Back from his Holy Week vacation in Guam, sumabak agad sa trabaho ang Kapuso actor na si Benjamin Alves.
“It’s nice to re-energize, yeah!” masayang bungad ni Benjamin sa PEP.ph (Philippine Entertainment Portal) last Wednesday, April 3, at a house in Sgt. Catolos St., Kamuning, Quezon City.
Katatapos lang kunan dito ang huling eksena ni Benjamin, o Ben, nang araw na iyon para sa indie film na Sana Dati, a Cinemalaya Filmfest 2013 entry.
Higit pang naging memorable ang nakaraang bakasyon para kay Ben dahil sa Guam siya nag-celebrate ng kanyang 24th birthday last March 31.
“Got to see my family… they all live there. It’s nice to see them, needed it para lang ma-refresh,” sabi pa ng baguhang actor.
FRUITFUL YEAR. Wala pang isang taon o mag-iisang taon pa lang this coming May sa showbiz si Benjamin Alves.
Contract artist na siya ng GMA-7 sa pamamahala ng Mercator Talent Management ni Jonas Gaffud.
“Wala pang one year, but it seems like a long time ago,” pag-alaala ni Ben.
“A lot of blessings. I’ve been blessed! Yes, I’ve been blessed!” bulalas pa niya.
Binanggit niyang isa-isa ang mga mahahalagang tao na nagpursige at patuloy na nagpapatakbo ng kanyang propesyon sa showbiz.
“It’s really them... Jonas [Gaffud]. Yes, he’s really been significant dahil siya po talaga yung nag-push na pumunta ako sa GMA.
“Of course, sina Ms. Annette [Gozon-Abrogar], sina Sir Joey [Abacan], si Ma’am Lilibeth [Rasonable].
“They’ve been so supportive of me since the start,” sabi pa niya.
MAINSTREAM. Base sa mga proyektong kinasalihan ng 24-year-old actor, at sa kontratang pinirmahan, si Ben ay nakalaan sa mainstream show business ng telebisyon at pelikula.
“I had Coffee Prince, that was my first [romance-drama-fantasy series], with Aljur [Abrenica] and Kris [Bernal],” banggit niya.
Sumunod dito ang seryeng Unforgettable at regular na paglabas sa Sunday musical-variety program Party Pilipinas.
“I’ve also guested naman sa ibang shows of GMA. It’s been great!”
BIGGEST BREAK. Si Ben holds a Bachelor of Arts degree in college, major in Literature, sa University of Guam bago siya pumasok sa showbiz.
Sa movies na siya nasalang pagkatapos at unang napanood si Ben sa ang Guni-Guni, isang horror-drama ng Regal Entertainment.
Ang direktor noon ay ang award-winning short filmmaker at editor, Tara Illenberger.
“It’s my first time with Lovi [Poe], with whom I’m doing Sana Dati now,” aniya.
Love interest si Ben ng character na ginagampanan ni Lovi Poe.
This time, ang indie filmmaker na nag-crossover din sa mainstream cinema na si Jerrold Tarog, ang direktor ni Benjamin.
Tarog wrote the screenplay and is currently directing Sana Dati, na pagbibidahan ni Ben.
Kuwento ni Ben, “Well, I think it’s demanding because it’s the newest and the latest, so it’s something I’m really excited about!
“It’s exciting because… well, its Cinemalaya, si Jerrold Tarog, for a director... and what a cast! Di ba?
“To be cast with Lovi again, and then Paulo [Avelino], you know... and these guys are award-winning actors!
“So, for me... well, I’m challenged, for myself. I wanna take care of myself.
“Pero to be intimidated or whatever? Ay! ‘Cause it’s ano naman po, e...” nag-pause muna bago sundan ang sasabihin.
Naiisip din ba ng young actor na maari na siyang ihanay sa mga ibang magagaling na aktor?
“Who am I? I’m still new… it’s just nice to be able to work with them,” nahihiyang sagot ni Ben.
“They’ve been very good. This is my first time with Paulo.
“He’s the more experienced actor, pero you never feel that, cause he plays his role, yung character niya, very well.
“Ang ganda naman po ng rapport.
“And to think that I’ve just met him today!” natatawang sambit din ni Benjamin.
NEPHEW, FOR REAL. Sa pagsasalita niya at pagtawa, si Ben ay hindi maipagkakailang kadugo ng popular actor na si Piolo Pascual.
Magka-boses sila at pati pagtawa at paghagikhik ni Piolo ay maririnig kay Benjamin.
“Iyon na iyon!” natatawang pagsang-ayon ni Benjamin.
Na sinundan pa ng paghagikhik na, “Piolong-Piolo!”
“No choice na tayo. Wala, e. Di ko na matatakasan iyon,” biro ng Kapuso actor.
Nilinaw muli ng PEP.ph ang kaugnayan ni Ben kay Piolo bilang kamag-anak.
“Tito ko po, opo... my Dad and him are first cousins,” banggit ni Ben.
May dalawa pang kapatid si Benjamin, also based in Guam, na sina Arnold, 31, and Dianne, 23.
“Older brother and younger sister, ako po ang nasa gitna,” saad din niya.
Ano ang masasabi ng kanyang pamilya na artista na rin siya ngayon?
“Actually nagugulat po sila. Kasi gusto ko lang dati, matahimik.
“Yes, everyone, even back home, all my friends and family... they were surprised because tahimik po talaga ako,” diin pa ni Ben.
UNCLE PIOLO PASCUAL. Hindi “Tito” Piolo ang tawag ni Ben sa Kapamilya actor, kundi “Kuya” PJ, for Piolo Jose, ang real name ni Piolo Pascual.
Bilang malapit na kamag-anak, ano ang advice na ibinibigay ni Piolo sa kanya, sa pagpapatuloy ng kanyang nasimulang career?
“He’s always been supportive... si Kuya PJ,” banggit ni Benjamin.
“Supportive naman siya, he’s always been... not so much of advice, pero yung, you know, we keep ourselves updated with each other.
“I was able to watch his shows,” dagdag ni Ben.
Aware ang publiko, fans man o hindi ng aktor, na isa si Piolo Pascual sa masasabing “most maligned” na celebrity sa kasalukuyang panahon.
Sa mga isyu tungkol kay Piolo, maingat at hindi direktang nagbabanggit ng anuman si Benjamin.
Pero malinaw ang kanyang paglalahad ng isipan at damdamin hinggil sa personal na “paghamak” sa kanyang actor-uncle.
Sabi niya, “Actually, when you go to work, it’s there, e. You know, when people ask, it’s there.
“Wala naman yun, e. Kumbaga, sa amin, it’s not even an issue.
“I mean, it’s not true,” tahasang sabi ni Benjamin.
“So, I mean, kumbaga, sa pamilya pa ba, pag-uusapan pa ba natin ‘yan? Parang sayang ang oras.
“The time we were able to spend together, as a family, hindi naman napapag-usapan yun. So we’ve never talked about them.
“Even the issues, the things they asked me about, you know... we never talk about it. Hindi na, e. Hindi na kailangan.
“Ang ganda-ganda ng buhay, e!”
Hindi naman nagpapa-apekto sa mga intriga tungkol sa kanyang uncle ang mas bata at baguhang aktor.
“Exactly! Kasi, isipin mo pa, when I have to get back home, yun pa ba ang pag-uusapan?” tanong niya.
“Sa pamilya ko, when I get home, I would come back tired. Umuwi pa pa ako!?
SAFE FROM INTRIGUES. Malapit nang mag-celebrate ng first anniversary sa showbiz si Benjamin.
Sa tinagal niya sa industriya may mga matitinding issue na bang naipukol sa kanya na similar sa kanyang Tito Piolo?
“No. I mean, you know, I’ve been linked to people, but, ah, it comes and goes.
“Yun naman po ang... it’s part of the job!” diin niya.
Walang pa bang pagbatikos o panlilibak na naranasan si Ben?
“Not so much. I’ve been safe from a lot of intrigues. So, okay naman po.
“And if it comes my way, okay na yun.
“If you’re secured and have a family that supports you, you have a good foundation, okay na po yun. Kasama na yun, e...
“Ang ganda-ganda ng buhay!” pagwawakas ni Benjamin.