Part 1. Jericho Rosales on popularity in Asian and African countries: "It’s really nice, ibang klaseng pakiramdam, e."

"What’s best about it is ano, e… parang nabi-bridge mo yung mga kultura ng iba’t ibang bansa. Natuto sila sa kultura natin kung ano tayo, di ba, because of the show. Ibang klase ang pagmamahal na ibinibigay nila," pahayag ni Jericho Rosales tungkol sa pagtanggap ng mga tagahanga niya mula sa iba’t ibang panig ng mundo.


Ilang oras bago lumipad patungong Cambodia si Jericho Rosales last Tuesday, March 5, ay naabutan siya ng PEP.ph (Philippine Entertainment Portal) at Ang Latest ng TV5 sa Ninoy Aquino International Airport (NAIA) Terminal 1.

Masaya niyang ibinalita na nakatakda siyang magkaroon ng fans day sa nasabing bansa. Ito ay bahagi ng 10th anniversary celebration ng Jeepney TV, isang Filipino cable channel sa Cambodia.

Saad ni Jericho, “Ngayon, pupunta lang ako ng Cambodia kasi I was invited by a TV station for their tenth anniversary.

“Kasi may gagawin silang concert dun, I’m gonna sing.

“Then my fans day… may fans day ako dun kasi yung show namin na Pangako Sa ‘Yo, lumabas sa Cambodia.

“So nagkaroon kami ni Kristine [Hermosa] ng fanbase dun sa Cambodia. Parang sa Malaysia din.”



SOUTHEAST ASIAN SUPERSTAR. Ano naman kaya ang masasabi niya na unti-unti na siyang nakikilala bilang “Pinoy Southeast Asian Superstar”?

Natatawang sabi ni Jericho, “Thank you. Okay naman kasi parang I’m very surprised.

“Saka halos di ako makapaniwala na… kasi yung shoot namin, yung Pangako Sa ‘Yo, ang daming…

“Una sa lahat, ang tagal na niyan, di ba?”

Noong 2000 pa ipinalabas sa Pilipinas ang primetime series na ito ng ABS-CBN kaya halos 13 years na ang nakalilipas.

Dagdag ng Kapamilya actor, “Tapos, umabot siya sa Africa, so nakapunta ako ng Africa because of that.

“Then Cambodia, Malaysia, China…

“Minsan, may mga nagpapa-picture sa aking mga Chinese na lalaki.

“Sabi sa akin, sabi nila, ‘Kasi yung asawa namin nanonood sa ‘yo, e.’

“Mga ganun, so dami na… pati Singapore."

Kuwento pa ng aktor, “It’s just funny, dapat yung Pangako Sa ‘Yo, hindi ko dapat gagawin yun.

“Ang gagawin ko dapat ay yung movie na Dekada ‘70, yun ang dapat kong gawin.

“Pero Star Cinema said, ‘Hindi na yun ang gagawin, you’ll do a soap, yung Pangako Sa ‘Yo.

ADVERTISEMENT - CONTINUE READING BELOW

“I was kind of brokenhearted before, but then, hindi ko naman akalain na ganito yung mangyayari sa Pangako Sa ‘Yo after twelve years.”

Paano ang ginagawang pagtrato sa mga bansang kanyang pinupuntahan kung saan ipinapalabas ang kanila teleserye?

Saad niya, “Di ko alam, e, kasi may mga artista din sila doon na nagpapa-picture, may mga hosts din na nagpa-picture.

“Kinikilig naman ako!

“I was actually overwhelmed nung pagpunta ko doon... hindi ko naman ini-expect yung support na ibinibigay nila doon.

“Akala ko, thirty lang o forty lang yung pupunta, pero ang dami, e.

“I’m just thankful na nagawa ko yung show na yun.”



BRIDGING THE GAP. Natutuwa naman si Jericho na hindi lang mga Pinoy Overseas Foreign Workers (OFWs) ang masasabing naging mga tagahanga niya kundi ibang nationalities din.

Parang ang dating daw kasi, dahil sa show ay nakilala ng mga ibang bansa ang kultura ng mga Filipinio.

Aniya, “It’s really nice, ibang klaseng pakiramdam, e.

“Like for example, nung nagpunta ako sa Africa, noong nasa airport ako, puro mga Africans yung sumasalubong sa akin, ini-escort-an ako.

“Pati sa Malaysia, yung mga Malaysian stewardess, nakakatuwa.

“Pero what’s best about it is ano, e… parang nabi-bridge mo yung mga kultura ng iba’t ibang bansa.

“Natuto sila sa kultura natin kung ano tayo, di ba, because of the show.

“Ibang klase ang pagmamahal na ibinibigay nila.

“Like last time, ito lang bago ako pumunta ng Kuala Lumpur, I was surprised kasi yung fanbase dun, yung support nila, ganun pa rin—mainit pa rin.

“Di ko ini-expect na ganun kadami yung pumunta sa venue namin at nagugulat ako.

“Kasi akala ko, Pinay yung kumausap sa akin, yun pala Malaysian.

“Kasi nagta-Tagalog, e. Sabi niya, ‘Nag-aral kasi akong mag-Tagalog dahil sa ‘yo. Nag-aral ako ng language n’yo.’

“It’s really nice and it’s a different experience.”

ADVERTISEMENT - CONTINUE READING BELOW


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN