Rica Peralejo is two months pregnant

Rica recounts how they found out about her confirmed pregnancy: “Sobrang cute. Nalaman ko siya [buntis] actually, the day before…nag-pregnancy test ako a day before my father-in-law’s birthday last May 27. So, May 26 ko nalaman. So, noong May 27, I went to my OB Gyne. I had it confirmed na ayun, positive, I’m pregnant. Kaya nga ang saya no’ng birthday ng daddy niya kasi nga nalaman na ng lahat na buntis na ako.”


Dalawang buwan nang buntis ang dating aktres na si Rica Peralejo at ngayo’y happily married sa kanyang non-showbiz husband at born-again Christian pastor na si Joe Bonifacio.

Kinumpirma ni Rica ang balita sa ekslusibong panayam ng PEP.ph (Philippine Entertainment Portal) sa kanya sa nakaraang Bench Photo Exhibit ng mahusay na commercial photographer na si Ronnie Salvacion, noong Biyernes ng gabi, July 5, sa basement ng Bench Tower, Bonifacio Global City, The Fort.

Ramdam nang manunulat na ito ang excitement ni Rica sa unang bigkas niya nang salitang “Oo, two months [pregnant] ako!”

Patuloy ni Rica, “Teka, tama ba? Ten weeks and six days… ay, five days pala! Ano ba yan? Nalilito ako sa linggo e,” bulalas niya.

Gaano kasaya? Tanong naming kay Rica.

“Super saya. Siguro mga six months rin kaming naghintay…

“Madali lang naman [yung paghihintay ng six months], like before when we were trying, I thought mabilis lang.

“Yun yung ang akala mo pag ginawa nyo, mabilis lang, o dinisire [desire] ninyong magka-anak, akala n’yo ganun-gano’n lang.

“Hindi lang pala ganung kabilis.

“So, talagang nag-anticipate ako na, ’Lord, kailan kaya darating yung baby ko,’ ganun...

“So, super happy talaga nong nalaman ko. My god! Nag-positive ako!” masayang pahayag ni Rica.

THE GOOD NEWS. Kailan ninyo nalaman yung balita?

“Sobrang cute. Nalaman ko siya [buntis] actually, the day before… nag-pregnancy test ako a day before my father-in-law’s birthday last May 27. So, May 26 ko nalaman.

“So, noong May 27, I went to my OB Gyne. I had it confirmed na ayun, positive, I’m pregnant.

“Kaya nga ang saya nong birthday ng daddy niya kasi nga nalaman na ng lahat na buntis na ako.”

Anong naging reaksyon ni Joe?

“Hay naku, akala ko noong una parang wala lang sa kanya. Pero siguro mga two days hindi siya nakatulog,” kuwento niya.

ADVERTISEMENT - CONTINUE READING BELOW

Tatlong taon nang kasal sina Rica at Joe. Ikinasal sila nong 2010 pero hindi pa agad sila nag-plano na magkaroon ng anak.

Paliwanag ni Rica, “Kasi nag-aaral pa ako, tinapos ko muna ang studies ko. And then, after that gusto muna naming mag-travel. That’s why hindi muna naming agad mag-ano ng family or mag-anak.”

PHYSICAL CHANGES. Anong mga pagbabago na sa katawan ang napapansin ni Rica?

“Naku, marami. Parang hindi ko na kontralado yung katawan ko. Kasi bigla na lang siyang makakaramdam ng kung anu-ano... ganun lang.

“Tapos yung appetite mo. Siyempre, pag nagbibihis ako iniisip ko na naku, parang wala nang magandang damit na magpi-fit sa akin.

“Pero very minimal lang. I mean, mas malaking part yung joyful ako na buntis nga ako ngayon,” pag-amin niya.

Anong preparation ang ginagawa mo sa ngayon?

“Well, marami. I read books. I asked yung mga friends ko na moms for advice.

“I just read a lot. Kasi motherhood is something na parang wala kang preparation. Basta, bigla ka na lang nagiging nanay. So, parang lahat ng kaya kong basahin, binabasa ko.

“Lahat ng kaya kong tanungin, itinatanong ko. Pero all the rest, dinadasal ko na basta kung ano yung hindi ko ma-cover, alam kong may grace naman si Lord para sa akin,” dagdag niya.

Sobra bang pagi-ingat ang ginagawa mo ngayon?

“Oo. Yung mga gano’n, na parang dati hindi ako mindful sa steps. Pero ngayon, mindful ako. Kung dati kahit madapa ka, okey lang, yung mga ganon.

“Ngayon, dalawa na kami. Nag-iisip kami.

“Pati yung pag-color ng hair talagang tinitignan naming kung makakabuti o makakasam ba siya sa pregnancy ko. Yung nail polish.

“Tapos pag may nagii-smoke, dati okey lang kahit may nagi-smoke sa tabi ko. Hahayaan mo siya.

“Ngayon, you have to get up and move away,” patuloy niyang kuwento.

ADVERTISEMENT - CONTINUE READING BELOW

May mga mood swings ka na ba?

Aniya, “Oo, gano’n naman daw, e. Very emotional… maiyak.

“Yung mga pelikula iniiyakan ko. Pusong-bato naman ako, hindi naman ako naiiyak palagi. Yun lang ako ganun.”

CRAVINGS. Anong pinaglilihian mo?

“Wala naman. Hindi ako... basta nagki-crave lang ako ng kung anu-anong bagay. Pero hindi yung paulit-ulit.

“Kung anu yung maisip ko, like, bigla kong maisip na gusto ko ng palabok. Palabok ngayon!”

May mga morning sickness ka?

“Wala! Pero siyempre kahit paano, meron ako na yung nahihilo ako. Parang nasusuka pero hindi naman natutuloy.”

RICA THE WRITER. Sa panibagong pagbabago sa buhay ni Rica, malamang na matatagalan uli bago siya mag-artista?

Nag-isip muna siya saka nagsalita, “Actually, napag-isipan ko na parang… hindi ko naman isinasara.

“Pero parang wala na rin akong balak as, like... alam yung artista, celebrity. Parang hindi na yun ang gusto ko.

“Kasi ngayon, parang more on writing talaga ako.”

Nagtapos si Rica ng kursong Creative Writing sa Ateneo De Manila. Kasalukuyan siyang kolumnista para sa lifestyle section ng Manila Bulletin.

Para sa kanilang unang anak, gusto sana nina Rica at Joe ng baby boy.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN