The Borrowed Wife theme song: Original or stolen?

Jun Rufino Lugod Jr. (right), a Filipino nurse in Chicago, is claiming that the theme song of GMA’s new afternoon soap, The Borrowed Wife, was his composition and the use of his song is not authorized.


Pagkabigla at matinding disappointment ang naramdaman ng US-based Filipino nurse na si Jun Rufino Lugod Jr. nang mapanood niya ang music video ng The Borrowed Wife.

Pamilyar na pamilyar daw kay Jun ang theme song ng bagong afternoon teleserye ng GMA, ang “Sana Lahat Ng Oras,” na nilikha ni Agat Obar Morallos at kinanta ni Rachelle Ann Go.

Nakapanayam ng PEP.ph (Philippine Entertainment Portal) si Jun sa pamamagitan ng direct messaging sa Facebook.

Ayon sa kanya, sariling composition niya ang kantang isinulat niya noon pang 1993.

At, diumano, walang pahintulot na ginamit ito bilang theme song ng The Borrowed Wife.

Pahayag niya, “I posted my 20-year-old composition in August 19, 2010, for my Facebook friends.

“Naglagay ako ng warning na: ‘This is my original composition. Do not copy or record...”

“Live ko na kinanta sa video ang ‘Sana Lahat Ng Oras.’ Someone stole the song from me.

“Napanood ko sa The Borrowed Wife ang kanta ko na 99.9% na kinopya, the melody, the words.

“I also saw it on YouTube at nakalagay na isang Agat Obar Morallos ang composer ng kanta. It was the most upsetting day of my life!!!

“Pangarap ko sa composition ko na kantahin ito ng mga idol ko, sina Gary Valenciano at Regine Velasquez.

“Hindi ko inakala na may magnanakaw sa kanta ko at magpapanggap na sila ang composer.

“I don’t care about the reputation of Agat but bottomline is God knows, pati na ng pamilya at mga kaibigan ko na ‘Sana Lahat Ng Oras’ is my song.

“What she did was wrong and against the copyright law.”

Ipinakilala ni Jun ang sarili bilang professional nurse at part-time singer ng isang banda mula pa noong 1995 sa Chicago.

Nagsimula siyang magsulat ng mga kanta noong 1993, at kabilang daw sa mga nilikha niya ang “Sana Lahat Ng Oras.”

“I sang that song several times with my band for my family and friends. I wrote that song when I was in our province, Nueva Ecija.

ADVERTISEMENT - CONTINUE READING BELOW

“Pangarap ko na i-record ang kanta at i-release ito commercially.

“At that time, I was very confident that I would be discovered as a singer because of ‘Sana Lahat Ng Oras,’ but my parents wanted me to go to US and have a career as a nurse.

“My second option then was to give the song to Gary or Regine but someone stole it and killed my dreams.

“Hindi ko nagustuhan ang version ni Rachelle Ann Go dahil pinalitan niya ang apat na words ng kanta.

“Hindi ako makapaniwala na may magnanakaw ng kanta ko at gagamitin na theme song ng The Borrowed Wife...

“For me, it should be the ‘Borrowed Wife, Stolen Theme Song..’”

Nakikipag-usap na raw si Jun sa legal counsel niya sa Pilipinas para sa legal action na gagawin nila laban sa tao na responsable sa pamimirata sa kanyang sariling kanta.

Kinontak ng PEP.ph (Philippine Entertainment Portal) ang GMA Records, na siyang nag-release ng kanta, upang kunin ang kanilang panig.

Ayon kay Kedy Sanchez, Artist and Repertoire Manager ng GMA Records, kakausapin nila si Agat Obar Morallos tungkol dito.

Ngunit sinabi rin ni Kedy na labing-isang taon nang konektado sa kanila si Agat bilang composer ng theme songs ng mga programa ng Kapuso network, at ito ang unang pagkakataon na nagkaroon ng ganitong isyu.

Si Agat din daw ang nag-compose ng theme songs ng afternoon soaps na Pyra at Villa Quintana.


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN