Solenn Heussaff admits living in with boyfriend Nico Bolzico

Paliwanag ni Solenn Heussaff kung bakit hindi masyadong importante sa kanya ang pagpapakasal: “For me, importante kapag may mga bagay na you buy something together or kapag may anak na kayo. Mas safe yung future ng mga anak. Pero, kung wala kayong mga anak, for me, kahit living-in. Married or not married, for me, same lang.”


Kararating lang ni Solenn Heussaff mula sa pagbabakasyon sa Argentina, pero sumabak agad siya sa press conference ng kanyang pelikulang Mumbai Love.

Ginawa ang presscon sa Annabel’s restaurant sa Tomas Morato, Quezon City, noong Miyerkules, January 15.

Kinumusta ng PEP.ph (Philippine Entertainment Portal) kay Solenn ang naging bakasyon sa bansa ng live-in partner niyang si Nico Bolzico.

“Masaya, sixteen days ako dunn. Actually, twenty, kasama ang travel. Outdoor lang ako,” sagot ng 28-year-old Filipina-French model turned singer/actress/TV host.

“Since nasa city ako palagi [pag nasa Pilipinas], puro trabaho, gusto ko, walang cell phone, walang civilization, walang tao.

“So, pumunta ‘ko sa Argentina. Pumunta kami [ni Nico] sa Iguazu Falls at sa Brazilian side rin.

“Pumunta kami sa province ng boyfriend ko, sa Esperanza.

"So, very relaxed and I didn’t buy anything except for dulce de leche."

Ang dulce de leche ay isang popular na minatamis sa Latin countries, katulad ng Argentina.

“Pero, palagi naman tuwing December, ganun kami.

“Three years na, third time ako sa Argentina,” may pagkabaluktot na pagta-Tagalog pang saad ni Solenn.

Ano ang kaibahan ng pagbabakasyon niya ngayon sa Argentina sa mga nakaraan niyang pagpunta roon?

“Well, iba-iba ang mga lugar.

"First time, Patagonia. Second time, Mendoza.

"Yung ngayon, Iguazu.

"So, baka next year, Salta,” banggit ni Solenn sa mga pamosong lugar sa Argentina.

Sa palagian nang pagpunta niya sa nabanggit na South American country, malamang ay sanay na sanay na siya sa kultura ng boyfriend niyang Argentinian.

“Oo, Argentinian na ako,” pagsang-ayon ni Solenn.

“Kapag nandoon ako, kahit wala akong lesson sa Spanish, naiintindihan na ako.

“Kasi, French, English, Tagalog, halo silang lahat.

"May mga words na sa French, you just add ‘a’ and ‘o’ sa dulo, magiging Spanish na.

"Sa Tagalog, may mga Spanish words, sa English din.

“Maraming resemblance, so mabilis na matuto naman.”

ADVERTISEMENT - CONTINUE READING BELOW



ABOUT MARRIAGE. Ilang taon na rin ang relasyon ni Solenn sa kanyang boyfriend, kaya hindi na nakapagtataka na marami na rin ang nagtatanong sa kanya tungkol sa kasal.

Hindi ba nagtatanong ang mga magulang ni Nico kung kailan sila magpapakasal?

Nangiti si Solenn at saka sinabing, “Actually, yung mom niya.

“Kasi, may dalawa siyang brother na 47 na and 46. Super-laki yung [age] gap nila.

“So, sila may family na.

"Sa mind niya [mom ni Nico], parang pareho si Nico,” banggit pa ni Solenn sa 30-year-old na boyfriend.

Napag-iisipan na nga ba niya ang tungkol sa kasal?

“Well, naka-live-in naman na kami ng two years.

"It’s just papers, that’s the difference.”

Noong tinanong sila ng mommy ni Nico tungkol sa pagpapakasal, ano ang naging sagot nila?

“Sabi ko, hintay na lang ako, yun lang!” natatawang sabi niya.

Hinihintay na lang niyang mag-propose sa kanya ang boyfriend?

“Oo, when the day comes. If the day comes… tingnan natin.”

Hindi siya naniniwalang importante ang kasal?

Sagot ni Solenn, “For me, hindi masyadong importante.

“For me, importante kapag may mga bagay na you buy something together or kapag may anak na kayo. Mas safe yung future ng mga anak.

“Pero kung wala kayong mga anak, for me, kahit livingcin.

“Married or not married, for me, same lang.”

Pareho naman daw sila ng opinyon ng boyfriend sa ganitong bagay.

“Pareho kaming open-minded, chill, relaxed. Hindi kami nagbibilisan.

“Ayaw namin ng pressure. Life is too short.”

ARRANGED MARRIAGE IN MUMBAI LOVE. Tungkol naman sa pelikula niyang Mumbai Love, nagkuwento si Solenn na kakaiba ang karakter niya rito at espesyal raw sa kanya ang paggawa ng pelikulang ito.

“Ang Mumbai Love is about the joy and the journey of love sa dalawang kultura kasi.

“It’s about the girl that works in the Philippines, pero nagpunta siya sa India para maghanap ng mga stones, kasi she works in the jewelry business.”

ADVERTISEMENT - CONTINUE READING BELOW

Ilang eksena nga sa pelikula ay kinunan sa India.

“Then, she met an Indian na kahit wala sa plano niya, na-love at first sight, at ayun, may mga problems and everything.

“Kasi, iba ang kultura nila [Indian] kaya yung guy, mag-a-arrange wedding siya sa parents niya.

“Kasi, most of Indian people, they don’t accept that you fall in love.

"All arranged since bata pa sila.

"Iniisip na ng mga parents nila kung sino mapangasawa ng mga anak nila.

“So, it’s about two cultures and how they can be together.”

Naging challenge daw kay Solenn ang role niya na pakikay-kikay.

“Sa totoong buhay, kalog ako and everything. Pero, parang twenty ako ulit.

“So, lahat ng cast na kasama ko, bata pa sila.

"I have to tame down. Kahit sa mga movements, the way I’m walking. Sa mannerism.

“Nag-imbento ako ng mga mannerism para kay Ella, sa character ko.

“The movie is fun. Hindi siya diretso lang.

"The movie is exciting, maraming things na hindi niyo makikita sa trailer, pero masa-shock kayo sa pelikula mismo.

“Di ba, kasi sa movie, sa trailer, parang lahat sa pelikula, nandoon na?”

May mga production number rin siya rito?

“Siyempre naman, since may pagka-Bollywood ang feel dito, may dancing, may singing.

"Sobrang colorful yung pictures, yung story.

“At nagsulat din ako ng French song para sa movie.

"At para sa mga gustong manood na hindi Tagalog ang preference, may subtitle.

“May Hindi [isa sa mga official languages sa India], may Tagalog, may English at may French, so nandun lahat.”

Ano naman yung French song na ginawa niya?

“Para sa isang scene. Pero hindi ko sasabihin kung anong scene.

"Pero may French song at cute-cute at first time kong magsulat in French.

“Actually, may arrangement na ako.

"They love the lyrics, pero gusto nila, mas magmukhang bata,” pagmamalaki pa ni Solenn.

ADVERTISEMENT - CONTINUE READING BELOW


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN