PEPTalk. Xyriel Manabat nudges Zaijian Jaranilla to reveal crush: "Tutal nag-trend na siya, e.”

Sina Zaijian Jaranilla at Xyriel Manabat ang unang child stars na naging guests sa PEPTalk. Sanay na sanay ang dalawa sa pagsagot, at natural sa kanila ang magpatawa.


Hindi maitatangging sina Zaijian Jaranilla at Xyriel Manabat ang dalawa sa pinakasikat na child stars ngayon ng ABS-CBN.

Patunay diyan ang top-rating drama series na pinagbidahan nila—ang May Bukas Pa at Noah ni Zaijian at 100 Days to Heaven ni Xyriel.

At ang isa pang patunay: napakabibo nila!

Nasaksihan ito ng PEP.ph (Philippine Entertainment Portal) noong bumisita ang dalawa sa set ng PEPTalk noong November 16.

Sa unang bahagi ng interview ng PEP lead correspondent na si Nerisa Almo at ang kanyang guest co-host na si Bong Godinez, ang unang naging topic ay ang movie project ng dalawa para sa 20th anniversary ng Star Magic, ang 24/7 In Love, kung saan makakasama nila si Piolo Pascual.

ZAIJIAN: “Ako po dito si, ako po dito sa 24/7 In Love si Pipo. Ay! Tama, si Pipo—”

XYRIEL: “Jomar!”

ZAIJIAN: “Jomar pala. Sorry, sorry, nakalimutan ko. Ako po si Jomar tapos kaibigan ko po si kuya Piolo at nagkagusto po ako kay Xyriel.

"Tapos ‘yon, anak po kasi siya ng isang kusinera tapos.

"May gusto ako sa kanya tapos e ilang beses ko na siya nililigawan e ayaw niya sa ‘kin, masungit siya sa ‘kin...

"Tapos po, nagpatulong ako kay kuya Piolo para ligawan siya, tapos akala ni Xyriel, akala ni Xyriel—”

XYRIEL: “Ikuwento mo na yung buong istorya!”

Umani ng tawa ang hirit ni Xyriel, na inilarawan din ang kanyang karakter sa pelikula.

XYRIEL: “Ako po dito si Ayie. Ang gusto ko po dito, si kuya Piolo.”

NERI: “So, parang love triangle pala ito?”

ZAIJIAN and XYRIEL: “Opo.”

BONG: “Kamusta ang pakikipagtrabaho ulit kay PJ, kay Piolo?”

XYRIEL: “Masaya po, ayun po, nagkukulitan po kami sa set... O, ikaw naman!”

NERI: “Pero ikaw [Zaijian], mas madalas mong nakatrabaho si Piolo. Kamusta ngayong nagkasama ulit kayo?”

ZAIJIAN: “Okay naman po, lalo pa po kami naging close at hindi na po ako naaano sa kanya, nahihiya.”

ADVERTISEMENT - CONTINUE READING BELOW

NERI: “‘Di ba Xyriel and Zaijian, nagsama na rin kayo before?”

ZAIJIAN and XYRIEL: “Opo.”

NERI: “Ano yung project?”

XYRIEL:May Bukas Pa, una.”

NERI: “Nag-guest ka?”

ZAIJIAN:Noah, Noah rin po tapos may movie rin po, yun Pak! Pak! My Dr. Kwak!

XYRIEL:Pak! Pak! po…”

NERI: “Hindi kaya sa dalas ng pagsasama niyo, magkaroon kayo ng crush sa isa’t isa?”

ZAIJIAN: “Naging best friend lang din.”

XYRIEL: “Hindi po, iba crush niya, e.”

CRUSHES. Dito na nagsimula ang tuksuhan tungkol sa kani-kanilang crushes.

ZAIJIAN: “Iba po crush ko, iba po crush niya [Xyriel].”

NERI: “A, so sino yung mga crush niyo? Celebrity crushes!”

