Minsan din ay nagge-guest ako sa Walang Tulugan with the Master Showman noong mag-promote ako ng album ko.”

Nasa bagong season ng Pepito Manaloto si Jake, at balitang hindi na kasama sa show ang partner niya rito na si Lexi Fernandez.

Magge-guest ba si Bea na kasama si Jake sa Pepito Manaloto?

Sabi ni Bea, “Hindi ko po alam. Pero kung gusto nila akong mag-guest, wala pong problema sa akin.”



MUSIC ALBUM. Bukod sa TV shows, nakagawa na rin si Bea ng isang music album.

Maganda ang reported sales ng Hey, It’s Me, Bea under PolyEast Records.

ADVERTISEMENT - CONTINUE READING BELOW

Ang carrier single niya ay ang revival ng 1987 hit single ni Regine Velasquez na “Urong-Sulong.”

Ibinalita rin ni Bea na ire-repackage ang album niya dahil isasama roon ang music video niyang “Urong-Sulong.”

Ayon kay Bea, “Happy po kaming lahat sa outcome ng album.

"Heto nga po at isasama na ang music video ko ng “Urong-Sulong” sa pag-repackage ng album.

“Tuloy din po ang mga mall shows ko for the promotion of the album.

“And ako rin po ang celebrity guest VJ [video jockey] ng MYX para sa month of September.

“Super nagpapasalamat ako sa mga sumuporta po sa album ko—isa ito sa mga wishes ko na nagtupad na,” ngiti pa niya.



PLAN PHILIPPINES AMBASSADORS. Napag-usapan din ang pagkuha kina Bea at Barbie Forteza bilang Philippine ambassadors ng Plan International para sa “Because I Am A Girl” campaign.

Ang global ambassador ng Plan International ay ang Bollywood actress na si Freida Pinto na nakilala sa pelikulang Slumdog Millionaire.

Sa Pilipinas, kabilang sina Bea at Berbie sa tutulong sa paglaban sa gender inequality, pag-promote ng karapatan ng mga batang babae, at layuning iahon ang milyun-milyong mga batang babae mula sa kahirapan.

Sabi ni Bea, “Maganda po ang campaign ng Plan International, lalo na para sa mga kaedad naming mga babae.

“Karamihan po kasi ng inaabuso at hindi nabibigyan ng karapatan in society ay ang mga babae.

“Gusto naming labanan ang mga pinagdaraanan nilang physical and social abuse, human trafficking, child labor, at early pregnancy.

“Kami ni Barbie ang magiging role models nila.

“Gusto naming maging maingat at maging maganda ang buhay ng kababaihan ngayon, hindi lang sa bansa natin kundi sa buong mundo.”



BEA’S FOUNDATION. Hindi na bago para kay Bea ang tumulong sa maraming tao, lalo na ang kabataan, dahil meron siyang Bea Cares Foundation.

Every year, sa pamamagitan ng kanyang foundation, tumutulong daw sila sa mga batang may cancer.

ADVERTISEMENT - CONTINUE READING BELOW

“Every year kapag birthday ko, imbes na magkaroon ako ng malaking party, I spend it na lang with these kids.

“Mas kailangan kasi nila ang tulong nating lahat. Kailangan nila ng panggastos sa gamot, pagkain, at sa iba pang importanteng bagay.

“Hindi lang tuwing birthday ko, but even tuwing Pasko at kapag may nangyayaring mga sakuna.

“Tumutulong ako sa mga relief operations especially sa Operation Bayanihan ng GMA Kapuso Foundation.

“That’s why kami ni Barbie, we are proud to be part of Plan International’s ’Because I Am A Girl’ campaign bilang mga ambassadors nila.

“Our participation in the campaign is a testament to our continuous commitment to champion the issues that affect children and youth like us,” saad ni Bea.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN