Si Noel Lorenzana na ang bagong president at chief executive officer ng MediaQuest Holdings, ang kompanya kung saan isa ang TV5 sa affiliates nito.
Ang pagkatalaga kay Lorenzana ay inanunsiyo ngayong araw, Abril 23, ni TV5 Chairman Manny V. Pangilinan, managing director ng First Pacific Company Limited (FPC) at chairman ng Philippine Long Distance Telephone Company (PLDT).
Ayon sa press statement na ipinadala ng TV5 ngayong hapon sa PEP.ph (Philippine Entertainment Portal), sinabi ni MVP na isang “tough job” ang kakaharapin ni Noel.
“Noel faces a tough job as he takes on the challenge of turning around TV5, while maintaining the growth momentum at Cignal TV towards leadership in the Pay-TV industry.”
Si Lorenzana ang current head ng Individual Business for The PLDT Group.
Dagdag pa ni MVP, “Noel’s background in the telco [telecommunication] space and in fast moving consumer goods [FMCG] will be of immense advantage in his ability to bring the worlds of media and telecommunications closer.
“Our multimedia strategy is crucial to the future of TV5 and of the Group. We extend to, and I assure, Noel our full confidence and unstinting support.”
WHERE’S RAY ESPINOSA? Ang pinalitan ni Noel Loranzana na si Atty. Ray Espinosa naman ay nag-“retire” na bilang President at CEO ng MediaQuest.
Pero siya naman ang itinalagang bagong associate director ng First Pacific Company, na siyang magiging Head of Government and Regulatory Affairs and Head of the Communications Bureau.
Bagamat nag-retire na si Espinosa bilang president at CEO ng MediaQuest, mananatili pa rin siyang director nito at ng ibang kompanya na kinabibilangan niya; tulad ng PLDT, Meralco at Metro Pacific Investments Corporation.