Nakausap ng PEP.ph (Philippine Entertainment Portal) si Benjamin Alves sa birthday merienda treat niya para sa kanyang mga fans noong Lunes, April 8, sa Max’s restaurant sa Roces Avenue, Quezon City.
Ipinagdiwang ni Benjamin ang kanyang 24th birthday last March 31. Umuwi siya sa Guam para ipagdiwang ito.
Pero may kakaibang ritwal siyang ginawa.
Kuwento niya, “I was able to relax… I ran a marathon by myself!”
Humigit-kumulang sa apat na oras daw siyang tumakbo.
“Forty-two kilometers po yun, e. So iyon lang ang ginawa ko, para ma-try lang.
“Sa Guam po, by the beach, one coast to the other coast... by the coast, e.”
Stress-reliever rin daw iyon para kay Benjamin.
“Yeah, I guess so. Tsaka, you know, just to be by myself.
“Yeah, it’s become a continuing ritual.”
Dati ay maigsi lamang ang tinatakbo niya pero ngayon ay mas mahaba na ang distansiya ng kanyang “one-man marathon.”
“Okay naman po, nakakatuwa.”
BEST GIFT. Naka-base sa Guam ang buong pamilya ni Benjamin at iyon daw ang pinakamagandang regalong natanggap niya.
“Iyon… I was able to… gift ko na po sa sarili ko yung pumunta ako doon, e.
“Kasi, I was able to go there for five days, blessing nga po yun, kasi I was able to finish taping.
“Right after taping, I rushed to the airport and went home [to Guam].”
Hindi raw siya naghahangad ng mga materyal na bagay bilang regalo sa kanya.
“To be with my family is already great!
"We’ve never been a family that, you know, nagbibigay ng gifts or anything.
"But you know, to be together is already enough.
“Plus we’re expecting a… my older brother’s expecting a child.”
Unang apo at pamangkin iyon sa pamilya nina Benjamin.
“So we’re really saving up for that. I think, end of May.”
BACK TO WORK. Noong March 27 umalis si Benjamin patungong Guam at bumalik siya sa Pilipinas ng April 1 ng gabi.
Isa sa male lead stars ng Unforgettable ng GMA-7 si Benjamin, bukod pa kay Mark Herras. Leading lady naman sa show si Kylie Padilla.
Kamakailan naman ay ipinasok na sa serye si Rocco Nacino.
“I’m glad!” reaksiyon ni Benjamin sa desisyon ng production.
Dagdag niya, “Nakapag-taping na po kami [with Rocco], nakakatuwa naman po.”
Hindi ba siya nainis na nadagdagan pa ng leading men ang show? Na para bang kulang pa sila ni Mark?
“No! That’s what GMA thought, like you know, they needed to do, so okay lang naman po yun, e.
“Actually, nakaka-enjoy nga po sa set, kasi lima na kami—si Rocco, si Mark, si Pancho [Magno], si Polo [Ravales], ako.
“So, mas nakaka-enjoy, tapos kasama pa si Tito Ipe [Phillip Salvador].”
ADDED COLOR. Pero kumalat ang balita na hindi raw nila nagustuhan ang pagpasok ni Rocco sa show, lalo na si Mark. Ano ang masasabi ni Benjamin dito?
“No! Hindi naman. Grabe naman. No, no, no, no!” ang mariing pagtanggi ni Benjamin sa kumakalat na intriga.
“Kami ni Mark, we’re okay with that.
"That happens… people come in the show. If it helps the show, then it’s okay—wala namang problema.”
Wala raw naman silang say sa kung sino ang papasok o aalis sa show nila.
“That’s not my job, artista po ako, I’m not the producer—and I trust them.
“Kung pumasok si Rocco and it adds a little more color, a little more conflict sa story…
“Kung kinakailangan para mas ma-sustain yung show, if that’s what is needed, okay naman po sa akin.
“Of course, Rocco is a really good actor.”
SECOND MOVIE WITH LOVI. First time naman ni Benjamin na sumabak sa isang indie movie via the Cinemalaya 2013 entry Sana Dati, na idinidirek ni Jerrold Tarrog.
Kasama niya sa pelikula sina Lovi Poe, TJ Trinidad, at Paulo Avelino.
Paglalarawan ng Kapuso actor sa kanyang role, “Bale ako po yung… kasi ano po yun, e, parang tatlo pong ano ni Lovi…
“Lovi’s my partner there, I’m her first love there, tapos ayun po.
“The story revolves around yung relationship niya now with Paulo Avelino.
“Tapos, yung mga flashbacks, sa akin."
Ano ang pagkakaiba sa muli nilang pagtatambal ni Lovi pagkatapos ng Guni-Guni (2012)?
Sagot ni Benjamin, “It’s more enjoyable, kasi pagkatapos po ng Guni-Guni, towards dulo po ng Guni-Guni, mas kumportable na po kami.
“So like, you know, with our movie, is maigsi po talaga yung time na to be together, e.
“So when Guni-Guni ended, sabi ko, sayang naman.
“I was hoping we would be able to work in a soap, pero okay na rin po yung nasa movie kami, and we were able to work in a movie again.
"So I’m glad.”
Hindi tulad sa Guni-Guni, wala silang daring scenes ni Lovi sa Sana Dati.
“No, no, no, this one’s a… wala naman po, wala naman po.”
CAREER MANAGEMENT. Ang Mercator Artist & Model Management ang may hawak sa career ni Benjamin, pero nakakontrata siya sa Regal Entertainment, Inc. para sa kanyang mga pelikula.
Saad niya, “I have a few more movies to do with them.
“Nagawa ko po yung Guni-Guni and yung Ride To Love, which is hindi pa napapalabas, pero tapos na po.”
May intriga naman na kinaiinggitan siya ng ibang talents ng talents ng Mercator.
Natawa muna si Benjamin bago sumagot.
“Hindi naman! I don’t think so,” tanggi niya.
“Everytime I see mga tweets ng Mercator, when I see their Facebook page, everyone’s busy.
“Sina Daniel [Matsunaga], si JC [Tiuseco], si Mikael [Daez]... ang daming endorsements ni Mikael and he’s always been out-of-town.
“So, hindi naman po.
"Sila man po, maraming projects, so I don’t think there’s any jealousy, kasi pamilya po kami doon, e.
“So that would be untrue, plus si Mama J [Jonas Gaffud, Mercator head] is busy with Binibining Pilipinas so that season is for Mama J to take care of Binibini.
“So, as far as all the male talents, we understand that.”
Hindi ba niya nararamdamang paborito siya?
“No. I think everyone’s been taken care of.
“Nandiyan naman po si Ate Sally [Annabelle Francisco, Mercator’s road manager] when Jonas is busy.
“So hindi naman po, we don’t feel the favoritism but we also don’t feel the neglect.
“Neither favoritism nor neglect, hindi po namin nararamdaman yun,” pagsisiguro niya.