Nais kumpirmahin ni retired Archbishop Oscar Cruz kung totoo ang mga balitang tatakbo sa pagka-bise presidente sa 2016 elections si Kris Aquino.
Nang marinig daw ni Archbishop Cruz ang balitang ito’y naalala niya ang sinabi ni Kris—o Kristina Bernadette Cojuangco Aquino sa totoong buhay—noong Requiem Mass para sa yumaong ina nito na si former President Corazon Aquino noong 2009.
“Kris said, ‘Noy, only the two of us remain.’ I remember that very, very well. ‘What will happen now that only the two of us remain?’
“Now when I hear this [rumor of her plan to run for vice president]… it seems [her statement] was loaded.”
Si "Noy" ay si Benigno "Noynoy" Aquino III ang nag-iisang lalaking kapatid ni Kris at kasalukuyang Presidente ng Pilipinas.
Ang tatlo pa nilang nakatatandang kapatid ay sina Ballsy Aquino-Cruz, Pinky Aquino-Abellada, at Viel Aquino-Dee.
Kumpara kina Kris at PNoy, kilala bilang pribado at tahimik na mga tao sina Ballsy, Pinky, at Viel.
Una raw narinig ng dating pinuno ng Archdiocese ng Lingayen-Dagupan ang balitang tatakbo si Kris sa ilang “credible sources within the administration,” tatlong buwan na ang nakararaan.
Ayon sa report ni Philip Tubez para sa local daily broadsheet na Philippine Daily Inquirer na nailathala ngayong araw, Abril 2, sinabi ni Archbishop Cruz na kailangang i-“address” ng kampo ni Kris ang isyung ito.
Aniya, “Formerly, it was only in whispers.
“Now, it has become more commonly said and heard that the youngest sister of the President of the Republic will also run as Vice President of the Republic come 2016.
“Those concerned better address this matter.
“If it is not true, then they should say it so that it will stop once and for all. If there is silence, that means there is consent."
TAKING UP LAW. Lalong naging matunog ang usap-usapan tungkol diumano sa plano ni Kris na sumabak sa pulitika nang sabihin nito na tatalikuran na niya ang showbiz at balak niyang kumuha ng kursong Law.
Sinabi ito ni Kris sa kasagsagan ng custody battle nila ng PBA player na si James Yap para sa kanilang anak na si James Yap Jr., o mas kilala bilang Bimby.
Sa panayam niya sa The Buzz noong Marso 24, sinabi ni Kris na gusto talaga niyang mag-aral ng Law.
“I kept telling Attorney [Frank] Chavez noong binabasa ko yung mga law, yung mga ganun-gano'n, I should have been a lawyer.
“Sabi niya, ‘You can be.’ It will only take five years even with the schedules daw.
“Isa yan sa mga options ko.”
Dagdag pa ng tinaguriang Queen of All Media, “Kasi, sa lahat ng pinagdaanan ko recently, na-realize ko kung gaano kahalaga ang tamang batas para sa Pilipinas.”
(CLICK HERE for related article)
Kaugnay nito, sinabi ni Archbishop Cruz na maganda ang plano ni Kris na mag-aral ng Law.
Aniya, “If she will take courses that will better prepare her for public office, especially in the national level, that’s good.
“I have nothing against that.”
POLITICAL DYNASTY. Nilinaw ni Archbishop Cruz na hindi niya sinasabing hindi kaya ni Kris na maging isang pulitiko.
Katunayan nga raw, si Kris ang nakamana sa “charisma” ng kanyang yumaong ama na si dating Senator Benigno "Ninoy" Aquino Jr.
Wika ni Archbishop Cruz, “It is okay because it takes so little requirement to be a public official in this country.
“You are [just required to be] a Filipino citizen and you know how to read and write.
“I’m not saying she’s not capable.
“As I said, if she’s going to run, let her run because it takes so little to qualify for public office from the local to the national level.
“I have no preference and who am I to tell her what to do?”
Ang inaalala lamang daw ng dating archbishop: “The [political] dynasty issue will be more affirmed.”
Kumpara raw kasi noon, mas matunog ang kampanya ngayon laban sa mga political dynasty—mapa-local o national government level man.
Maaari raw kasing maging negatibo ang dating sa tao kung pagkatapos mamuno bilang presidente ng kapatid ni Kris na si Noynoy Aquino sa 2016 ay tatakbo ang isa pang Aquino para sa ikalawang mataas na posisyon sa gobyerno.
Kaya naman ang payo niya sa kampo ni Kris, “I’m just saying that up to now, this is what is being said.
“My friends tell me this and I just listen. So what I’m now saying is, whether it is true or not, [Kris’ camp should] say it as it is.
“If up to now this is not stopped … it might be interpreted as in aid of [her] election. And that’s not fair.
“As I said, the earlier you clarify this, the better.”