Senate President Juan Ponce Enrile is campaigning for his son Jack Enrile, who is running for a senatorial seat, under the United Nationalist Alliance (UNA). Senator Jinggoy Estrada, son of former President Joseph Ejercito Estrada, is said to be running as vice-president alongside current Vice President Jejomar Binay for the 2016 elections. While Senator Bong Revilla Jr. is rumored of having plans to run for presidency.
Sinabi ng Commission on Audit (COA) na tila nabiktima sina Senate President Juan Ponce Enrile, Senator Jinggoy Estrada, Senator Ramon "Bong" Revilla Jr., at former Buhay Representative Rene Velarde ng isang hindi lehitimong non-government organization.
Ayon sa report ng rappler.com kahapon, Pebrero 27, napunta raw sa Pangkabuhayan Foundation Inc., isang non-government organization (NGO), ang Priority Development and Assistance Fund (PDAF) o pork barrel ng apat na pulitiko.
Ayon sa COA, ang report ay base sa disbursements na ipinasa sa kanila noong 2009 hanggang 2010.
Sabi sa report ng COA, “The Offices of Senators Juan Ponce Enrile, Jinggoy Estrada, Ramon Revilla and Congressman Rene Velarde all nominated Pangkabuhayan Foundation, Inc. [PFI] to implement their projects.”
Ayon pa sa report, nag-allocate ng kabuuang halaga na P206 million sina Enrile, Estrada, Revilla, at Velarde sa Department of Agriculture (DA).
Si Enrile ay naglabas daw ng 74.69 million pesos; 106.7 million pesos naman mula kay Senator Estrada; 9.7 million pesos mula kay Senator Revilla; at 3.88 million naman ang galing kay Representative Velarde.
Sa halagang ito, naglabas ang DA ng P201 million sa ZNAC Rubber Estate Corp (ZREC), na nagbigay naman ng P195 million sa Pangkabuhayan Foundation Inc.—na siyang final recipient.
Ayon sa Philippine Daily Inquirer, ang ZREC ay isang government-owned and controlled corporation (GOCC) na matatagpuan sa Tampilisan, Zamboanga del Norte.
Nais na raw itong ipa-abolish ni Cagayan de Oro Representative Rufus Rodriguez noong 2010 dahil kabilang ito sa listahan ng 36 na kumpanyang “underperforming.”
NOT LEGIT. Inisa-isa rin ng COA ang dahilan kung bakit kaduda-duda ang Pangkabuhayan Foundation Inc.
Una na rito ang “fake documents.”
Inirekomenda na noong COA sa ZREC na sabihan ang PFI na mag-refund ng 162 million dahil sa “fabricated documents and forged signatures” sa liquidation na ipinasa nito.
Kasama pa rito ang limang iba’t ibang tax identification numbers (TIN), na nakita sa mga dokumentong ipinapasa nila sa ilang government agencies.
Ang Tax Identification Number o TIN na nasa certificate of incorporation na ipinasa nila sa Security and Exchange Commission ay 006-728-526; habang ang nasa general information sheet na kanilang ipinasa sa kaparehong ahensiya ay 229-081-506.
Ang mga impormasyong ito, ayon sa COA, ay nagpapahiwatig na “the validity and accuracy of the documents submitted by PFI were doubtful which also put to question its legal personality.”
Bukod pa sa mga ito, ayon sa report ng Manila Times kahapon, Pebrero 27, tanging government organizations lamang ang nagpapatakbo sa Pangkabuhayan Foundation, Inc.
Ayon pa sa pagre-review ng COA, noong 2007 ay umabot na raw sa 5.6 million pesos ang assets ng PFI na walang naitalang liabilities.
Ayon sa COA, “Total receipts and disbursements for CY 2007 amounted to P48,000,000 and P43,000,000, respectively, thus excess of receipts over disbursements amounted to P5,000,000.”
Pero ang ipinagtataka ng COA, ganito rin ang kanilang inilagay sa records na ipinasa nila noong 2008.
Kaya naman ang konklusyon nila, “The 2007 and 2008 statements were the same. However, the audit certificates for both years were signed by different independent certified public accountants.”
Nagduda rin ang ahensiya sa address ng organisasyon kung saan sinabi ng PFI na ang kanilang office address ay: No. 31 Ignacio Avenue, North Susana Executive Village, Matandang Balara, Quezon City.
Ngunit ngayon, ito’y nasa No. 050 D&E Building Roces Avenue corner Quezon Avenue, Quezon City.
Kaya naman inirekomenda ng COA na kailangan masabihan sina Sentaor Enrile, Estrada, at Revilla na: “PFI should no longer be granted any fund assistance and have it blacklisted.”
Kaugnay pa rin nito, sinabi rin ng government auditors na ang tax records at financial statements na ipinasa ng PFI ay nagpapatunay na hindi nito kayang magsagawa ng mga proyekto ng gobyerno.
“FPI was not qualified for the entitlement of the government funds even if it was nominated by Senators Enrile, Estrada, Revilla and Congressman Velarde to implement the programs as stated in the memorandum of agreements entered into by and between the ZREC and PFI.”
NO COMMENT. Samantala, sinubukan namang hingan ng pahayag sina Enrile, Estrada, at Revilla kaugnay ng isyung ito.
Sinabi ni Senate President Enrile, sa pamamagitan ng mensaheng ipinadala ng kanyang media staff, “I cannot make a statement. I will have to check records and facts. This is the first time I heard about ZNAC Rubber Corp. and Pangkabuhayan Foundation Inc.”
Kapwa naman ayaw magbigay ng komento ng tatlong senador hanggang hindi pa raw nila na-check ang kanilang records.
Pero sinabi ni Senator Jinggoy na ang Pangkabuhayan Foundation Inc. ay rekomendado ng Department of Agriculture.
Dagdag pa niya, “Our function is only to identify projects. The funds never passed through us. That’s the case for all of us senators.”
Pero base sa mga detalyeng inilabas ng COA, maaari ngang hindi lehitimong organisasyon ang PFI.
Kaya naman sabi ng senador, “Now, I want to join the investigation… I want to know where the people’s money went.”