Mula sa pagiging StarStruck Avenger, isa nang Kapamilya ngayon ang Mercator talent na si Ian Batherson.
Kay Ian naman namin nalaman na siya mismo ang nagpa-release sa Kapuso network, ang orihinal network niya pagkatapos ng StarStruck V.
Nakausap ng PEP.ph (Philippine Entertainment Portal) si Ian sa launching ng mga endorsers ng Blue Water Day Spa sa Edsa Plaza Hotel noong Martes, February 19.
Bakit siya nagpa-release sa GMA-7?
Paliwanag ni Ian, “Pangarap ko talaga na maging Kapamilya.
“Even when I was in GMA, I was always like Dos. Dos talaga ang gusto ko.
“TFC [The Filipino Channel] subscriber kasi ako sa States and as a fan, I’m a certified Kapamilya.
“As a fan, ha? I don’t want to call myself as Kapamilya yet.
“But as a fan, I’m a certified Kapamilya. Lalo na with my brother and my mom.”
Pero inamin ni Ian na hindi pa tapos ang kontrata niya sa Kapuso network.
“Pero, parang sinadya ko talaga to get out.
"I just told them na, ‘Guys, it’s been walong buwan… wala pa kong work. Kung wala akong work, magpapa-release na lang ako.’”
RARE ASSIGNMENTS. Dapat daw, may show siyang gagawin noon sa GMA-7, ang Tween Hearts, pero nasa U.S.A, daw siya noon kaya hindi siya nakasama.
Pero, nakasama rin naman siya sa teleserye na Sisid.
Totoo bang may “attitude problem” si Ian kaya hindi siya masyadong nabibigyan ng project?
Sagot ni Ian, “Well, this is my attitude, 24/7.
“Baka kasi I have American blood and they thought, mayabang o ano.
“I’m medyo blunt because I can’t be the guy na, ‘Ay, sorry Ate…’
“I’m just myself. You know me naman, I’m not the mean guy—it’s in the eye of be beholder… it’s their perception.
“Actually, I don’t wanna say anything na. Now, I’m looking forward.
“Nagpapasalamat na lang talaga ako sa GMA, they launched me.
“They gave me who I am, they gave me endorsement, they gave me StarStruck.
“So, wala naman akong grudge against them.
“Wala naman akong masamang pakiramdam tungkol sa kanila, but it’s like I’m getting work and I have to be professional.
“Professionals have to get work.
"It’s not naman the money factor. It’s about the work talaga. I want to get better with my craft.
“Paano kong gagawin yun if I don’t have work? Ganoon talaga.”
IMPATIENT. Noong nasa GMA-7 pa siya, naitanong ba niya ang sarili na baka nagiging impatient lang siya o nagmamadali lang siya?
Sabi ni Ian, “Yes, I’ve questioned myself that many times.
“Parang yun ang pinakamalaking problema ng artista, being patient, waiting for the project.
“Kasi minsan, I’m not gonna lie naman na I get a little bit useless.
“But as long as you’re a humble person and you keep the faith, things will come out.
“Kasi, my career is, dahan-dahan lang talaga. I’m nowhere half of my career.
“But from reality show, commercials, parang I’m enjoying everything.
“Ayoko rin naman na sa top agad. I wanna work.”
Sa ngayon, may ginagawa raw siyang teleserye sa ABS-CBN, ang Little Champ. Kasama rin daw siya sa pelikulang Kung-Fu Divas.
Kailan lang ay pumirma na siya sa ABS-CBN, at nakakausap na raw ni Ian si Direk Lauren Dyogi noon pa.
Naghihintay lang kung kailan siya magkakaroon ng proyekto sa unit nito.
Ayon kay Ian, “It should be pretty soon. Kasi, nag-usap kami ni Direk Lauren, ang tagal na, mga six months na.
“Sabi niya, ‘Are you willing to work with us? Sabi ko, ‘Oo naman, willing naman ako to work with you guys.’
“And then, he said, ‘Sige, maintain your body and we’ll talk within the New Year.’
“Kasi, kaka-promote lang niya. Congratulations to him, by the way.”
ENDORSER. Ngayon, isa si Ian sa mga endorser ng Blue Water Day Spa.
Noong una raw, kinuha lang siya para mag-modelo sa photo shoot ng naturang spa hanggang sa kinuha nga siyang endorser.
Masaya si Ian kasi mahilig daw talaga siyang magpa-masahe.
Aniya, “That’s my saving grace. Kahit sa US, pati facial, all the time.
“Kasi, kailangan, e. All the grease, all the dirts in your face, you really need to take it out of your face.”
May iba pa siya paraan para mag-de-stress?
“I go to Bicol to unwind. At least, sa weekend, kasi may house kami doon, Sa may CamSur.
“Also, I hang out with my friends—watching movies is always best.
“Just unwinding at home and enjoying the house because I’m barely home.”