Pakiramdam ng PPL Entertainment talent na si Max Collins ay nasa right timing ang lahat ng nangyayari sa kanyang career ngayon.
Pagkatapos kasi ng big break niya sa telebisyon katambal si Dingdong Dantes sa GMA-7 teleseryeng Pahiram ng Sandali, ngayon naman ay dumating na ang big break niya sa pelikula sa pamamagitan ng Bamboo Flowers, ang film entry ni Direk Maryo J. delos Reyes sa Sineng Pambansa National Film Festival All-Masters Edition.
Ang Pahiram ng Sandali at Bamboo Flowers ay parehong idinirehe ni Direk Maryo.
Sabi ni Max, “Dati kasi naisip ko kahit anong role ang ibigay sa akin tatanggapin ko. Basta gusto ko lang magtrabaho kasi I really love acting.
“And then nung mabigyan ako ng malaking project, yun ngang Pahiram, parang na-shock ako na hindi ko ine-expect na mapupunta yun sa akin, yung ganung klaseng project.
“And since then everything fell into place kasi I believe na kung anuman ang para sa akin, yun ang darating. I’ll just let my life flow and let the blessings come.
“And Bamboo Flowers is one of the biggest blessings so far lalo na this year or in my entire career sa showbiz because I always dream of doing a movie.
“Lalo na inspirational yung movie na pwedeng ipanglaban sa abroad... dalhin sa international film festivals.
“Tapos lahat makaka-relate dahil hindi siya basta kuwento lang... kuwento siya na may meaning, and I hope it can touch a lot of people.”
Nakausap ng PEP.ph (Philippine Entertainment Portal) si Max sa presscon ng Bamboo Flowers kahapon, Agosto 24, sa Annabel’s restaurant sa Tomas Morato Ave., Quezon City.
Magkakaroon ng premiere night ang pelikula sa Setyembre 8 sa SM Megamall at mapapanood naman ito sa SM Cinemas nationwide sa Setyembre 11-17. May special red carpet premiere din sa Island City Mall sa Tagbilaran City, Bohol sa Oktubre 26. Ang kabuuan ng pelikula ay syinuting sa Bohol.
DIREK MARYO’S FAVORITE ACTRESS? Sa presscon ay natanong si Direk Maryo kung si Max na ba ang present signature actress o paborito niyang aktres sa ngayon dahil pagkatapos nga niya itong idirek sa Pahiram ng Sandali ay kinuha niya itong maging lead actress sa Bamboo Flowers.
Hindi naman ipinagkaila ni Direk Maryo na gusto niya talagang katrabaho si Max dahil bukod sa pagiging hard-working nito ay naniniwala siya sa talento at kakayahan ng aktres sa pag-arte.
Natanong tuloy ng PEP si Max kung ano ang reaksyon niya sa naging pahayag ng direktor.
“Mahal na mahal ko si Direk Maryo, sobra. He gave me the confidence to believe in myself.
“He gave me knowledge… ang dami kong natutunan sa kanya. And he’s not just a director, he’s not just a mentor, but he’s also a friend.
“He helped me, he advises me and he’s always there for me. Kahit sa workshop nakatutok siya sa amin. Nakakatuwa talaga, sobrang thankful ako na nakilala ko siya.
“I’m so blessed na dumating siya sa buhay ko and he really took me under his wings. I love him so much.
“He’s such a beautiful person, he’s such a beautiful soul. Lahat ng maganda na puwede kong sabihin sa tao, siya yun,” pagmamalaki niya sa batikang direktor.
CHALLENGES. Sa paggawa niya ng una niyang pelikula, ano ang challenges na hinarap niya lalo na’t isang probinsiyana ang role niya rito bilang si Dolores?
“Ang matinding challenge po para sa akin noong nandoon po ako sa Bohol, I tried to immerse myself sa lugar para maramdaman ko kung ano yung lifestyle nila, kung paano maging isang probinsiyana at kung ano yung mga nakikita niya.
“Kasi ibang-iba sa city yung makikita mo. Sa Bohol napakalawak ng nature, it’s so environmental, ang ganda ng place, e.
“Yung lahat ng makikita mo... yung Chocolate Hills, yung tarsier. So, that was the hardest part I think, yung putting myself in that setting and believing na doon ako lumaki,” dagdag pang kuwento ni Max.
Emotionally-heavy daw ang role niya dahil bukod sa pagkakaroon niya ng boyfriend sa istorya ay magkakaroon din siya ng relasyon sa isang foreigner, na ginagampanan ng international stage actor na si Paul Holme.
“Isa pa yun sa challenge sa akin e, iba yung relationship ko sa ka-partner kong si Paul Holme.
“Napakabait niya kasi sobrang warm siya. Kasi kahit na from a different country siya, he’s actually from England, sobrang warm niya,” pagpuri ni Max kay Paul.
Paano niya hinarap ito lalo na’t never naman niyang na-experience ito sa totoong buhay?
“In-observe ko kasi yung ibang cases, pinag-aralan ko po talaga. I grew up kasi in Boracay and I used to see that na madalas mangyari na may probinsiyana who would end up with a foreigner.
“So, parang I observe it and parang apply it to what the feeling should be of my character to make her want to or even think about following the foreigner abroad.
“And what I appreciate about Paul is that he was such a friendly and warm person to work with. Hindi ako nailang sa kanya,” dagdag pa ng dalaga.
WORKING WITH ORLANDO. Bukod kay Paul, kapareha rin ni Max sa pelikula si Orlando Sol, na gumaganap bilang boyfriend niya. Kumusta katrabaho ang leading man niya?
“Si Orlando, napaka-giving. Actually, second time namin magkita doon sa Bohol tapos eksena agad.
“Yung first time kasi naming mag-meet pinag-usapan lang namin yung about the film. And then noong nasa Bohol na kami yun na lovers na kami. Live in partners po kami dito.
“Siyempre it’s really hard to establish the relationship kung hindi kayo masyadong close and very giving si Orlando.
“Talagang he cooperated well, winork-out talaga namin kung paano namin maipapakita yung pagmamahal na kailangan sa eksena,” pangwakas niyang saad.
Kasama rin sa cast ng Bamboo Flowers sina Ruru Madrid, Yogo Singh, Irma Adlawan, Mylene Dizon, Spanky Manikan, Gino Antonio, Leandro Baldemor, Diva Montelaba, Miggs Cuaderno, Barbara Miguel, Nafa Hilario-Cruz, Ashley Strom at Xyruz Cruz. Co-produced ang pelikula ng Productions 56 Inc. at ng Film Development Council of the Philippines.