Nagkaayos na si Dominic Roco at ang talent handling arm ng GMA-7 na GMA Artist Center.
“Okay na, okay na po kami, yes,” pagsisiguro ni Dominic nang kamustahin siya ng PEP.ph (Philippine Entertainment Portal) at ibang entertainment press.
“I’m really happy with Artist Center and their progress right now.
“Even I'd noticed some downs of Artist Center, I’m really satisfied with them.
“So good job for Artist Center right now.”
Matatandaan na Nobyembre noong nakaraang taon ay sumama ang loob ng aktor kaugnay sa pagpapatakbo sa kanyang career.
Ani Dominic, “I’m very disappointed—I honestly told Artist Center at yung mga kumausap sa akin.
“I told them that I just want to work lang naman, e.
“Ewan ko, I’m just tired of… I don’t really complain, I’m just tired of telling them how I feel.
“They say they understand, but ewan ko, e. I don’t know what do I have to do to please them… parang ganoon.”
(CLICK HERE to read related article.)
Pero agad naman daw inaksyunan ng GMA Artist Center ang isyung ito, at sinabing mahalaga ang magiging role ni Dominic sa noon ay upcoming teleserye pa lamang na Indio.
(CLICK HERE for related article)
Nakausap ng PEP si Dominic sa presscon ng pelikulang Coming Soon kanina, Abril 5, sa City Best restaurant sa Tomas Morato, Quezon City.
Makakasama niya sa pelikulang ito sina Andi Eigenmann, Glaiza de Castro, Boy 2 Quizon, Carla Humphries, at Cholo Barretto.
INDIO.Samantala, inalam ng PEP ang kanyang experience sa primetime show na pinagbibidahan ni Bong Revilla.
Dito’y ginagampanan niya ang role ni Tuhay/Cesario, isang mandirigma na nagkaroon ng kapangyarihan ng isang Babaylan o isang manggagamot.
“Our director Dondon Santos is really good in directing us,” pagpuri ng aktor sa kanyang direktor.
“So for me, it’s not really that hard [to play my role]. So okay siya, okay ‘yong character ko ngayon.”
Masaya rin daw siya na makatrabaho ang senador, “Si sir Bong sobrang kulit!
“Kung hindi mo siya kilalang senator, nakakatawa siya, sobrang nakakatawa.
“He’s really fun to work with.”
Bagamat magagandang roles na ang napupunta sa kanya recently, hindi pa rin daw siya magiging mapili si Dominic sa mga proyektong darating pa.
Ang patuloy lamang niyang gagawin ay “I accept it, [and] that’s where I create my own challenge.
“Ever since naman po, ever since I started, I’m never picky. I never choose the role, hindi ako namimili, I never turned down a role.
“So wala, whatever comes gagawin ko ‘yon.”
ANG NAWAWALA. Samantala, noong nakaraang buwan ay nagtungo ng Malaysia si Dominic para sa ASEAN International Film Festival and Awards sa Sarawak, Malaysia.
(CLICK HERE to view PEP Alert)
Bukod sa awards night, nag-premiere din doon ang pinagbidahan niyang 2012 Cinemalaya entry na Ang Nawawala.
Ang kuwento ng 23-year-old na Kapuso actor, “Actually, we didn’t get to watch the film kasi we were at the gala night.
“Kahit ‘yong ibang delegates, they didn’t get to watch it kasi we’re all at the gala night. So we don’t know how the film went.
“Pero what we heard a lot of people started to watch other Filipino films, and the Philippines won several awards.”
Dahil sa panibagong karanasan na ito, “[It] inspired me a lot, it made me love my craft more.”
Dagdag pa niya, “When we were in Malaysia, we attended a lot of seminars. [There are] a lot of people from Hollywood and people from the Asian countries.
“It made me want to work harder to prove that the Philippines, they have a lot to offer when it comes to film industry.
“So I want to prove that to them,” pagtatapos ni Dominic.