XYRIEL: “Ayieeeee! (kinilig para kay Zaijian) Ikaw [Zaijian], muna!”

ZAIJIAN: “Ba’t ako? Ilang beses ko na sinabi, e.”

XYRIEL: “O, ikaw muna!”

ZAIJIAN: “Secret! ‘Di mo pa kilala crush ko! Secret.”

XYRIEL: “E, kilala na nga, e. Ako po yung schoolmate ko, siya [Zaijian] po, singer.”

BONG: “So, di natin pwede sabihin yung pangalan?”

XYRIEL: “Pwede po.”

ZAIJIAN: “Ba’t pwede? Bawal yun!”

XYRIEL: “Pwede no!”

ZAIJIAN: “Bawal yun baka mapagalitan ka.”

NERI: “O, sino nga?”

XYRIEL: “Ayieeeeeee….”

NERI: “Kinikilig na si Zaijian!”

XYRIEL: “Namumula! (sabay tawa)”

NERI: “Alam ba ng crush mo na crush mo siya?”

ZAIJIAN: “Opo.”

XYRIEL: “Nag-trending na nga po sa Twitter, e!”

ZAIJIAN: “Naks, alam na alam, a!”

XYRIEL: “O baket? Nabasa ko pa nga, e.”

ZAIJIAN: “Ano ka? Fans?”

XYRIEL: “Hindi.”

NERI: “Ah, so Zaijian, sino yung crush mo?”

XYRIEL: “Ayiiieeee…”

ZAIJIAN: “Kulit nito [Xyriel] o! Kulit nito!”

NERI: “Sige na! Sino? Tutal nag-trend na siya, e.”

ZAIJIAN: “‘To [Xyriel] kasi e sinabing puwede pa, e.”

Sinisisi ni Zaijian ang kapareha dahil sinabi ni Xyriel na puwedeng sabihin ang crush.


XYRIEL: “Oh, ano? Five, four…”

NERI: “Three… two…”

ZAIJIAN: “Siya [Xyriel] muna! Siya muna!”

XYRIEL: “O, ako muna. Schoolmate ko po, si Sonny.”

ADVERTISEMENT - CONTINUE READING BELOW

NERI: “Oh, see? Ikaw [Zaijian] naman!”

ZAIJIAN: “Schoolmate ko rin po, si Aria Clemente.”

BONG: “Itanong natin kung ano yung nagustuhan niyo sa kanila? Bakit niyo sila naging crush?”

XYRIEL: “‘Di ba po yung crush daw po paghanga?”

BONG: “Oo naman.”

NERI: “Ano yung hinangaan niyo sa kanila?”

XYRIEL: “E, matalino siya, e. Ito [Zaijian] naman, maganda naman. Ayiiiieeee…”

NERI: “Pero sa mga susunod na projects, sinu-sino ang mga gusto niyong makasama?”

XYRIEL: “Ako po ‘yung idol ko pong artista, si Judy Ann Santos po, tsaka po Enchong Dee, tsaka po si Sarah Geronimo.”

BONG: “E, si Zaijian?”

ZAIJIAN: “Gusto ko pong makasama yung mga magagaling na artista katula po ni ano... ni Diamond Star [Maricel Soriano], Superstar [Nora Aunor], tapos Star For All Seasons [Vilma Santos], Megastar [Sharon Cuneta], ‘yon!”

BONG: “Puro may star!”

ZAIJIAN: “Opo, ‘yon. Siyempre may star, lahat sila makinang.”

NERI: “Okay, puputulin muna natin ang interview, sa susunod, sa pagbabalik ng PEP Talk pag-uusapan natin ang origin ng—kung pano sila nagsimula sa showbiz.”

Sinadya ng PEP na gawing mas maikli ang segments para hindi mapagod ang dalawa. Kung nabitin kayo sa kulitan nina Zaijian at Xyriel, abangan next week ang susunod na bahagi ng aming interview.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN