Isasakatuparan na ni KC Concepcion ang balak niyang muling pag-aaral sa ibang bansa.
Inanunsiyo ni KC sa personal account niya sa Twitter noong Miyerkules, January 8, ang planong pag-aaral ngayong first quarter ng 2014.
Kasabay nito ang pagsasabi sa kanyang fans na hindi siya ang gaganap na Dyesebel.
Sa halip, ito ay gagampanan ng kapwa niya Kapamilya actress na si Anne Curtis.
Hi guys, I'm sorry to disappoint, but I will NOT be playing "Dyesebel" 🐠💜 I'll be studying abroad for the first quarter of the year. 😊
— KC Concepcion (@kc_concepcion) January 8, 2014
Sa panayam ng PEP.ph (Philippine Entertainment Portal) at iba pang media kay KC noong December, nabanggit niya na gusto niyang mag-enroll sa isang acting workshop ngayong taon bilang regalo sa kanyang sarili.
Read: KC Concepcion showcases martial arts prowess in Boy Golden: Shoot-To-Kill
Sabi niya, “Siguro mag-aaral ako sa New York for a few months.
"Wala lang, parang siguro mga two weeks na course, like, acting workshop.”
Nabanggit din ni KC na naipagpaalam na niya sa kanyang talent management, ang Viva Artists Agency, ang tungkol sa plano niyang ito.
“Sabi ko, mag-vacation lang ako for a while.
"Parang si Sarah [Geronimo], di ba, nag-dance siya at sa nag-voice [workshops]?”
Sa kanyang Twitter, sinabi ng Kapamilya actress sa kanyang followers na kukuha siya ng short courses for professional development.
Ipinaliwanag din ni KC na bukod sa patuloy na paglinang ng kanyang kakayahan, gusto rin niyang gumawa ng bago para sa sarili.
Sa kabila ng anunsiyong ito, siniguro naman ni KC ang kanyang fans na, “I'm still a Kapamilya & will be back!💜”
After doing a teleserye & a movie last year, together with my new endorsements, I realized there's SO MUCH more I can still learn about >
— KC Concepcion (@kc_concepcion) January 8, 2014
> this industry. After getting pneumonia, I decided to take the jump & do something new for myself. I'm still a Kapamilya & will be back!💜
— KC Concepcion (@kc_concepcion) January 8, 2014
Huling napanood sa telebisyon ang 28-year-old actress sa teleseryeng Huwag Ka Lang Mawawala, na pinagbidahan din nina Judy Ann Santos at Sam Milby.
Ang pinakahuling proyekto naman niya ay ang 2013 Metro Manila Film Festival entry na Boy Golden: The Arturo Porcuna Story.