Nananatiling isa sa pinaka-in demand na endorsers ngayon si Anne Curtis.
Nitong nakaraang linggo nga lang ay sunud-sunod ang naging launch ng endorsements ni Anne.
Isa na rito ang “Perfect Partnership” with Plains & Prints na ginanap noong Biyernes, August 23, sa Glorietta 2 Activity Center.
Nang tanungin kung binibilang ba niya ang brands na iniendorso niya, sagot ni Anne, “Hindi ko alam.”
DEALING WITH BASHERS. Sa nasabing event ay kinanta ni Anne ang “Titanium” ni David Guetta at “Firework” ni Katy Perry sa kanyang “signature singing voice.”
Tanong kay Anne: Kapag naririnig niya bang pumapalakpak ang mga tao ay mas lalo siyang ginaganahang kumanta?
Sagot niya, “Oo, gusto ko pang kumanta ng seven songs! Seven talaga?
“Because, you know, it makes me happy just knowing na natutuwa sila… na natutuwa sila sa boses ko.
“Uy, pero improving naman!” pagmamalaki pa niya.
Hanggang ngayon ba ay may bashers pa rin siya?
“Oo naman. I mean, some people make a living out of it. But you learn the art of deadma, di ba?
“And you just learn the art of deadma.
"I don’t mind and tumitigil na rin naman sila. Or if hindi ako, yung mga fans ko, inaaway sila, so tumitigil din sila.”
Sa mga batikos na natatanggap niya, saan siya pinaka-naapektuhan?
Sabi ni Anne, “For me, anything that has to do with my family.
"I don’t mind me, I don’t care.
“[Pag] ako, talagang ‘Nye!’ E, di ganun, papansin lang.
"But if it’s my family, yun, medyo napikon ako.
“But you know, you can just block them and for me, honestly, I think they just found five seconds of fame so it’s up to you if you’re going give that to them.
“Wala pang Twitter, may mga bashers naman na talaga from write-ups and whatever. And you say, ‘Deadma na lang.’”
Wala rin daw itinatago si Anne sa Twitter account niya.
“I tweet everything! It’s full of a bunch of crazy things, my Twitter account.
“As I always say, when it calls upon my social responsibility, that’s when I’ll use that Twitter account… considering how many followers.
“Puro kabaliwan naman talaga pero if it calls upon… that’s the moment where I’m in…
"Anything that I can get on updates, you share it with everyone para you can pass the news on also. It’s a chain reaction.”
YOUNGER SISTER JASMINE. Samantala, gumagawa na rin ng sarili niyang pangalan ang nakababatang kapatid ni Anne na si Jasmine Curtis Smith.
Kamakailan nga ay nagwagi si Jasmine bilang Best Supporting Actress sa Cinemalaya 2013 para sa pelikulang Transit.
Hindi ba nangangamba si Anne na maungusan siya ng kapatid?
Sabi ng Kapamilya actress, “I don’t think so because the age gap is too far away, it’s nine years.
“So I’m very happy for… super push nga, e. Di ba, I mean, at one point, you have to, she’s your baby, you want her to shine, so super push.
Binibigyan ba niya ang kapatid ng acting tips?
Sagot ni Anne, “Meron.
“Sa Transit, the only thing that I told her was, ’When it comes to script reading and throwing lines, you really have to know it… Especially when you’re working with the likes of Ms. Irma Adlawan.’
"So talagang minemorize [memorized] niya in Hebrew.”
Ano naman ang reaksiyon niya nang manalo ang kapatid ng acting award?
“Hindi ko ma-explain. Hindi ko talaga ma-explain. And you know, it makes you so proud.
“Especially when we’re all watching kasi at the gala night, parang maiiyak ka sa proud, e.
“Naiiyak ako sa eksena niya… ang galing niya… and to know that all her efforts didn’t go to waste.”
Hindi pa nasusubukan ni Anne na gumawa ng indie film. Wika niya, “Kaya nga ang galing, e. Kasi that is a genre that is totally untouched by me.
“And I think it’s very, very hard for younger sisters when they’re joining the industry to make a mark for themselves.
“And I’m so proud of her kasi that’s an industry I’ll never be able to get into because I’m so mainstream. Mainstream kung mainstream, di ba?”
Kung mabibigyan ng pagkakataon ay papayag ba siyang maging bahagi ng isang indie film?
Tugon ni Anne, “Oo naman. But it’s all about having the right script.
“That’s why I’m very proud of Jasmine cause at such a young age, she was able to achieve that.”
Ano ba ang nakita niyang pinagdaanan ni Jasmine para sa pelikula?
Ayon kay Anne, “Sobra siyang stressed. Siyempre, she’s a beginner and if you see the cast, pressure yun, di ba?
“And it’s all in Hebrew, all of her lines that she had to learn. So, kahit naman ako.
“She had to learn it while she was away, of course. But she was really… she really took time to perfect [her lines].”
Paano naman niya pinapalakas ang loob ng kapatid?
“Uhm, you just have to keep repeating after her na, ‘Ang galing mo, kayang-kaya mo ’yan. O, go! Enjoy, enjoy. Just enjoy.’
"And she really said she was enjoying naman.”